o下? A T U E 8 ?! NX4459 差點撞車

原帖由 lf5499 於 2009-12-8 23:03 發表

從來cut線都只有加速 而唔會減速去cut
只有睇路面情況架姐 如果你話隔黎有車都照cut埋去就有問題
條片中睇唔到仲有其他車囉

睇唔到其他車？咁MY917 係乜野？七月十四過左好耐喇喎。

cut 之前話睇唔到，cut 個時有車殺上黎，擺明係個巴士司機無觀察交通情況切線。試下同官講話你睇唔到丫？
睇下會唔會判重d再加幾句說話俾你!

真係講到你唔煩我都悶

咁多人撐巴士司機，快d搵人send 段片去port MY917 啦，睇下先告邊個後告邊個!

原帖由 arhang2001 於 2009-12-9 01:19 發表


我完全唔明白你既言論。

講得白d：我根本唔知你up 緊乜野。

唔...簡單d講，我都唔知你個車牌點考番黎...作為道路使用者，重型車輛要靠左行可以話係基本常識，
特別去到d分叉路，咁大架車你都識講佢鏡細盲點多，係咪應該預左有可能佢睇你唔到？
除非話我楂車係咁架喇，我係要騎住條線，你咪撞埋黎囉...
(通常到最後都好似寶馬果條友咁死beep爛beep，一係就收一收比架大車行先，或者情況許可既話就儘快加速...)

其實講到底，條片足唔足以去一鎚定音...睇怕都未必得囉，正如樓上所講，架BMW車品差就一定架啦

原帖由 Hinata 於 2009-12-9 03:41 發表

唔...簡單d講，我都唔知你個車牌點考番黎...作為道路使用者，重型車輛要靠左行可以話係基本常識，
特別去到d分叉路，咁大架車你都識講佢鏡細盲點多，係咪應該預左有可能佢睇你唔到？
除非話我楂車係咁架喇，我係要騎住條線，你咪撞 ...

分叉路前面仲要係巴士線,
睇到架巴士cut埋o黎點都意識到架車會預備入線架啦

去到呢d位大車未必睇到細車,細車盡量要比大車行先,
除非架大車特登讓你過,呢d根本係普通駕駛常識..

http://www30.hkitalk.net/viewthr ... p;extra=&page=1
隔離都有講
不過對見壇一面倒話巴士錯

原帖由 [MinG] 於 2009-12-9 07:59 發表
http://www30.hkitalk.net/viewthread.php?tid=11110936&extra=&page=1
隔離都有講
不過對見壇一面倒話巴士錯

提提你, 呢度唔可以post 其實討論區的link

講返, 小車讓大車是駕駛禮儀, 但唔係駕駛法例,
即使緊急車輛, 都無可能預其他車真係下下都讓.

上面好多人提及好多駕駛常識等, 我唔知幾多人
真係有駕駛經驗(唔係學車/考車經驗), 基本上,
係路面, 無論咩車都好, 都唔可以"老奉"人地一定
讓你gei, 如果咁心態渣車, 一定好危險, 我相信就
算巴士公司教車, 都唔會同巴士司機講, 話"其他車
一定知你靠左, 你去預人讓你la..."

事件中, 我覺得有可能巴士/BMW都"老奉"左, 先有呢
個危險出現...

但唯一知道的事實, 巴士係切緊線去左邊, 而BMW 一定
係巴士左邊行緊, 先會迫左去那位置, 咁情況下邊個有問
題的機會多d 呢, 係追究責任方面, 我諗結果都幾明顯...有
駕駛經驗的朋友, 我諗都好清楚, 邊一方責任大D..

切線最緊要係睇鏡有無車, 如果唔清楚, 就唔好連續
cut, 收慢dd睇清楚, 無車/後車有一定距離, 先加速cut

當然, 架BMW 之後咁做無品就差不多可以肯定, 咁做損人不利己

[ 本帖最後由 3ASV196 於 2009-12-9 09:17 編輯 ]

其實學車都有教過, cut線要cut完一條先再cut一條, 做完一次過線程序, 拉直返架車再開始過另一次過線程序, 不可以連續cut兩線或以上. 而且你要cut人線, 人地係有路面優先使用權, 正如小路出大路一樣, 讓你就係人情, 唔讓你就係道理. 架bmw車速一定比巴士高, 巴士司機唔可能諗住可以快過架bmw到位, 相信巴士司機因為連續過線而令bmw進入巴士的盲點機會相當高, 而 今次兩車距離相當之近, 更迫令bmw需要過線避開巴士, 如果當時bmw已經在最左線, 又或者左邊或後面有其他車輛, 情況會點呢? 係咪就好似架AP比架貨櫃推左落山咁呢? 所以先令到bmw玩到咁盡, 但bmw咁做都係錯.

原帖由 Hinata 於 2009-12-8 18:31 發表

巴士要靠左行呢d係基本常識啦...個車牌點考番黎架？

除非你話架巴士無打燈，我就真係唔知佢有無需要靠左行喇，
不過我相信無可能囉...不妨扭到大一大聲，聽下有無指揮燈聲？ ...

巴士係要靠左行﹐但外 cut 內都要睇環境許可先好 cut﹐唔係話 cut 就 cut~
依你所說咁 cut 法就係硬 cut﹐而家係部 BMW 比你部巴士壓到埋路肩﹐你係 bmw 司機你會唔會火滾呢?
先話人無品閘你之前﹐不如諗下點解 BMW 要咁做先啦﹐巴士 cut 線唔係大晒架~