民主黨區議員(柴議員)被澳門當局拒絕入境

原帖由 PB602 於 2009-12-18 22:57 發表
呢D就係專制國家表現, 歐美民主國家點會限制自己公民出入國家?

早排發生的馮正虎事件已經係一個活生生例子.
渣住中國護照都唔可以返中國,
要好似人球咁留在日本機場禁區內.
結果咪俾傳媒寫成「中國版《機場客運站》」囉.

今日睇新聞至明白點解呢個時候又發生呢D事
原來係老總出巡
河蟹至上
飯民一干人等不可不防

連明報記者都唔入得，既欺人太甚，又莫名其妙。

今日胡總指明澳門廿三條立法成功；
假如香港再有人敢提廿三條立法，我都可能獻出我的第一次去上街！
反正政府「唔肯」要我呢個「人才」～

淨係講今次蔡生嗰單。

講真，大家交戲啫。支聯會一定要今日過去，
唔被人拒絕入境，邊顯得自己係公認嘅反共鬥士？

而人哋擺到明入嚟玩嘢，按照慣例梗係唔俾入，
反而唔明點解淨係封兩個。呢啲嘢梗係一網打盡架啦，
封帶頭者就算？澳門做嘢真係半桶水...

想當年馬英九來香港，亦被本港拒絕入境
馬英九在廣華醫院出世，跟據基本法列明，在本港出生的人士均享有居港權，
連在當地出生的人也不能進出當地，實在可笑

原帖由 venetian 於 2009-12-21 16:00 發表


我身為一個澳門人，在我身邊好多澳門人，都厭惡香港個別人士的吵鬧式抗爭和個別傳媒人士無中生有的報導。

澳門作為一個獨立行政區域，阻截有可能影響澳門的人進入澳門合情合理！澳門政府有必要保障澳門的秩序，他是香港人，在 ...

搞事既唔批准入境可以理解

但如果先前已經向當局申請及批出採訪證,結果
都係唔批入境,都視為合情合理,這只可用四個字
形容:無野好講

原帖由 venetian 於 2009-12-21 17:22 發表


記者是由新聞局發出，新聞局只是看記者是不是符合採訪資格而批出採訪證。至於出入境安排，是治安警察局出入境事務廳事務。因此，即時已發出採訪證情況下仍然不批准入境，情況同樣合情合理。 ...

我尊重澳門人民支持澳門特區政府依法施政，
但如果新聞局批出採訪證，而出入境事務廳認為此人會對澳門有影響，
這個政府依法施政之餘，又是否有點不太協調呢？
最少在審批採訪證時都浪費了一定的資源。

又或者咁講，我作為香港人，認為真小人比偽君子更討人喜歡，
至少我可以體諒一個真小人有其獨特成長背景，
至少我不用看著偽君子那強顏歡笑卻又處處提防的臉孔。

[ 本帖最後由 DIH 於 2009-12-21 17:52 編輯 ]