反高鐵網民港鐵站貼800標語

原帖由 syp 於 2009-12-12 21:19 發表


做得太激烈有反效果, 做得太溫和又冇人理, 輕度 "公民抗命", 就算罰後果唔係太嚴重, 以搏公眾支持o既效益來講係最聰明o既做法o架喇。

清潔工人辛苦, 咁七一遊行o的清潔工人都辛苦, 搞年宵花市o的清潔工人都辛苦o ...

其實我本身唔想討論到咁仔細點用人手問題, 但明顯亂貼標語, 本身不是一個適當行為...

閣下可以認為無傷大雅, 不過如果將此等行為進一步合理化, 甚至認為係最聰明o既
做法去表達, 我就感到十分差異....

而你話罰後果唔係太嚴重, 你知唔知法定罰則最高又是多少?  是罰款5000及監禁3個月wor

http://www.legislation.gov.hk/blis_ind.nsf/CurAllChinDoc/576337B7C05789D4482573A3002781BB?OpenDocument

１．犯法就犯法、不是罸重或輕。
２．講左好多次、政治任務、反對有用咩？
３．真係要反對、用些聰明方法、只係用攪攪震同小動作。有用咩。

原帖由 3ASV196 於 2009/12/13 09:38 發表


其實我本身唔想討論到咁仔細點用人手問題, 但明顯亂貼標語, 本身不是一個適當行為...

閣下可以認為無傷大雅, 不過如果將此等行為進一步合理化, 甚至認為係最聰明o既
做法去表達, 我就感到十分差異....

而你話罰 ...

我此等言論只是從一個反對一個政府提出的項目的角度去想。當一個開支龐大o既工程, 只能透過一個不民主o既議會去通過, 但社會上又意見分歧, 反對聲音咁大都冇辦法影響結果分毫時, 循合法途徑下無議可施, 如要以犯法方式去表達不滿, 而家呢個做法都算係犯法之中最溫和。

唔知係咪呢度部份人 (唔係話你) 嫌佢o地行動太溫和, 怕佢o地形象唔夠差, 會更加被市民接受, 搞到要非法貼標貼都講到罪大惡極咁來唱衰。

我只係話佢o地聰明, 冇話咁係合理, 更加唔係合法, 但要抗爭的就係要走少少 "歪路"。

大家都係支持高鐵o既, 將集中力放在搵盡辦法搵反高鐵者o既錯誤之上, 將佢o地抹黑 (e.g. 標籤為紅衛兵) 就沾沾自喜, 但對於支持個項目係無補於事, 反對者手法有問題, 被抹黑, 唔代表個項目就值得去做。不如諗下點樣攻擊佢o地o既理據, 點樣說服公眾同意幾百億都值得起, 點樣防止佢o地o既謬論誤導公眾有意思過。

[ 本帖最後由 syp 於 2009-12-13 11:03 編輯 ]

原帖由 syp 於 2009-12-13 11:00 發表


我只係話佢o地聰明, 冇話咁係合理, 更加唔係合法, 但要抗爭的就係要走少少 "歪路"。

講得岩，我就唔信o係滿清年代，孫中山先生做既係係合法
更加唔信法國大革命果陣d人做既野係合法…
法律呢d白紙黑字清清楚楚既野，就係會同實際情況會有衝突
殺人係犯法，不過如果被殺果個係大奸大惡既，冇左佢就天下太平咁款
冇錯咁做係犯法，但可能好多人心裡都暗自叫好
甚至，italk之前有d擺明玩野有心搞事既人存在，即刻ban左佢要佢地永久消失
站規冇寫可以咁做，但最起碼個板即刻清靜返晒
法律同社會既矛盾點就係咁出現

落返高鐵撥款件事度，大家要明白，成件事已經係觸及到「功能組別」呢個為（部分）人所疚病既system
o係佢地眼中，佢地既聲音根本無法o係立法會公平地表達出泥
咁自然，就要踩下鋼線
我相信，如果個制度係好既，犯法既事係唔會有佢既市場，但似乎香港唔係咁
所以點解長毛佢地入到立法會，你估香港人白痴嫁咩…有原因嫁

[ 本帖最後由 ~誰@359~ 於 2009-12-13 14:38 編輯 ]

原來"公民抗命"可以不擇手段, 無視法律/附例, 哪麼規例定下來有什麼用?只適用於守法的人?

原帖由 syp 於 2009-12-13 11:00 發表
不如諗下點樣攻擊佢o地o既理據, 點樣說服公眾同意幾百億都值得起, 點樣防止佢o地o既謬論誤導公眾有意思過。

可以講嘅都講哂，但政府唔爭氣，
任由佢地壟斷輿論平台

原帖由 Kaix 於 13/12/2009 21:17 發表

但政府唔爭氣，任由佢地壟斷輿論平台

我又唔明點解你又唔出口...

照計既然鐵路迷咁有理，點解唔企出來同呢班人打對台？

支持或反對高鐵，及支持或反對高鐵西九or錦上路的意見，早前在本板都討論了不少，不贅。

我個人立場係支持興建高鐵及支持西九總站，各人同意與否我無權干涉。
假如同一個人，在港鐵站張貼「慶祝高鐵撥款通過」的貼紙，
我若親眼見到會即時通知港鐵職員處理，在網上見到我都會照鬧。

對我而言，這個帖子以及這件事的重點，不是甚麼公民抗命、功能組別、
浪費公帑、橡皮圖章、欺壓居民、助紂為虐......而是有人亂貼招紙，as simple as that。講完。

可以說，我在高鐵這件事上和政府立場一致只是偶然，我尋日去考AO/EO試，中文題見到都想掟筆，
我橫掂對問題冇乜見解，曾經諗過寫一堆鬧政府的言詞，只係怕斷自己後路而冇咁做。

板友，及任何其他人，若支持興建高鐵，或指出有人貼反高鐵標語一事不當，
不代表這些人都是政府的應聲蟲，不代表他們同意或滿意現有政治制度，
請不要扯埋一齊講，各位亦不要誤入指定席。

反過來，即使反對高鐵的人，都可以是政制的既得利益者（例如可能有功能組別議員本身都不支持高鐵）。

我會話，高鐵一事帶出了政制的不足，可以是一次群眾運動的攻擊目標，但高鐵本身是「無原罪」的。
批評政制還是批評基建，請有關人士想清楚。

[ 本帖最後由 DIH 於 2009-12-13 22:19 編輯 ]

原帖由 238X 於 2009-12-13 21:57 發表
我又唔明點解你又唔出口...

照計既然鐵路迷咁有理，點解唔企出來同呢班人打對台？

反對嘅永遠係最大聲
支持嘅永遠係唔會點出聲

你叫我企出黎??我又冇咁嘅能耐，
又唔係直接牽涉我利益，
而且推銷政策係政府責任，
我完全唔覺政府有做足推銷工作

[ 本帖最後由 Kaix 於 2009-12-13 22:28 編輯 ]

原帖由 Kaix 於 2009/12/13 22:24 發表



反對嘅永遠係最大聲
支持嘅永遠係唔會點出聲

你叫我企出黎??我又冇咁嘅能耐，
又唔係直接牽涉我利益，
而且推銷政策係政府責任，
我完全唔覺政府有做足推銷工作 ...

因為政府有保皇黨鐵票, 又有功能組別, 又視民望如浮雲, 所以既知道夠票就收工, 亦唔需要理會市民大眾支唔支持, 呢個,可能回歸政制問題。