反高鐵網民港鐵站貼800標語

原帖由 DIH 於 2009/12/13 22:14 發表
對我而言，這個帖子以及這件事的重點，不是甚麼公民抗命、功能組別、
浪費公帑、橡皮圖章、欺壓居民、助紂為虐......而是有人亂貼招紙，as simple as that。講完。

無錯, 支持高鐵o既理據, 呢度都已經講到冇乜好講 (除o左我仲未見到有提確實話到俾我知 "邊緣化" 有咩實質影響外), 而有人在鐵路範圍犯法拎來講亦係合乎板規。

犯法就犯法, 犯法唔可以講成合法, 但我意見的重點之一係: 我唔同意犯法係唔需要分輕重, 犯法唔可以有 "公民抗命" 成份。("公民抗命" 的一個定義, 就是靠犯法去達成。)

至於 "as simple as 亂貼招紙" 係咪樓主貼文o既目的, 或者其他各樓板友真係只係想講呢樣而已, 留待大家心裡自己想。只不過我要提醒o既係, 假如有人認為 "因為反高鐵者用錯方法抗爭, 所以反對意見都係唔 valid, 可以不理", 呢個絕對唔係撐高鐵o既正確方法和方向。此乃我意見的重點二。

原帖由 syp 於 2009-12-14 01:02 發表


無錯, 支持高鐵o既理據, 呢度都已經講到冇乜好講 (除o左我仲未見到有提確實話到俾我知 "邊緣化" 有咩實質影響外), 而有人在鐵路範圍犯法拎來講亦係合乎板規。

犯法就犯法, 犯法唔可以講成合法, 但我意見的重點之一係: 我唔同意犯法係唔需要分輕重, 犯法唔可以有 "公民抗命" 成份。("公民抗命" 的一個定義, 就是靠犯法去達成。)

至於 "as simple as 亂貼招紙" 係咪樓主貼文o既目的, 或者其他各樓板友真係只係想講呢樣而已, 留待大家心裡自己想。只不過我要提醒o既係, 假如有人認為 "因為反高鐵者用錯方法抗爭, 所以反對意見都係唔 valid, 可以不理", 呢個絕對唔係撐高鐵o既正確方法和方向。此乃我意見的重點二

似乎閣下諗多左......

麻煩你睇返我開文, 本身也有2個重點...

1.  "反對還反對, 唔好用一d有可能犯法的行為去表達吧...."表明我是唔認為有關反對, 需要用到犯法行為

2. "其實似乎佢唔知, 現時地鐵車務運作本身, 都唔係賺錢ga....", 雖然我的論據是錯左, 但我本身唔係用緊
"因為反高鐵者用錯方法抗爭, 所以反對意見都係唔 valid"去講, 而是用論點去反對佢地意見...

我反對有關行為, 同時反對有關意見, 是2個層面, 亦是2樣的事件, 不代表我是LINK 埋.....
我反而唔明白係, 閣下似乎諗多左, 見到支持高鐵的版友對有關行為反對, 就等於是以上閤下想法, 所以需要
閣下去作出"提醒" (如果你唔係咁諗, 就唔需要"提醒"吧)

而另外是, 我希望閣下可以諗返, 咩情況, 先係合理地作出"公民抗命", 1. 高鐵是否涉及公義, 道德, 人權等最
基本的問題, 2. 高鐵又是否係市民中只有一面倒的意見, 3. 高鐵的通過, 是否完全無晒其他空間去表達反對?
(見到有人用孫中山去比較, 我會啞左)

而我唔會反對有關"公民抗命"的意思, 不過我唔認為現時情況有關方式表達是必需, 我地必要小心去睇, 及小心運用,
尤其是以上第二點, 現時社會有2種聲音,如果反對唔成, 就用犯法行為去表達, 即是迫另一方意見去接受自己的意見,
這本身也不是民主的行為..即表達要靠惡? 咁情況下, 社會需要秩序的ma?

[ 本帖最後由 3ASV196 於 2009-12-14 08:15 編輯 ]

原來，只要反對手法和平非暴力，就可以「公民抗命」自居。

也許持有關意見的人士，思想比我多進一大步，包容性極大，或者已超脫凡塵，
認為表達不同意見，只要手法和平非暴力，便可以容許進行。

由此引申，原來香港是法家治港（而不是我一直理解的法治），
其他人是過於守法的懦弱順民？不犯法無以表達反對？
這豈不是打了大律師黨和也是大律師的李柱銘一大巴？
這令我想到五區總辭。

