（再次討論）年青人對鐵路的癡心程度

原帖由 流星☆雨 於 23-12-2009 20:45 發表
學校教學生幫襯ＭＴＲ都唔係話唔得既
大家住既地方唔同…
我學校陸運會都係咁
不過通告有一張運動場附近一帶既地圖
有列出鄰近巴士站既路線

個問題係我學校就話"咁多位最好搭地(港)鐵喇"
張地圖又唔列出有咩巴士線同站喎
另外102(北角>深水埗)點都好過北角>金鐘>深水埗掛...

原帖由 teddybus 於 23-12-2009 21:47 發表
返工返學趕時間，搭巴士你都唔會得閒睇風景呀嘛...
咁你搭巴士同鐵路有咩分別？  

搭巴士我真係會望街架噃..

申報: 我朝朝番學係唔需要搭港鐵

原帖由 yunghin2004 於 2009-12-24 08:32 發表
個問題係我學校就話"咁多位最好搭地(港)鐵喇"
張地圖又唔列出有咩巴士線同站喎
另外102(北角>深水埗)點都好過北角>金鐘>深水埗掛...

住得港島我諗應該唔係常去深水步卦...
教人去一個唔熟悉既地方時，會唔會教搭港鐵穩陣？
你要明白，有d 人係會連樓下有咩巴士去其他地方都唔知
我有個朋友係沙田住左起碼10年
佢都唔知附近d 巴士線去邊
次次出街就打黎問我呢個唔係住沙田既
去尖沙咀搭咩巴士，去深水步搭咩巴士
我肯定如果無我教佢，佢肯定係會去搭鐵路...

仲有喎，搭102 你仲要冒紅隧塞車呢個險喎
你係想保證唔會遲到既，我唔明揀鐵路有咩問題？

原帖由 yunghin2004 於 2009-12-24 08:32 發表
搭巴士我真係會望街架噃..

申報: 我朝朝番學係唔需要搭港鐵 ...

都無鐵路上寶馬山，你想搭都無得搭啦...
不過如果我係趕時間既情況下上寶馬山
我附近有一條叫108既隧巴線
都可能寧願搭地鐵去北角轉車
(當然都可能係搭其他隧巴過北角)
108本身已經疏，紅隧又有機會塞車...

可能你好早上到車有窗口位坐
你一定未試過企係樓下既走廊，周圍都係人貼人
個感覺係隨時比起迫地鐵更加難受
地鐵你都話好快就會轉線或者到目的地
有一個喘息既空間同時間
搭巴士你就隨時要咁樣貼成幾個字...
我搭巴士都會望風景
不過一朝早起身返工
人都唔算清醒，上到車都係爭取時間訓返陣啦
仲理得出面風景有幾靚咩
更何況，如果係企樓下走廊人貼人
試問仲有咩風景好睇...

原帖由 stephy~hn2195 於 2009-12-24 03:42 發表
利益申報: 我之前住大埔廣場,冇申請過學生半價八達通:

我去美國之前住大埔廣場,一落街就係大埔中心巴總,我出街首選一定係搭巴士,307,出港島快,如果你知道佢d班次,較arm時間等車.東九一定74x/75x,除左你想遊車河先搭74A.旺角唔係紅van 就係72x, 尖咀一定搭271,出全灣就73x,城隊bbi多,入新界西首選(元朗除外), 基本你係大埔搭巴士出市區一定快過你搭港鐵,你搭巴士落大火最快都要10 分鐘 (不包括等車),行就更多時間,果d時間分分鐘巴士出到廣福準備上吐露港公路,所以我住大埔一定會搭巴士,因為夠快

以前就係，而家一早吐露港公路多車，去到大埔公路、獅子山隧道、窩打老道塞到出尖沙咀，
搭 72X、271 時間一定比坐東鐵慢得多。（有次我係廣源搭 281A 去信和，搭足成個半鐘，有半個鐘基本上係窩打老道同彌敦道上慢慢塞）

基本上除左 75X 外，大部份大埔區巴士一定係市區塞車，
除非架巴士去正屋企／公司／學校下面（正如大埔中心），基本上新達果邊一定坐港鐵快。

原帖由 12A 於 2009-12-23 00:31 發表


我識得有個朋友就係你講呢款
(佢係讀今期roadshow與你同行介紹那家學校)

佢嘅同學就全程港鐵, 即係馬鞍山 > 大圍 ... > 金鐘... 天后轉小巴
但我個朋友就坐 681 > 601/619... > 27/529
我朋友起初都少坐681,
但 ...

