（再次討論）年青人對鐵路的癡心程度

原帖由 laikingsouth 於 2009-12-23 10:51 發表
a. 天耀 <--> 沙田市中心   巴士,鐵路,生活! ]/ a/ b; N: e( Z$ }! ]& ~

*港鐵，$300月票每程加$6.2，繁時45分鐘一定得；反而269D若一程過要成個鐘。

以上例子證明只要睇漏以下幾個資料,
就會將45分鐘(小弟前幾日先坐過,仲要晌天瑞上車喎~)0既車程「拉長」...
(1)大欖隧道轉乘...基本上任何M線轉269D,兩程加埋都係$14.5
(2)天水圍有條69M不經元朗市區,行元朗公路直去大欖隧道口
(20-25分鐘已經由總站去到大欖)...

唔知情0既絕對會為兜入元朗0既一段車程
同埋呢組轉乘組合,而大叫「搵笨」...
(反而先去大欖坐269D 0既各位街坊,竟然可以追得到本來上唔到0既前車...)

所以,要坐得好定要速度,真係繼車費之後
另一個值得乘客們考慮0既問題...
(而269D就係呢種「因直接而得慢」0既反面例子...)

PS 當年269b/269c就係因為兜元朗,而俾天水圍0既街坊嘈兜得耐
結果...而家就出現0左佢地0既好姊妹268b/268c...
(而元朗、天水圍之間0既道路交通設計
又真係會令人覺得兜得滯0既...)

[ 本帖最後由 LNChickenRice 於 2009-12-23 17:23 編輯 ]

小弟成日都覺得，依個世界除左巴士同港鐵外，仲有小巴。

要趕時間，忙命小巴一定必然之選，
友人成日忠告小弟，小心坐坐下出事，
不過要我由觀塘去荃灣坐個幾鐘頭既 40 號／成個鐘頭地鐵，我一定頂唔順。

我成日都同人講，有地理常識既，一定唔會以為巴士／鐵路／小巴／的士係萬能，
自問自已坐左幾十年交通工具，搭咩車一定有唔同情況。

前排要由九龍塘去銅鑼灣 Sogo／中央圖書館果邊，我最討厭有人同我講「去紅磡轉隧巴最快」，
最大問題唔係港鐵有半價，而係我要去銅鑼灣，永遠都要趕頭趕命，
當你試下趕時間果陣，撞到放工時間，係紅磡站跑去中層大堂，再衝去等隧巴，
見到有一堆巴士係落橋位前面等轉燈，之後又要等埋站（你知堆車海埋站有幾麻煩），
埋完站上到車都算，之後收費閘口又轉左燈唔比入隧道，
之後出到銅鑼灣，又要塞多陣至去到維園／世貿至落得車，仲要再行番過去。
（有心既，可以係伊利莎伯大廈行過去，不過要上天橋，而且行既時間唔見得短）

明知係咁，點解唔一早搭港鐵，至少我預到時間，
而家係紅隧口轉車，時間隨時多左幾個字，貴又貴過人。

[ 本帖最後由 dennis28a 於 2009-12-23 17:55 編輯 ]

鐵路易用真係一個大優點
尤其地鐵班次無乜可能疏落
搭巴士尤其果d 5-30分鐘之類既班次就真係無了期既等候

到站又會廣播, 又會停低開門, 一時唔記得準備落車都仲可以有救
搭巴士唔按鐘唔知邊個站落車就無得落

你睇幾多人去外地旅遊首選都係地鐵就知點解啦
倫敦, 東京都好多巴士線, 又有IC卡, 點解一般都搭地鐵?