再想：
除了在這個板外，貼紙一事在社會上引起了多大迴響？
反對高鐵的supposedly民選立法會議員知否有這件事？若知，有甚麼意見？
這件事除了和「邊緣化」一樣虛無縹緲的「公民抗命」外，有甚麼實質影響？有壯大自己聲音嗎？能說服對方嗎？
我都知有市民見到表示支持，但高鐵依然會建，菜園村依然會拆，而且一張貼紙改變不了立法會或特首產生辦法。
更糟糕的是，一般市民見到的是「有人亂貼招紙」，
而不是「有人亂貼招紙以公民抗命來表達因高鐵一事展現出來的香港政制畸型」。

攻擊別人前，不如先說說自己有幾好。
舉個例，緬甸僧人上街、南韓和尚自焚，一般人都會非常敬佩及心酸，因為他們認知佛門中人沒有瘕疵。
但現在若然民進黨要反貪腐，就會比2000年前困難很多。

我相信有不少一般市民已經被武廣高鐵通車、試車時速394而車內絲毫不搖晃的新聞「震攝」了，
反對陣營對這新形勢有甚麼對策？又係結束一黨專政、平反六四？呢兩點我都爭取架喎。

若然貼招紙的終極目標是針對政制，為何不名正言順打著推翻現有政制、要求更大改革的旗號？
一路「啫」住條高鐵，會影響到這些人想要改革的政制嗎？

形象化一點說，情況就如有人反對盲婚啞嫁（立場上我都支持），
但不去同個老公、老爺奶奶理論，又唔係在街上開壇聲討曉以大義，
而係千方百計阻撓媳婦入門、周街唱個媳婦係醜女、養佢要使好多錢，
去破壞花轎、去媒人婆檔口淋紅油，還要有人稱之為「反封建公民抗命」。

請不要因一時意氣而沖昏頭腦，而令自己道德高地盡失。
畫公仔畫出腸喇，我講得呢句即係我認為反對者都有一定的理由，但方法用錯，
所得出來的結果是失民心而件事冇改變到，也不能避免將來同類事件再發生。

感慨：
在專業聯盟方案出台前，我係傾向同情菜園村架，我當時對高鐵冇既定立場架，
但睇過專業聯盟的方案、政府的反駁（制度有缺失不代表裡面的人是白痴）、
道聽途說一些關於菜園村的事、回想旅遊見聞、再認真想想各論點，結論係決定支持西九高鐵。
而之後我為了這個支持，做了很多以前未做過的事，
例如將forum的貼文post在自己blog（這非常冒險，因可能得罪持相反意見的朋友）、
電郵到港鐵以示支持（平時我email港鐵係為了兜個圈去鬧）、電郵到明報、在forum上看到壁壘分明的現象......
無論結果如何，呢件事已經令我個人有所成長。


[ 本帖最後由 DIH 於 2009-12-14 11:38 編輯 ]

或許這樣說，小弟若非忙到不能開交（半個月前平均每日連訓覺都未夠 2 個鐘情況下），
個人妄想到希望能有人協助創建「反『反高鐵』滋事分子」群組。

個人不反對小弟友人們支持「『菜園村』原村村民」訴求，
個人不理會「『新高鐵』溫和專家組」在公開場合發表自己的意見，
可以並不代表「『反高鐵』滋事分子」可以犯法進行不合理的公民抗命，以不合法方式顛倒是非黑白。
因為問題是，個人不見得他們的公民抗命有任何合情的存在意義。

在德意志統一運動，人們不滿民眾分散而以公民抗命要求統一，在中俄推翻帝制而起革命，因為人民不滿政府敗壞，
不過明明高鐵是沒有原則上人權或法制錯誤（至少專家組支持錦上路高鐵），以違法行為推翻高鐵，繼而換取公民抗爭成效，個人對此感到反感。

[ 本帖最後由 dennis28a 於 2009-12-14 11:50 編輯 ]

原帖由 DIH 於 2009-12-14 11:25 發表
若然貼招紙的終極目標是針對政制，為何不名正言順打著推翻現有政制、要求更大改革的旗號？
一路「啫」住條高鐵，會影響到這些人想要改革的政制嗎？

如果話背後仲有終極目標ge話
我唸上次有句示威標語都寫得好清楚:
"反對共匪高鐵"

原帖由 kychung 於 2009-12-14 12:00 發表


如果話背後仲有終極目標ge話
我唸上次有句示威標語都寫得好清楚:
"反對共匪高鐵"

大家有心留意獨立媒體報導，將會更加有趣，
涉及利益衝突者，便需要找別人的罪證（「利益衝突 = 犯罪（官商勾結／貪污）」），然後公告天下（即抹黑方法）；
基本上反高鐵滋事者一直以政治換取別人支持：「香港基建 = 香港政治」。