或者再唔係就搭681去到灣仔行番出電車路轉25/A/C。
另外仲有兩個稍為好用既方法：馬鐵轉東鐵去紅磡搭108；或者87D去MK銀行中心轉地鐵落天后轉49M。前者較直接，後者就適合食早餐。

P.S.我有時都覺得680P尾車太早開。

至於回程，25綠小轉681，包45分鐘由樹仁返到馬鞍山(要交通暢順先做到)。

原帖由 cong 於 2009-12-23 17:19 發表

89 去到觀鐵轉 14B / 14C / 16M 都去到藍田地鐵站, 我相信觀塘人冇幾多個會好似你咁做

返興田／藍田村的只會選16M吧？

原帖由 LNChickenRice 於 2009-12-23 17:22 發表

以上例子證明只要睇漏以下幾個資料,
就會將45分鐘(小弟前幾日先坐過,仲要晌天瑞上車喎~)0既車程「拉長」...
(1)大欖隧道轉乘...基本上任何M線轉269D,兩程加埋都係$14.5
(2)天水圍有條69M不經元朗市區,行元朗公路直 ...

M線轉269D當然可以45分鐘內攪掂，不過繁時269D就好大機會無位坐；
而坐鐵路的價錢亦與巴士相若。

原帖由 yunghin2004 於 2009-12-24 08:32 發表
個問題係我學校就話"咁多位最好搭地(港)鐵喇"
張地圖又唔列出有咩巴士線同站喎
另外102(北角>深水埗)點都好過北角>金鐘>深水埗掛...

.

102 北角去深水 [土步] 停幾十盞燈，又要
塞車，仲要係未必有位坐。地鐵都係轉
一次車，仲要係過對面已經轉倒車，我寧願
迫下地鐵算喇。

申報利益：我自己返工搭港鐵同搭巴士分別
不大。近來都係搭港鐵多，因為時間易預計，
同埋巴士 (270A) 有機會冇位坐要企。俾多
$5 搭巴士都係旨在有個位坐下，如果要企的
話，我寧願搭火車喇，起碼企都企得舒服Ｄ。
要返夜校 (PolyU) 就一定係搭火車放學，因為
冇得揀。

出街睇下去邊度。荃灣 / 觀塘搭 278X / 277X
係不二之選。登打士街 / 佐敦就 270A，旺角 /
深水 [土步] / 尖咀就火車 (轉地鐵)，過海就第一程
一定係火車 (除非撞正 373 系服務時間)，但自從
東鐵縮返去紅磡之後，第二程多數係隧巴。

自從轉左工作地點同埋東鐵縮返紅磡之後，我
搭地鐵 (市區線) 的次數已經直線下降。

P.S. 我有個朋友住上水，之前讀 PolyU，佢好少
搭地鐵，所以一直冇申請學生八仔。直至去到前九鐵
網絡都有學生優惠，佢 Year 3 果年先有申請。

[ 本帖最後由 chan6723 於 2009-12-24 11:20 編輯 ]

原帖由 ahbong 於 2009-12-23 02:21 發表


由沙田往青衣，港鐵建議於九龍塘、太子及荔景轉車，官方時間為 35 分鐘。

樓主提出的經紅磡及南昌轉車，應該純為較舒適的旅程及有位坐，而學生優惠平過 49X 本來已是賣點，是否「平好多」我不作評論，據我所知香港算死幾亳子 ...

港鐵好似沒有計算轉車時間, 等車時間在內 (簡單D 講只係計上車到落車那一刻).
如果目的地遠離鐵路站, 時間將更長.

[ 本帖最後由 張偉沖 於 2009-12-24 11:40 編輯 ]

原帖由 chan6723 於 2009-12-24 11:19 發表


102 北角去深水 [土步] 停幾十盞燈，又要
塞車，仲要係未必有位坐。地鐵都係轉
一次車，仲要係過對面已經轉倒車，我寧願
迫下地鐵算喇。

講起呢個，我又有經驗
話說我之前係柴灣做part-time
放工後有同事話去新蒲崗
正正就係唔想搭港鐵轉餐懵
咁問我有無巴士直去
有，106 囉，反正咁得咁橋我都係搭106返屋企
結果？106係好明顯慢到佢地都訓著左
成一個鐘先去到紅磡
我落車個陣叫醒佢地話我落車先
佢地以為到左新蒲崗囉...
第二日返工，問返佢地，佢地都話早知搭地鐵轉上轉...

所以，都係個句，有車直接到目的地唔係100%最好...