<=學生，住係逸東村
學校位於大圍

我之前用學生８仔時都受朋友影響而走去坐ＭＴＲ
但因為後來唔見左+張８仔轉線次數比巴士次數多而且坐完ＭＴＲ要再轉巴士(nlb38，日日都係沙甸魚罐頭＝　＝卻深受逸東居民歡迎)
我而家日日都係巴士（早：Ｅ４２特車　晚：Ｅ４２青馬轉Ｅ３１）來回通勤

雖然Ｅ線班次比鐵路差
但因為早繁有特車，可以唔洗坐ＮＬＢ３８同人迫出去東涌市中心，早上未算十分精神時有直車，非常吸引
下繁雖然無直車，但係有Ｅ３１　ＢＢＩ　ＤＩＳＣＯＵＮＴ，都叫係唔洗迫
加上ＭＴＲ大圍＜＞東涌　正價比巴士正價貴
ＭＴＲ又要轉幾次線，而且唔可以直到逸東
而且我係一個比較想有位坐低做下功課／訓覺既人
ＭＴＲ有位坐既可能性太低
加上下繁有往青衣特車阻住＝　＝
而且東涌線班次只比巴士稍好
我就無再坐ＭＴＲ

當然，唔係話去邊都要坐巴士既
只係多數時間要巴士
出市區／青衣就多數ＭＴＲ算數
因為我只識坐龍運Ｅ線
城記Ｅ線好少坐，只有去東九Ｅ２２，其他一律ＭＴＲ算數
ＯＵＴ　ＴＯＰＩＣ：Ｅ２１Ａ班次好得人驚下，而且試過係美孚等左兩班Ｅ２１先見到Ｅ２１Ａ，架車仲要好快係葵涌道壞左，搞到我來回九龍都未必坐Ｅ２１Ａ

我有個舊同學仲勁
個時２６９Ｄ仲係沙火個度
約左沙火售票處等，準備一齊入去元朗
佢居然同我講坐ＭＴＲ＝　＝
我話佢知有２６９Ｄ
佢竟然話唔知２６９Ｄ既存在＝　＝

我認為一個普通人，最低限度要知道：
轉線次數太多既話（例如係新界東去新界西）應該坐巴士，例如係坐　２６３、２６９Ｄ
同埋自己樓下個頭既線大約既行車路線

話港鐵荼毒／年青人對港鐵癡心
又好似有Ｄ一竹篙打沉一船人
但係無可否認，港鐵識得抓緊年青人呢個客源

都係個句啦
雖然港鐵要企要轉線坐迫車
但係巴士要等要識路坐貴車

都係盡可能靈活運用兩者同埋ＢＵＳ　ＢＢＩ　ＤＩＳＣＯＵＮＴ啦

咁當然如果有需要，小弟都會用港鐵既，不過要真係去到「港鐵係最快、最方便，別無其他選擇」這等窮途末路時我先會用到。其他情況，有巴士既都盡量會坐返巴士。

我都認同車費相宜係吸引學生坐港鐵的一個主要原因，但要知道學生優惠只係去到25歲，過左呢條線，好多港鐵車程都會變得比巴士貴，但因為佢地培養左對鐵路既慣性，所以日後失卻尋找其他更方便交通的能力也會上升。

樓上有網友話乘客有義務去係出發前查清楚前往某地的交通方法，這小弟基本同意，因為這可培養學生的求知慾，讓他們可不完全的依賴港鐵

小弟係一名南區學生, 經銅鑼灣番寶馬山
我覺得港鐵要行上行落已經唔方便, 就算佢有優惠都係咁話
如果唔係為咗陪其他人, 我都一定會搭地面車
有時落到銅鑼灣時有人叫我落北角join佢地, 我會選擇搭電車或者行過去北角
而搭港鐵又多人, 又要行上行落, 搭電梯都唔知用咗幾多時間
跟住入到架車之後又乜都冇得睇, 一係禁電話, 一睇就你眼望我眼
又好似上次咁, 有Fd銅鑼灣要落北角
我第一句一定係同佢講"搭電車啦"
如果唔係話有其他人要經北角轉去其他線,
我都唔會落去搭港鐵囉

原帖由 ASV50 於 23-12-2009 01:04 發表
搭車有人要快, 有人要平, 有人要舒服, 有人要方便
考慮呢幾個因素, 就自然識揀車搭

但係講到港鐵荼毒, 呢個理論不但唔適當, 簡直係不知所謂..
我又唔見得全港既青年都剩係識盲目搭港鐵.... ...