[ 本帖最後由 dennis28a 於 2009-12-14 12:17 編輯 ]

張彧暋﹕別讓西九高鐵站成為香港精神的墓碑
http://hk.news.yahoo.com/article/091213/4/fmr9.html


又一篇令人「大開眼界」文章

論壇皆見一眾專家論客附和高鐵計劃，大談融合論、經濟效益論、落後論，其惶恐不安之狀，見之「un-頂-able」（難頂），也深深感受那些所謂成功了的香港嬰兒潮世代之思維發展，還是擺脫不了有奶便是娘的階段：（前提一）祖國有錢；（前提二）有錢就好；（結論）因此祖國就好。

葡萄一：香港嬰兒潮世代肯幹就成功
葡萄二：大陸經濟影響日益龐大

要擺脫有奶便是娘的階段，請關閉香港國際機場，請停止香港一切對外貿易

沒有人膽大包天說：我要更親近阿爺！迴避政治，用經濟效益的論調談政治感情，狀甚難看。

無論講幾多理由支持高鐵，
佢一句「沒有人膽大包天說：我要更親近阿爺！迴避政治，用經濟效益的論調談政治感情，狀甚難看。」，
你仲有心機同佢講落去咩??

第二，自我推翻。高鐵計劃完全缺乏經濟效益。新聞節目訪問某位火車公司前高層，原來他根本不習慣搭火車到內地辦公。更好笑的是，他也講得明白，其實無論如何評估經濟效益，都只是評估而已。

田北辰當然唔會搭又慢又迫嘅東鐵，搭私人座駕快得多；
如果有高鐵，12分鐘直達深圳市中心，比機艙更寬敞嘅車廂，就完全唔同講法

請搞清楚通勤鐵路同城際高速鐵路分別

政府評估出黎嘅經濟效益未必準確，
但唔通筆者一句連解釋都欠奉嘅「高鐵計劃完全缺乏經濟效益」就可信??

親近阿爺，不一定建高鐵：反正要示好，何不建偉大一點的磁浮火車？就算我不支持什麼融合，也不一定是搞對抗：為了阿爺好，就不要浪費這些無謂錢，用來救災，或者想一下有沒有什麼經濟以外的辦法，譬如為中華民族的民主、自由、文化貢獻，提供一個可能性，好不好？

大陸高鐵網是輪軌鐵路，香港建磁浮火車豈不能與大陸高鐵網接軌?
還是筆者根本對國內高鐵發展一無所知?

最後，香港市區的鐵道系統其實一團糟，就算不飽和，在繁忙時間搭地鐵上班的讀者也能體驗要等5班車才能轉車或者要到尾站才能上車的超級擁擠。700億大概夠完善香港的鐵路系統吧？把錢花在本地鐵路發展，其經濟效益更加能預測吧？

高鐵不是可以舒緩東鐵擁擠嗎?? 由市區出發，轉乘站只不過由九龍塘/紅磡變成西九龍，
但高鐵就可以一上車12分鐘直達深圳CBD福田，在福田高鐵站更可轉乘4條地鐵到深圳各區，
更可轉乘穗莞深城際線前往沿江各市鎮，
遠比使用東鐵站站停40分鐘才到深圳邊緣更快捷方便

再者陸路過境人次年年上升，近年增長均集中於路面交通，
不建高鐵，豈非繼續增加本港道路壓力??

每日陸路過境人次達500,000，
高鐵以12分鐘直達深圳CBD福田作招徠，
廣州南站亦鄰近港人常到之番禺、佛山及廣州老城區，
加上直達班次往汕頭、廈門、武漢、長沙、桂林等中距離城市，
有100,000人次使用高鐵並非出奇事

[ 本帖最後由 Kaix 於 2009-12-14 14:59 編輯 ]

其實大家有無發覺
越執著於逐點反駁
反而會被反對勢力牽住鼻子走而處於被動?

原帖由 Kaix 於 2009-12-14 14:41 發表
高鐵不是可以舒緩東鐵擁擠嗎?? 由市區出發，轉乘站只不過由九龍塘/紅磡變成西九龍，
但高鐵就可以一上車12分鐘直達深圳CBD福田，在福田高鐵站更可轉乘4條地鐵到深圳各區，
更可轉乘穗莞深城際線前往沿江各市鎮，
遠比使用東鐵站站停40分鐘才到深圳邊緣更快捷方便

忽然諗到一樣野，如果高鐵真係搶走大量高鐵客，咁羅湖仲點樣補貼東鐵本地服務？
港鐵有無可能用呢樣野黎做藉求加東鐵線票價？

另外如果搶到客，東鐵行九卡可能唔再係問題。