咁都得？！客都未上晒就開車！

話說今日晌元朗搭完西鐵準備轉輕鐵761P，
正當我去到就啱啱有車(#1210)到站，
果陣時間係1849，
但個顯示屏話1848就開車，
果陣應該有好多元朗既轉乘客準備上車，
但有好多人落車我地就好乖咁晌月台等客車晒車先上車，
點知個司機唔知係咪好趕住走，
當D客落晒後就即刻閂門開車，
月台上估計最少有30-40個客上唔到車，
只有少部份可能未落完客衝咗上車既人上到，
大家見到呢個情況都O晒咀，
於是個個都走去3號月台搭下班最早開既610。

我都明白司機可能見到已經夠鐘所以心急開車，
但架車係用來載客架嘛，
無理由見夠鐘就客都唔理就走去開車卦？！

761P 咁密
仲唔走既唔怕頂住後面 D 車咩
507 朝早都係咁 , 由 D 人上既一定遲到遲得離哂大譜
所以你上得慢既係你蝕底姐 [ 輕鐵唔可以太禮讓 , 太禮讓都會俾人嘈 ]

你講我？？(講笑，今日我RD)

呢d情況時不時見倒la樓主，就等同地鐵一樣，時間一到就要開車，輕鐵已經算好了冇兜野夾落去，我前幾日搭KTL去到九龍塘見倒五隻門無一人幸免，但奇蹟地冇彈門就開倒車...

輕鐵設計係拖兩卡，但761P經常都「拖六拖」(三抽孖仔一齊埋元朗)，咁你叫最前果班仲點等埋d客上車先閂門呀？倒不如早d閂門開出去清590,580等緊果班客仲好，元朗總站既761P客樓返部後車一次過上晒好過。occ應該叫最前果架入1號台清客後即時開出590起載先可以民怨減至最低，不過佢都理唔倒咁多。

樓主，你話司機冇理由見夠鐘就客都唔理走去開車，咁如果你識輕鐵司機可以叫佢畀你睇下本timetable，761P繁時轉轉1分鐘休息，行車時間負2負3係正常，試問仲有咩時間畀客上車？？錯不在司機，錯在輕鐵唔夠車搞到d車轉轉趕到死。

[ 本帖最後由 4056 於 2009-12-15 04:05 編輯 ]

原帖由 4056 於 2009-12-15 04:00 發表
......
呢d情況時不時見倒la樓主，就等同地鐵一樣，時間一到就要開車，輕鐵已經算好了冇兜野夾落去，我前幾日搭KTL去到九龍塘見倒五隻門無一人幸免，但奇蹟地冇彈門就開倒車...

所以我一直都覺得聽從"請先讓乘客落車"的廣播係唔明智
(島式總站上車除外)
特別係地鐵, 根本就唔會等係月台上的乘客上晒車先關門,
話之你, 你咁守法讓晒D人落晒車先, 最後咪又係上唔到車
甚至繁忙時間部分上車位因為企係月台頭果幾個乘客讓人落晒車先,
最後上唔到車, 搞到後面一個人都上唔到車~
(下一班車黎到開門就唔理三七廿一唔讓人落車就立即上車)

所以我就見過有人見個電腦系統咁唔俾面,
唯有用血肉之軀頂住度門, 等佢身後同人的親人都上到車~

荃灣線係早上繁忙時間偶然都有呢D情況:
http://www.hkitalk.net/HKiTalk2/ ... =%E9%87%91%E9%90%98

[ 本帖最後由 ES464470X 於 2009-12-15 19:30 編輯 ]

開門走人只算中等程度, 有次落大雨, 有架車明顯落後時間表 (同路線下一班係佢後面), 個車長夠膽有人過緊馬路 (行人路亮綠燈) 都照去

噚日搭東鐵綫南行都遇到呢個情況
由於同前車相距時間較耐 (~5 分鐘)
架車已經好多人
去到沙田站有好多人落車
上車d 人亦要慢慢迫入去
但係d 人未上晒站長就已經按掣
結果仲有7~8 人未上到車o 晒咀
而架車亦就咁走左

原帖由 ES464470X 於 2009-12-15 19:27 發表


所以我一直都覺得聽從"請先讓乘客落車"的廣播係唔明智
(島式總站上車除外)
特別係地鐵, 根本就唔會等係月台上的乘客上晒車先關門,
話之你, 你咁守法讓晒D人落晒車先, 最後咪又係上唔到車
甚至繁忙時間部分上車位 ...

在屯門及元朗的輕鐵站，經常會見到欠缺公民意識或教育程度較低的人，築成人牆擋住車門，爭先恐後地仆進車廂爭位坐。

我以往都會為求落車而不理三七廿一與這班蠻人對撞，現在想到了更好的做法：先讓這班人上車，然後再施施然下車。見到爭到坐位的沾沾自喜，爭不到的一臉氣憤，我覺得相當可笑。

香港人，有很多行為都讓人蒙羞，而更讓港人蒙羞的是，有人會為自己缺乏公民意識的做法而沾沾自喜。

（請勿對號入座）

原帖由 ahbong 於 2009-12-16 02:22 發表


在屯門及元朗的輕鐵站，經常會見到欠缺公民意識或教育程度較低的人，築成人牆擋住車門，爭先恐後地仆進車廂爭位坐。

我以往都會為求落車而不理三七廿一與這班蠻人對撞，現在想到了更好的做法：先讓這班人上車，然後再施施然下 ...

我少搭輕鐵，唔清楚個情況，
但如果係地鐵的話，咁做可能會落唔到車
到佢地上晒車，條路已經塞住晒，有機會唔夠時間攝返出去

原帖由 Quanta 於 2009-12-16 13:16 發表


我少搭輕鐵，唔清楚個情況，
但如果係地鐵的話，咁做可能會落唔到車
到佢地上晒車，條路已經塞住晒，有機會唔夠時間攝返出去

輕鐵係更加易落唔倒車，因為輕鐵比地鐵窄，而且得三隻車門。最慘係輕鐵唔可以搭回頭車，落唔倒車真係搵自己來搞。ahbong兄，如果你因為咁既習慣而落唔倒車，記住唔好問候司機話冇落晒車就關門，天水圍實在太多呢類人，通常我見倒人群上晒車，門閂緊之際有人捐出來，我係唔會開返門，因為人人都落晒係你落唔倒，肯定就係你有問題。

唔好話我岐視，綜觀輕鐵服務三區(屯元天)，最冇品既一定係天水圍，其次元朗。頂門/沖完門再鬧司機夾佢/追唔倒車就問候司機娘親，呢d通通係元天佔左90%。