（再次討論）年青人對鐵路的癡心程度

原帖由 laikingsouth 於 2009-12-27 02:30 發表



小弟自己間中都有開私家車，也許開得慢，又或者架車老爺，由洪水橋／屏山開去
屯公落荃灣路口最起碼都要二十分鐘；三十分鐘去沙田真係好窄。。。

另外天耀出面個麻煩十字路口，閒閒地至少阻你五分鐘。。。 ...

有機會的話試試渣車吧..
正常情況之下,最盡35mins都可以去到沙田市中心(附近)

原帖由 Crotone 於 2009-12-27 21:38 發表
但唔好忘記坐港鐵廿分鐘係原站出入要收成$10蚊附加費.

外出 (A) 後送人回家 (B) 後自己回家 (C)，通常 (A) 和 (C) 不同站。

原帖由 ats143 於 2009-12-27 21:42 發表
唔好意思~~
睇黎各位經驗比較淺左少少...
本座某兩日都係o係相若時間,由天水圍搭去沙田...
去到欖隧既時候,剛剛好有269d到站,ok~?
結果?第一次就29mins,第二次就33-34mins~~~
講完。 ...

剛剛好有269D到站，當然OK
但你敢保證你次次去到欖隧都有車？
試諗下如果你唔係有車，而係送車尾
你仲敢唔敢保證半個鐘內去到沙田...
仲要原來係可以落完車即上269D先有機會半個鐘內去到沙田....

原帖由 ats143 於 2009-12-27 21:36 發表
我要用哈哈大笑來回應閣下嗎~~~^^
多謝閣下向本座說教了~~~
一個負a-power既朋友跟本座說是非abc,明白哂^^

邊個話負a-power講既野就一定唔？
a-power根本唔代表d 咩...
講真，佢講既野唔算好聽
但以負a-power黎笑人我真係不敢恭維喇...

原帖由 Crotone 於 2009-12-27 21:38 發表

但唔好忘記坐港鐵廿分鐘係原站出入要收成$10蚊附加費.

搭港鐵的慳錢大法，請你多多研究一下，送朋友回家，亦不一定是原站出入站，一個住天水圍，一個住香港島，由旺角出發，亦不涉及原站出入。

我再舉多個例子
之前去離島旅行，各人都係中環離開
我住九龍塘，我同學住藍田、樂富、黃大仙、南昌、奧運同觀塘

本來，
藍田既同學諗住坐巴士（無記錯的話好似 603P）
而奧運、南昌既諗住坐東涌綫

不過，我九龍塘、樂富、黃大仙同觀塘既同學就自然一齊坐觀塘綫
而呢四位住奧運、南昌同藍田既同學都最後跟咗我地一齊坐
奧運既喺旺角落、南昌既係長沙灣落，而藍田既都係直坐觀塘綫

我想表達既係，車程時間、路程未必係最大既因素
而想同朋友一齊坐、一齊聚都可以成為坐鐵路既一個原因
當然呢個都可以 apply 到去巴士既，不過我好難搵到一個好適合既 case

---

關於情人既，我想講
唔係個個女仔都要求送佢地方屋企都要送到去門口
呢個我覺得已經係分析範圍之外

[ 本帖最後由 bananasims 於 2009-12-27 23:51 編輯 ]

原帖由 Wright---AVW16 於 2009-12-27 08:28 發表
另有網友話紅磡站去隧巴站唔直接，其實係九龍塘轉車既距離都係差唔多，不過紅磡站轉隧巴既優勢，就係可以轉少一次車。君不見尖東歸西之後，有不少原本係尖東站轉車過海既乘客都回流返隧巴，可想而知轉車次數多，對乘客既吸引力係比較低。

此話當真？小弟早前坐觀塘線每朝去九龍塘，每日放工時間亦係九龍塘間中坐東鐵線，出現以下情況：
1. 尖東歸西前後，每朝九龍塘站觀塘線往油麻地方向候車人流明顯大增
2. 尖東歸西前後，每日放工時間，東鐵線往新界方向候車人流同候大增
（不妨在放工時間於九龍塘站候車，個人保證整個月台也是人，而尖東歸西並不會嚴重至此）

