[長文]從內裝看/聽(?)新一批 ASC 與上代的分別

PB 牌o既新 Scania KUB 出o左幾日，大家可能會覺得……

「o車……咪又係 ASC 一部」
「個咁o既車身改得出咩o野花樣o者」

其實 Caetano o係各種細微之處對個車身都有不同程度o既改變，其中比較顯眼o既相信係 offside 車尾o既兩塊揭版位。
但係其實車內o既改變之處遠遠多於車身o既改變。

人所周知新一批 ASC 轉用 Fainsa Cosmic 5.0 坐位


坐感上我覺得 Cosmic 5.0 比起 Vogelsitze o既 System 400/6 還差一點點，因為本身個椅背比較偏矮……
相比之下 System 400/6 好似高些少，對於我o黎講會舒服o的。


感覺上個扶手位裝得比較「乸西」。

同時，電牌都換o左做 Hanover o既 Filpdot 牌。


但個人好唔鍾意 le 個改動，明明可以用 Gorba iMotion LCD.e 一頁過o既牌，去到 Hanover Flipdot 手上變成兩版。

回到車內，車尾o既電牌放高o左，連帶車尾都多o左個尾牌箱。

相信 le 個設計唔係因為 Hanover 可以擺上頂而 Gorba 唔得，而係俾維修部鬧得多。
因為電牌放車尾正中o既話，起碼都要拆一張位走先可以整。


同為車尾，原先尾排下引擎室肉眼可見o既位置係鋪地台膠。
去到新一批 ASC，地台膠變成反光反到好似塊鏡咁o既墨綠色油漆。


梯級邊o既防滑物料無哂行內俗稱「鯊魚牙」o既黃黑間紋，取而代之係一條條單調o既黃色膠邊。


中門兩側o既路軌鉸接位，已預設被膠殼覆蓋。
頭批 KUB 都有相關設計，但並非每部都有。


車門警告燈的中文由「請勿下車」變成了「門將關上」，字面上比較貼近英文 Door Closing 原意。


輪椅位並無大改動，反而旁邊所貼o既輪椅使用者指示變為新版。
指示內的圖片由一張圖加至三張圖，加入可用安於車身上o既索帶索緊輪椅扶手，以及將輪椅鎖穩的新指示。


頭閘緊急開關掣終於「有面見人」，被重新安放至牌o既正背面而非牌o既下方。


車頭扶手已預設安裝並稍為加高。


上批 KUB 少見的「如要落車 請按鐘一次」貼紙，今批重新貼於鐘燈旁。
但今批新車並無如部份車長所願於車頭或車尾加裝鐘燈。


再看看駕駛室，橙色面o既 Hanover ERIC+ 控制器被重新安放至車頂並置於風口位及 CCTV LCD 顯示器中間。
上批 KUB 中原先突出o黎o既 CCTV LCD 顯示器，於今批 KUB 被妥善收回於車身組件內。
個報站牌框亦都收細o左，只會得個螢幕示人（但部車未裝報站機）。


行車儀錶中o既 LCD 顯示屏於今批 KUB 中被置於引擎轉數錶及速度儀中間。

最後……有樣o野要大家聽先聽得出有咩唔同。
http://gallery.hkbdc.info/d/6034-1/ascb2_bell.wav

講o左咁多，係咪「小改變、大改善」就要留俾各位看官決定喇。

講番 le 隻車，個人覺得 KUB le 隻車型又唔係好似大家想像中咁差，最起碼佢o既空間感係十分充足。
車尾尾二o個排係夠我企起身而唔頂頭，le 樣o野相信未出牌o既富豪 B7RLE 應該做唔倒。

多謝觀看。

[ 本帖最後由 ATE24 於 2009-12-18 21:50 編輯 ]

係好多改善,不過車內過高的冷氣糟依然冇改

另外,有關車尾設鐘燈,早排先有人係開會提過,不過最後因為"在車尾加設鐘燈只限於雙層巴士"為由被拒絕

原帖由 FD_8592 於 2009-12-18 23:59 發表
係好多改善,不過車內過高的冷氣糟依然冇改

另外,有關車尾設鐘燈,早排先有人係開會提過,不過最後因為"在車尾加設鐘燈只限於雙層巴士"為由被拒絕

其實都唔知點解只係限死起雙層巴士先可以裝鐘燈起車尾 ...
更加弊o既係 ASB / ASC 鐘燈擺位有先天缺陷
坐起車廂右後方o既乘客好難睇到

原帖由 FD_8592 於 2009-12-18 23:59 發表
係好多改善,不過車內過高的冷氣糟依然冇改

另外,有關車尾設鐘燈,早排先有人係開會提過,不過最後因為"在車尾加設鐘燈只限於雙層巴士"為由被拒絕

我見係每間廠都有人嘈，但o的回絕o既理由不外乎：
1) Dashboard 上面已經有燈 (U 廠見十一月紀錄)
2) 我o地廠o既車盞 Dashboard 落車燈檢查過後係無o野阻住 (S 廠見十一月紀錄)
3) 只限有倒後位o既車先需要 le 樣o野 (L 廠見九月紀錄 / U 廠見十一月紀錄)
4) 已向工程師室反映問題 (K 廠見十月紀錄)

笑死，四間廠間間都嘈 le 樣o野囉，係差龍運無 le 隻車所以無人出聲……

[ 本帖最後由 ATE24 於 2009-12-19 00:15 編輯 ]

鐘燈依然係好細好易遮到

印象中上批新車光到行大埔道幾乎望唔到外邊

唔知新車係咪都係咁光?!

其實有點不明白，加車尾鐘燈有多難
乘客又易看，車長行車時又易發覺有人要求下車 (因為燈反射於鏡上)
事實上師傅比較少看標板，車頭也好，車尾也好，都是方便到人

冷氣糟仍有那些"可能永遠都不被觸及"既超高, 獨立出風口...