你們不是明星 (少感)

時代變遷，價值觀都變了

之前我都有 2 年冇影相，2 年間有好多熱狗離開左我地，
本身我都諗住唔再影相，因為都冇咩好影，
最後令到我出黎影返相，都係因為個“出前一丁”廣告，
首先呢個品牌係香港夠經典，二來個廣告內容好吸引到我。

而家經濟好過前幾年，廣告數目多左，質素亦都被提高，
加上熱狗數目減少，就係咁，造就全車身廣告巴士得到時下巴迷既垂青。

呢個現象我自己覺得本身唔係壞，每個人都有自己鍾意既野，
只係而家 D 人表達方式，比以前更加出位，有 D 瘋狂到我自己覺得已經陷入病態的地步。

我諗我未必係同道中人，至少我而家都覺得 ME8933 係要影下的，
不過我會影廣告巴士，都係因為個廣告有代表性或者個廣告靚，
所以我諗極都唔明的就係點解有 D 廣告樣衰到極點，都會有一大班人追住影？

而家咁多廣告車影，搵 D 靚位影到一門一梯都夠啦，我好佩服 D 人竟然可以有咁多時間，
每一架冇原色外露既車都會追住影，重量唔重質，實行影左先，咁有心影的話搵位就俾 D 誠意啦。
值得一提係我見過好幾次 D 人都係返學時間著住校服去影車，唔通影車可以唔駛學歷都搵到食？
D 人影唔到又要返去馬相 KEY 牌拉角度，為既可能就係貼俾人睇，試問影相既本質何在？

最後我想講，影咩車每個人價值觀都好唔同，冇人可以批判任何人，
知道自己點解要去做一件事，同埋要對自己行為負責任先係最緊要。

原帖由 ks7537 於 14-12-2009 20:51 發表
時代變遷，價值觀都變了

之前我都有 2 年冇影相，2 年間有好多熱狗離開左我地，
本身我都諗住唔再影相，因為都冇咩好影，
最後令到我出黎影返相，都係因為個“出前一丁”廣告，
首先呢個品牌係香港夠經典，二來個廣告內容好吸引到我 ...

唔係同道中人唔緊要, 有樣野覺得好岩既係, 每個人都有自己鍾意既野
影唔影廣告車都好, 要自己知道自己做緊乜, 而唔係人地做乜就盲目跟住人地做, 呢樣係最緊要

佢地病態影車都可以話係佢地既事呀..
仲要唔俾人影, 見到有人影就企出馬路整人阻
見到都好無奈,
可以為左巴士搵自己條命黎搏

跟不是明星

我就比較多影自己熟識既路線

路過抒發自己意見:

唔知點解, 耐唔耐就有唔同版友出呢 D 表面抒發自己情感, 但有少少單打意味既文出現.
好奇怪既係, 每次都有人和應同加分.

1. 講真, 如果班巴迷係生性既, 講一兩次已經好夠, 唔洗耐唔耐又抓出來講
2. 隔一排又出呢 D 文, 將自己影相既價值觀加於其他巴迷身上, 又有咩謂呢?

我唔係話唔比出呢 D 文 (我只係一個板友, 又唔係咩板主, 無權限住人講咩野), 但
只係對於耐唔耐又見呢 D 所謂自命清高既文, 自己都覺得悶.

當然你可以話我覺得悶可以唔睇.

原帖由 peterkwan 於 14-12-2009 22:37 發表
路過抒發自己意見:

唔知點解, 耐唔耐就有唔同版友出呢 D 表面抒發自己情感, 但有少少單打意味既文出現.
好奇怪既係, 每次都有人和應同加分.

1. 講真, 如果班巴迷係生性既, 講一兩次已經好夠, 唔洗耐唔耐又抓出來講 ...

其他人以前貼過 d 咩我唔會理, 都唔好拉埋一齊講,
我只係第一次分享自己對影車既想法, 如果咁樣以事論事係自命清高既話, 未免有點過敏

同埋如果呢度有人對呢類文章感到反感或者覺得唔應該貼的話, 我貼少一個討論區唔係問題

i agree

原帖由 ＦＺ龍仔 於 2009-12-14 23:10 發表

其他人以前貼過 d 咩我唔會理, 都唔好拉埋一齊講,
我只係第一次分享自己對影車既想法, 如果咁樣以事論事係自命清高既話, 未免有點過敏

同埋如果呢度有人對呢類文章感到反感或者覺得唔應該貼的話, 我貼少一個討論 ...

其實，每個巴士討論區都有這樣的情況的。當過了一段時間，便會出來。