（再次討論）年青人對鐵路的癡心程度

d 巴士站分佈得咁 "好"
落左巴士都唔知道行邊度先去到個目的地
地鐵站就唔同呢
一個站有幾個出口
又有埋指示地圖教你點行
呢樣野 巴士根本做唔到

所以出港島
首選一定係地鐵

原帖由 Kaix 於 2009-12-23 09:48 發表

去中環計，新界東居民選用九龍塘/尖東轉車嘅一定比紅磡轉車嘅多
咁新界東居民大部分都冇sense??
仲有你例子2好有問題，
2 - 273轉東鐵去上水係最快，你唔俾人地趕時間?? 你估所有人都好似d巴膠咁終日無所事事??
去上 ...

冷靜，唔好亂用粗口諧音…

搭車我覺得真係好個人選擇喎。有人搭巴士會
暈車浪 (我識得有人搭 273A 甚至火車都會
暈車浪)，咁鐵路行起上來穩定咁多好自然會
成為佢地既首選。
我的朋友好多都識搵巴士搭，至少有唔少人都
會自己行去巴士站睇燒豬紙，或者出發前會上
巴士公司網頁用點對點路線搜尋。不過中學年代
又真係好似比較多人會完全倚賴鐵路，因為大家
的活動範圍，來來去去都係旺角，尖沙咀，
又一城，同埋沙田新城市，上水粉嶺出呢堆地方
東鐵一定係不二之選啦。中學生有幾可會過海，
耐唔耐過一次海轉多兩次車真係冇所謂。出中環，
繁忙時間一定搭地鐵過海。
學生搭港鐵好正常，因為平，仲要平好多。
過一次海，捨 681 選港鐵，來回慳到的錢已經
夠買個早餐有突。俾著我係學生，我都寧願早
少少出門口轉多幾次車。同埋好日都唔會搭既
巴士線記黎做乜？不如去記更重要的野好過啦。

273 轉東鐵去上水我覺得冇乜問題，繁忙時間
70K 同 273A 大上大落，埋站時間都係返哂度。
有次平日放學時間上水搭 273A 返屋企足足搭左
半個鐘，我心諗，以後唔會係呢個時間搭 273A
返屋企！再極端少少：以前讀 F.5 時有一期要
出太子補習，當年東鐵有搭 8 送 1 優惠，返學
係上水返，結果我一個星期 10 程返放學有 7 程
行去搭火車，再加埋星期六出九龍那程，剛好湊
夠 8 程，然後用免費果程搭頭等返粉嶺。

我都識人會係粉嶺搭 MTR 去荃灣，不過多數都係
因為等唔倒 278X 先咁做。甚至知道有人粉嶺出
青衣會搭 MTR，有人就因為平，有人就因為搭巴士
會暈車浪。但暈車浪果位人兄最後都係因為搭 MTR
太慢，最後都轉投返 279X。

反而我想分享一下以下的情景。

1. 有次約左班朋友出旺角，回程時有人住太和，
有人住馬鞍山，大家當然係行去搭火車啦。
雖然有人提出「可以搭巴士」，但大家好自然都
唔會諗住咁做。一來貴，二來搭火車可以一齊搭
同一架車。

2. 有次又約左班朋友去灣仔藝術中心睇舞台劇，
回程時天星已收船，之後意見分歧，搭地鐵定搭
104 過海 (當日紅色暴雨)，甚至企係度幾分鐘
唔郁。直至有人話搭地鐵同隧巴都係同一條路
大家先肯郁，最後搭左 104 過海。

3. 有女友人打俾我問油麻地邊度有 270A 返粉嶺
(佢住粉嶺中心)，我講左好耐佢都唔識搵個站，
我叫佢搭地鐵佢又唔肯，好彩最後佢都搵倒
270A 個站…我反而係諗緊夜晚蓬瀛仙館條隧道太靜。

4. 以前返樂富，有個住屯門田景的同事對 58X
非常忠心，返工放工肯定係搭 58X 轉 MTR。返工
要荔枝角轉車，因為過荔枝角會塞車。放工就多數
深水 [土步]，因為地鐵站一出就係。佢原本就係
貪 58X 回程有九折，但後來冇左回程九折之後佢
仍然搭 58X，但明明搭 58M 轉應該會仲平。
買全月通搭西鐵佢又唔鍾意轉咁多次車。
結果呢位同事耐唔耐就因為屯公大塞車而遲大到。

5. 讀 CityU 果時有個同學住興東村，放學得閒時
就會搭火車轉 110，貪佢去到佢樓下。

6. 有朋友唔係太信任巴士，佢問我天恩村去愉翠苑
搭咩車好，我叫佢 269D 轉 49X，佢「順便」問我
搭 MTR 得唔得 (當時九龍南線未通車)，我話要轉
好多次車好煩，同埋果個時間搭巴士都好少機會塞車。

