（再次討論）年青人對鐵路的癡心程度

多年來接觸不同朋友、同事後，得出的結論是交通工具的選擇，通常是非理性及以習慣為主。

幾位居住天水圍的朋友，無論怎樣都抗拒「要左轉右轉」的西鐵，但對於選擇巴士而導致的轉乘，又不會介意。例如由九龍塘往天水圍，會選擇地鐵到旺角轉荃灣線再到佐敦轉268B，都不會考慮轉車次數相同、車費較平、車程較快的西鐵，理由是美孚站行好遠（也大概只和佐敦轉巴士的步程差不多吧）。

又例如由荔景往天水圍，我認為必然的選擇是東涌線往南昌轉西鐵，但朋友一聽到去南昌立即想到「兜大圈」，情願等班次更疏的 269M 再到大欖轉其他巴士，當然我認為是枉花等車時間。又例如某次相約朋友到尖東一處晚餐，該處其實離最近的 269B 巴士站與尖東站步程相約，但當我告訴他我是乘西鐵到來，他第一個反應還是認為尖東站「無雷公咁遠」，根本不會費一點精神去理性地分析。

見到這類盲目巴士的例子，我會認為比盲目鐵路更不理性，因為他們選擇的，是無論在車費、轉車次數、車程都較鐵路差的選擇（學生選乘港鐵，起碼車費一項都比巴士平吧）。

但在交通市場上，我認為普遍存在這種乘客，他們選擇並不以理性行先，而是先入為主，對某一種交通工具的偏袒。

所以學生以車費先入為主地選擇鐵路，我認為無什麼不妥。

[ 本帖最後由 ahbong 於 2009-12-23 00:55 編輯 ]

原帖由 ahbong 於 2009-12-23 00:46 發表
但在交通市場上，我認為普遍存在這種乘客，他們選擇並不以理性行先，而是先入為主，對某一種交通工具的偏袒。
所以學生以車費先入為主地選擇鐵路，我認為無什麼不妥。

原則上一個人選擇用邊一種交通工具去一個目的地
你有理據而且係你覺得對你最方便既，我絕對尊重
但講到而家既青少年唔選擇一程過而選擇轉上轉既鐵路係盲目愚昧
甚至係港鐵既荼毒
我個人認為唔單止係誇張，直情係唔適當....

搭車有人要快, 有人要平, 有人要舒服, 有人要方便
考慮呢幾個因素, 就自然識揀車搭

但係講到港鐵荼毒, 呢個理論不但唔適當, 簡直係不知所謂..
我又唔見得全港既青年都剩係識盲目搭港鐵....

原帖由 ahbong 於 2009-12-23 00:46 發表
但在交通市場上，我認為普遍存在這種乘客，他們選擇並不以理性行先，而是先入為主，對某一種交通工具的偏袒。

嚴格上不是不理性，而是慣性。
有時很難用一把尺去度他們是不理性與否。而且一個人是不可能全理性或全感性。
一般人都會被感覺凌駕理性。

正如那些客對某種交通公具有反感，他當然不會視某交通公具為自己的選擇，在他來說合情合理。

我姊姊住在Yoho Town，她在apm上班，她竟然寧願徒步走去朗屏站坐西鐵（連元朗站都唔去）
去美孚坐荃灣線再去油麻地（有位坐）坐觀塘線，都唔去坐268C。因為她完全對巴士不信任，因為會塞車。
但她經歷過多次鐵路信號故障及西鐵隧道走火警，依然對鐵路信賴。

我教會亦都有一個傳道人，住在翠寧花園，寧願去恆福坐261去上水鐵路站，都堅持唔坐44小巴。
還分享有次差點遲到，部261竟然比平常快8分鐘到上水，令她能準時到達。

嚴格上不是不理性，而是慣性。

同意,舉多個例

另外又有位朋友,

佢覺得巴士唔安全

所以住東chung出入一定港鐵,去羅湖都寧願全港鐵,

真係鄧佢搭得辛苦...

原帖由 dippy 於 2009-12-23 01:33 發表
目前我所知係有人由沙田坐鐵路去青衣
經紅磡和南昌

當然, 我都係49X算

沙田坐鐵路去青衣，應該 30-35 分鐘可到，坐港鐵 $8.8，唔坐 49X 有咩問題？

原帖由 dippy 於 2009-12-23 01:33 發表
目前我所知係有人由沙田坐鐵路去青衣
經紅磡和南昌

當然, 我都係49X算

我有個係英國的表弟之前返來香港，佢阿公阿婆住粉嶺，佢阿嬤住元朗，
結果佢試過拎住張未有九龍南線的 MTR Map，在元朗經美孚，太子，
九龍塘去粉嶺…

唔知外國遊客係咪真係會咁搭車呢？

我算係巴士的癡心份子，基本上在香港任何情況下都會首選坐巴士，
當然我會考慮時間和會唔會塞車，但亦有些例子會堅持坐港鐵，例如由摩頓台去中環，
我寧願行10分鐘出去銅纙灣坐港鐵去中上環金鐘都唔坐2,5, 5B, 10,etc，
因為港島塞車情況太嚴重，巴士我真係完全信唔過。另外例如由黃大仙去北角，
我通常會坐85C/75X去九碼轉船，都唔坐106，時間同地點夾的話，坐船過海真是
最快最舒服，亦是我最常用的過海方法(我極憎坐巴士過紅隧，可免則免)

不過香港有很多人都是好鍾情坐港鐵，上星期有個親戚打電話問我由新元朗中心點去鑽石山，
我咪教佢坐268C巴士可以去到，最後佢竟然問我有無鐵路去到，我咪叫佢坐西鐵出美孚轉車，
但巴士會較快，但最後佢竟然話巴士唔安全,行車震同驚唔知咩站落車為由坐港鐵去

我有個親戚要由兆康去新蒲崗上班，正路應該是坐輕鐵/西鐵去屯門站轉61X，不過佢上班就一定會
坐西鐵去美孚轉港鐵到太子再轉觀塘線到鑽石山，佢話一小時左右就返到公司，唔覺得慢喎。

另外又有一個年青朋友住天富邨，亦是巴士迷，去尖沙咀廣東道返工，自從西鐵開到去尖沙咀後，
佢都即日放棄坐269B，買了$470西鐵全月通，坐K76>西鐵上班，佢話自那天後佢就再無幫襯過
九巴的天水圍線，話忍受唔到269B的「頻密」班次，自此佢天水圍出入市區全部坐港鐵。