八十後青年贈民主黨紅燒鴿

原帖由 053h4 於 2009-12-2 13:48 發表
係2006年, 民主黨對傳媒話, 原則上支持專用通道去西九

一向支持以事實分析﹐如果細心尋找﹐應可找到當年在立法會﹐民主黨是支持專用軌道立場。

事情發展至今﹐社運界經不斷施壓﹐已成功令民主黨立場由棄櫂改為反對；支持加速基建的主流群眾﹐民主黨既然有份支持專用軌道方案﹐當然希望該黨投贊成票﹐有必要承認政黨要加強政策研究﹐避免出現如此怪局。

其實親政府陣營+商界既朋友自由黨, 已經夠過半數。

不過講左咁耐, 係咪應該做番D野, 反「反高鐵」呢?

原帖由 053h4 於 2009-12-2 14:18 發表
如果話直通巴賣點係平, 我唔多認同, 除左廣州外, 都唔係真係平
我認為直通巴有得做, 主因係對手太弱, 或者根本無第二種交通工具競爭
好似去番禺, 唔坐直巴就要坐地鐵去廣州轉CRH(3小時內), 或者坐船去蓮花山再轉車( ...

反對派已經講政府用高鐵打擊直巴真不該啦

原帖由 chai 於 2009-12-2 14:18 發表


一向支持以事實分析﹐如果細心尋找﹐應可找到當年在立法會﹐民主黨是支持專用軌道立場。

事情發展至今﹐社運界經不斷施壓﹐已成功令民主黨立場由棄櫂改為反對；支持加速基建的主流群眾﹐民主黨既然有份支持專用軌道方案﹐當然希望 ...

我勸諭民主黨明天投番棄權票, 免得左右唔係人

原帖由 LAK2 於 2009-12-2 18:28 發表
其實親政府陣營+商界既朋友自由黨, 已經夠過半數。

不過講左咁耐, 係咪應該做番D野, 反「反高鐵」呢?

葉劉已表明支持
只欠梁醫生未決定

原帖由 a_drew 於 2009-12-2 18:47 發表


葉劉已表明支持
只欠梁醫生未決定

離題：
由23條開始，我都支持葉劉！
支持佢做衰23＞落台＞做議員，我打聽到的評價係，
佢係一個看顧下屬的好領袖，又係愛護女兒的好母親，
若不是受職責所限，憑良心憑經驗理應更有作為。

今日建造業出現支持建高鐵，增加就業。
雖然增加就業唔算係一個「支持的理由」（搞其他工程都可以增進就業），
不過基層鬥基層，工人對村民（表面上），好睇囉～

加上今日新聞報導武廣高鐵即將營運的消息，
相信之前對高鐵存疑的市民，會有一部分支持盡快興建。

原帖由 LAK2 於 2009/12/2 18:28 發表
其實親政府陣營+商界既朋友自由黨, 已經夠過半數。

要靠不民主o既立法會才可以通過我o地認為值得支持o既事, 我覺得非常遺憾。

不過講左咁耐, 係咪應該做番D野, 反「反高鐵」呢?

最抵反o既應該係o個個自命專業o既團體。你話菜園村民真係被迫親值得同情; 幫佢o地o既後生仔女好多只係一腔熱誠, 付出時間, 不計個人利益; 大角咀、華景山莊居民可能係無知, 同埋影響重建價值都算受害。但呢個偽專業組織, 無啦啦乜都關佢事, 提個糖衣毒藥錦上路方案, 搞到今日民主黨要政府考慮錦上路而投反對票 (表面上), 無啦啦要政府花資源駁佢個千瘡百孔爛方案。明知方案不可行, 然後拎來推銷撈政治本錢, 點到公眾氹氹轉白折騰。最好以後佢再發表o的咩歪理就逐點貼 forum 貼 blog 見鑊反鑊。

甘乃威單野, 又話調查, 然後又無左件事.
五區總辭, 唔支持都算, 仲要搵個元老出黎高調指罵其他人去分化民主派.
高鐵, 而家又話唔支持, 但民主黨當年支持專用通道時又唔見佢一早話要去錦上路?
總之不論政治定係民生, 對香港未來發展有利既事, 民主黨都以行動去反對. 明白晒.

原帖由 chai 於 2009-12-2 14:07 發表
或許請舉出民主黨支持總辭的報導﹐請怨直至今天仍見不到。

8月時司徒華率先提出總辭名單, 但而家又反口話當時提出總辭名單唔代表支持總辭, 大玩文字遊戲, 真係俾佢玩晒.

[ 本帖最後由 PB602 於 2009-12-2 22:38 編輯 ]

原帖由 syp 於 2009-12-2 21:47 發表
要靠不民主o既立法會才可以通過我o地認為值得支持o既事, 我覺得非常遺憾。

今日聽到陳偉業話, 如果立法會係民主選出, 高鐵方案就唔會通過(大意).
我即時打咗個突, 係咪應該反思一下, 究竟即時普選仲係咪值得爭取嘅嘢.

泛民議員完全唔信政府同港鐵嘅專業工程師,
但就信晒蛇油推銷員個爛鬼方案,
民主黨同公民黨嘅判斷力真係好有問題,
佢地喺高鐵上嘅表現實在令人失望.

而家泛民無人支持高鐵,
咁既支持民主亦支持高鐵嘅人仲可以搵咩人代表?
係咪應該轉投民建聯? 反正佢地都自稱支持民主.