同埋，我諗緊既係，認為搭巴士危險既人我地應該
要體諒，可能佢地 (或者佢地的家人) 試過搭巴士
遇過交通意外，對搭巴士有陰影並唔出奇。搭搭下
巴士搭到連命都冇埋一年都有一兩單，但搭搭下地鐵
搭到冇命就真係非常罕見。

[ 本帖最後由 chan6723 於 2009-12-23 11:26 編輯 ]

有半價時，我由屯門去荃灣都搭西鐵唔搭 60M
千祈唔好睇少半價嘅威力

講起地鐵站等人，年頭有個例外分享。
話說年頭有日星期6，老師+同學去南華中學交流，
約左係荔枝角站等(其實長沙灣同荔枝角都要行，港島出發又比較煩)，我同fd就唔想煩就坐970去到蘇屋再行，
之後有fd話地鐵搭早左個站落車。
不過個時大家一致認同要係地鐵站等既，
其實地鐵站呢個角色係點，係純粹一個車站，定還是其他，唔同人有唔同見解。
不過，好肯定"唔只車站咁簡單喇！"

我住藍田, 屋企樓下有觀塘線車站, 入將軍澳就要響調景嶺轉車
過海就要響油塘轉車, 以下係我同朋友的經歷

去將軍澳, 多數坐港鐵; 但如果會用到九記的轉乘, 就會坐98A/296A

過海, 去如北角, 炮台山 多數坐601/619
去魚則魚涌以東就多數坐港鐵, 606車疏, 繞路, 所以我信唔過

西九龍及荃葵青 (除部份葵涌及青衣, 因有38/42C到, 我會坐巴士),
港鐵, 因為荃灣那面巴士站唔就腳
西九龍要行落去麗港城坐比較繞路的40,
(不過回程會坐40, 因為唔駛轉車, 比較舒服)

中及南九龍, 巴士, 因為部份地區無鐵路;
二來巴士一程過, 不用考慮轉車問題
我地藍田無巴士落油麻地, 我就坐港鐵, 一係就巴士轉巴士, 這點問題不大

新界地區, 多數巴士, 因為大部份地方係唔駛轉車;
就算要轉車的話, 個轉乘都幾吸引

之前返外勤時, 有個同事住新界, 他係熟巴士路線和轉乘, 而且坐開巴士
在選擇工作地點時相對地自由度大一點,
所以佢就選擇一些唔係港鐵沿線的屋村/地區, 例如慈雲山, 觀塘半山
一來這些地方係相對比較冷門, 容易抽到易做的個案, 成功的機會比較高
二來佢個人認為用左九巴的轉乘, 計落都係比本身坐一程入新界的車貴少少
計過收入之後係坐得過

[ 本帖最後由 12A 於 2009-12-23 11:38 編輯 ]

原帖由 Kaix 於 2009-12-23 09:48 發表



仲有你例子2好有問題，巴士,鐵路,生活  ~$ b/ ^: @! i( ~  g5 H
2 - 273轉東鐵去上水係最快，你唔俾人地趕時間?? 你估所有人都好似d巴膠咁終日無所事事??

呢個例子，
係我聽到果陣，
另一個人就話「273A咪得LAW。」
話搭273A果個唔係交通迷。

而且價錢上會平少少。
我又唔認為搭273A好有問題WOR~。
你講到搭273A果啲就係巴膠咁。

事後搭273轉東鐵果個都覺佢自己蠢左。
佢話唔知有273A呢樣野。
下次會搭273A。

原帖由 N38 於 2009-12-23 13:33 發表


呢個例子，
係我聽到果陣，
另一個人就話「273A咪得LAW。」
話搭273A果個唔係交通迷。

而且價錢上會平少少。
我又唔認為搭273A好有問題WOR~。
你講到搭273A果啲就係巴膠咁。

事後搭273轉東鐵果個都覺佢自己蠢左。
...

我啊叔都係住華明個邊
次次探完佢之後，佢都教我地坐 273A 出上水轉 44A 番屯門
難道佢都是巴膠 ==
佢都幾牽強 ==
273A 除左兜左 d 之外，我唔覺又咩問題

樓主好像太偏激了....感覺好似逼人搭巴士
雖然我係巴迷, 但我通常唔會全程搭巴士和MTR(即使有學生半價)
我就以班次,方便同快為先,錢就其次
eg.
我住小西灣, 去荃灣會搭788轉東涌線轉荃灣線
冇理由搭小巴(唔會搭84M)轉港島線再轉東涌線再轉荃灣線掛
冇理由搭788轉930(太貴同太疏車)
亦冇理由搭118轉其他車掛(太慢,太疏車)

[ 本帖最後由 ........ 於 2009-12-23 17:11 編輯 ]