其次，轉少一次車不等於時間上有候勢，
單是一次紅磡塞車，往中環／港島東乘客使用「紅磡站轉隧巴」時間上會比用307、681、88R或港鐵等更直接路線更慢。

個人不否認「有部份係尖東站轉車過海既乘客都回流返隧巴」，
惟並不一定大多數，更不是直接的方法，根本不可能以「可想而知轉車次數多，對乘客既吸引力係比較低」作結。

[ 本帖最後由 dennis28a 於 2009-12-28 00:21 編輯 ]

原帖由 homan0323 於 2009-12-25 22:28 發表
其實如果有其他板友試過30分鐘內(連等車及轉車)於以上地點去到沙田,可以同大家分享,或者有冇其他板友經常或每日在天水圍搭269D或搭69M/265M/269M轉269D返工返學,或試過搭鐵路做比較既經歷,不妨將自己的搭車時間及有關經歷同大家分享,從而求取一個客觀及準確的時間。

小弟雖然唔係由天水圍出發，
但係小弟星期一至五都要由洪水橋附近搭263M轉269D入沙田返學，
大約需時45-60分鐘(視乎269D等車時間而定)

講番正題，
我們不應該因一件事就話人對港鐵痴心，
有好多人只係貪佢有優惠，或者同一大班朋友一齊先搭港鐵，
所以咁樣討論落去作用都唔大，
反而如果討論如何用這些因素(e.g:優惠、朋輩壓力)吸引年青人改用巴士，才是上策

東鐵線延長的確令部分乘客轉回利用隧巴過海，
如果你每天早上經過紅隧口，就會發現轉車人流比以前多。

但另一方面，西鐵線延長吸引了部分乘客從九龍塘、旺角東上車轉西鐵，
一加一減後，尖東確實少左人上車(兩個方向都是)，
而紅磡就成為人流匯聚之處。

p.s.呢個題目有咩討論價值？
倒不如開過題目叫「年青巴迷對巴士的癡心程度」

原帖由 卡達哥 於 2009-12-28 00:33 發表
東鐵線延長的確令部分乘客轉回利用隧巴過海，
如果你每天早上經過紅隧口，就會發現轉車人流比以前多。

但另一方面，西鐵線延長吸引了部分乘客從九龍塘、旺角東上車轉西鐵，
一加一減後，尖東確實少左人上車(兩個方向都是)，

無人會否認以上兩點，
不過以上兩點並不足夠證明西鐵線延長後，尖東站原有轉乘客也棄用九龍塘站轉乘，
改用樓主一意認為認為「有不少原本係尖東站轉車過海既乘客都回流返隧巴，可想而知轉車次數多，對乘客既吸引力係比較低」的結論。
根本上紅隧口轉車乘客及九龍塘站轉車客均有增加。

原帖由 ats143 於 2009-12-27 21:42 發表

唔好意思~~
睇黎各位經驗比較淺左少少...
本座某兩日都係o係相若時間,由天水圍搭去沙田...
去到欖隧既時候,剛剛好有269d到站,ok~?
結果?第一次就29mins,第二次就33-34mins~~~
講完。 ...

個人又真的不介意分享一點資料，
半年前，有一次小弟由天水圍市中心下繁時間乘坐 269C 前往觀塘，全程均有在車上作出計時，
由天水圍市中心開出至天耀輕鐵站，需時 18 分鐘；
由天水圍市中心開出至元朗公路入口，需時 25 分鐘；
由天水圍市中心開出至大欖隧道收費廣場，需時 35 分鐘；
由天水圍市中心開出至大欖隧道出口，需時 41 分鐘。

在沒有轉車情況下，由天耀輕鐵站乘坐小弟當日所乘坐 269C 前往大欖隧道出口，也需要 23 分鐘的時間，
似乎要 30 分鐘內前往沙田，未免有點難度。

至於為何會出現如此長的時間，主因是受到天耀邨十字路口的影響，
在小弟紀錄該程車程中，路口至少等了 5 分鐘轉燈時間。

因此，除非在天耀邨（近西鐵站）乘坐 69M，再要剛好有一架 269D 係收費廣場可供轉車外，
要在 30 分鐘往來沙田，根本不太可行。

[ 本帖最後由 dennis28a 於 2009-12-28 04:49 編輯 ]