我身邊都有朋友係咁
上次去運動會要過海
明知102 1程可直達深水埗運動場, 但學校都要教學生乘搭港鐵去深水埗站落車
嗰朝我同FD搭102(興發街上)都快過佢地銅鑼灣搭港鐵去深水埗...
況且港鐵又要轉嚟轉去

原帖由 GU9338 於 23-12-2009 08:50 發表
平心而言 , 由新界 / 九龍出發去港島 , 地鐵係一個便宜又快捷既方法 (就算樓下有特快線都係咁話 , 603 呢 D 冇地鐵既地區就例外)

但係港鐵要轉幾次車嘛
小弟最憎就係呢個位..
次次坐唔夠幾分鐘跟住又會迫番出去,
跟住又唔知會唔會有位坐
巴士一程搭晒, 唔好過搭一陣又行一陣?

原帖由 yunghin2004 於 2009-12-23 20:15 發表
我身邊都有朋友係咁
上次去運動會要過海hkitalk.net& l" \- ~5 v% j  [4 B4 n8 H) A
明知102 1程可直達深水埗運動場, 但學校都要教學生乘搭港鐵去深水埗站落車巴士,鐵路,生活; P2 j& @; c$ g
嗰朝我同FD搭102(興發街上)都快過佢地銅鑼灣搭港鐵去深水埗...  y5 r: r  v% X  [
況且港鐵又要轉嚟轉去

學校教學生幫襯ＭＴＲ都唔係話唔得既
大家住既地方唔同…
我學校陸運會都係咁
不過通告有一張運動場附近一帶既地圖
有列出鄰近巴士站既路線

原帖由 yunghin2004 於 2009-12-23 20:15 發表
但係港鐵要轉幾次車嘛
小弟最憎就係呢個位
次次坐唔夠幾分鐘跟住又會迫番出去,
跟住又唔知會唔會有位坐
巴士一程搭晒, 唔好過搭一陣又行一陣?  

小弟成日都講，要因人／地而異。
不妨試下係中環立法會大樓出面搭 641，同時間有另一個朋友搭港鐵去觀塘，
結果轉左兩次車，企足全程，港鐵都係半個鐘去到裕民坊，
而 641 全程訓左 40 分鐘，至去到裕民坊。

同樣例子大有人在，一程搭晒無人會阻止你，
不過我果次坐係架 641 度迫過海，就算有位坐，都係迫到好唔舒服。
可況唔係個個都有位坐，港鐵又係企，巴士又係企，快 10 分鐘去到目的地仲好。

另外，學校有成幾千人，叫人搭港鐵過海點都好過一次過打爆幾架車。
而且要視乎你地既同學識唔識搭港鐵，用番上面既例子過海番觀塘既例子，
如果識搭車，行得快同就到出口位，差距可以有成 10 分鐘之多。

不過有時候，由中環去灣仔，總之係有電車路既地方，
搭港鐵根本係多餘，又浪費時間上上落落，唔一定要搭港鐵。

[ 本帖最後由 dennis28a 於 2009-12-23 20:52 編輯 ]

我就舒服行先
平時番學如果唔係趕時間 我都唔會坐輕鐵
雖然有 3 條線選 但坐 3 個站真是好辛苦
坐 K58 起碼可以舒服Ｄ

有時同朋友出街好多時都坐　ＭＴＲ　特別過海
一來約人方便
（* 有朋友不知 263 屯門總站係邊 ，搞到我要用埋圖 SHOW 比佢地 ==)
二來 半價
三來 儲分
其實坐港鐵比坐巴士開心 D，因為可以圍住吹水，巴士就小圈子，除非坐後排