四大電子傳媒頒獎禮

原帖由 薯頭 於 2009-12-30 10:26 發表


首先唔講個效益，家陣樂壇一直都係好唔健康咁進行，
只係有歌手係其他電視台出現，TVB 就即刻封殺，難度有其他電視台會這樣？

aTV唔一定可以比到版權稅，但係如果無人做野
根本改變唔到呢個演藝界，就一直只會比 TVB 長期壟斷市 ...

其他電視台/電台一樣可以加入這樣的條款。
唔止樂壇, 根本各行各業都做緊呢樣野...
好多有規模既會計行、律師行,
一樣有條款講明你唔做之後若干年唔可以入第二間行,
某程度黎講, 咁都係封殺既一種。

A台有本事既, 一樣可以唔準合約歌手亮相其他台。
一隻手點拍都唔會響, 商業決定你唔滿意絕對有權say no。

當下情況, TVB一定要企硬︰

1. 今次四大開口要錢, 之後其他公司又跟住要錢, 影響深遠。

2. 無線冇左班歌手根本唔會死。無線音樂節目同劇集比,
收視相差幾多大家有眼見。摺左《勁歌金曲》換套劇集落去,
分分鐘仲多觀眾、廣告。既然係咁, 四大仲憑咩要同無線分身家？

我淨係知道, 《勁歌》收視點差, 起碼有十幾點人睇。
歌手大可以轉去隔離台, 但冇人睇等於冇廣告商,
一係提早收山, 一係離開四大。Bargaining power已經差好遠。

3. 年年俾咁大筆錢, 不如我自己養班歌手, 唔需要睇人面色。
你話四大擁有大量罐頭音樂版權, 世界上唔係淨得四大既,
大不了續首歌買, 甚至自己請人作。

ps. 此話題其實可以開新標題討論。

原帖由 JX9097 於 2009-12-30 20:15 發表

無線方面,最好梗係唔使俾啦
即使現實唔容許,喺六嬸話事底下
都係越少越好(六嬸有幾孤寒都出哂名ga la)
依家唔止唔同以前計法,仲要比以前貴咁多
六嬸梗係同你死過啦

開間公司當然要賺錢, 與老闆孤寒程度無關。
獅子開大口, 任何人做老闆都不會容許燒銀紙行為。

閣下此段回覆, 除了無厘頭, 我想不到其他形容。

原帖由 hkaiw 於 2009-12-30 21:25 發表
有關壟斷的問題便想到一件事，大約於90年代初期，羅文、徐小鳳等著名歌手轉投亞視，人氣及活躍情度好像是比無線低，雖然羅文於亞視期間仍然有不少新歌，但是有關歌曲的受歡迎情度低於加入亞視前及重返無線時期的歌曲；而且，亞視在 ...

時代不同了，難以相比…

當年絕大部份人要免費聽歌，除了電視台、電台外，沒有太多的途徑…
但到了現在，其他聽歌、睇mv的途徑已經隨著互聯網的發展而不停增加，
有幾多人真係靠電視台聽歌？(特別係新歌)，睇o下電視音樂節目便知一二…

原帖由 kwyeung 於 2009-12-31 00:10 發表
開間公司當然要賺錢, 與老闆孤寒程度無關。
獅子開大口, 任何人做老闆都不會容許燒銀紙行為。

閣下此段回覆, 除了無厘頭, 我想不到其他形容。 ...

講真嗰句,覺得貴就會話獅子開大口ga la
正如你買衫咁,你覺得佢值$200,佢開價$250
你都會覺得佢獅子開大口啦

冇人話公司唔使賺錢
之不過樣樣嘢係咪計到咁算死草啫

老實而言,大家都唔知版權費應該點計法
閣下憑乜話獅子開大口?(閣下自問亦唔知點計)
再者,唔同計法又會有唔同嘅數出嚟
話唔埋之前俾開嘅,未必係唱片公司計出嚟(即使唔受今次事件影響嘅唱片公司)
可能只係成批唱片公司當俾discount無記
依家四間唱片公司要開源,自然搵無記開刀
(唔好忘記,冇參與今次事件嘅公司多數都做埋經理人,即係主要收入來源冇影響)

原帖由 JX9097 於 2009-12-31 07:42 發表


講真嗰句,覺得貴就會話獅子開大口ga la
正如你買衫咁,你覺得佢值$200,佢開價$250
你都會覺得佢獅子開大口啦

冇人話公司唔使賺錢
之不過樣樣嘢係咪計到咁算死草啫

老實而言,大家都唔知版權費應該點計法
閣下憑乜 ...

怎樣計版權費, 早前各大報章已有詳盡報導。
是次四大要求無線以廣告費若干百分比 (印象中是0.45%)作版權費。

無線的廣告收入, 我想靠劇集總多於那些五音不全的歌手,
以廣告費去計版權費, 合理與否在於無線覺得四大的音樂是否值0.45%的收入來源。

我不知閣下現在打工還是讀書,
商業社會, 多賺一蚊就是多賺一蚊, 乃係商業運作原則, 絕非甚麼算死草。
早前A台的股東風波, 有人爆A台為了節源慳電, 連大堂燈也熄掉,
講縮數, 無線拍馬也比不上。

現在無線向四大低頭, 不是一兩張contract多給了錢的問題,
隔一兩年其他公司見四大收開, 大可以「行規」為理由, 藉機苛索；
四大公司亦可年年抬價。一次低頭, 影響深遠。

當然, 大家只是睇戲, 蝕到入肉也是無線的錢, 與已無關,
慷慨少少有乜所謂。但商業決定與買衫不同, 買不起G2000還可以去花園街買,
電視台容許唱片公司聯手抬價, 等於失去優勢, 議價能力從此大失。

[ 本帖最後由 kwyeung 於 2009-12-31 12:24 編輯 ]

原帖由 kwyeung 於 2009-12-31 12:22 發表
怎樣計版權費, 早前各大報章已有詳盡報導。
是次四大要求無線以廣告費若干百分比 (印象中是0.45%)作版權費。

無線的廣告收入, 我想靠劇集總多於那些五音不全的歌手,
以廣告費去計版權費, 合理與否在於無線覺得四 ...

我知四大唱片公司係用呢個方式去計
但問題係,何謂公平/合理先?
根本就冇一個準則去衡量

無記覺得唔需要俾多d,再俾多d就係唔合理/公平
四大唱片公司覺得依家呢個數太少,反映唔到佢哋嘅價值
所以先出現呢單大鑊嘢

講真,呢四大唱片公司嘅歌手點都唔算五音不全啩?
閣下大可以睇吓金牌大風,英皇,bma等等部份所謂歌手
當然,四大唱片公司亦唔係全線top star

please delete this post...

原帖由 JX9097 於 2009-12-31 18:43 發表

我知四大唱片公司係用呢個方式去計
但問題係,何謂公平/合理先?
根本就冇一個準則去衡量

無記覺得唔需要俾多d,再俾多d就係唔合理/公平
四大唱片公司覺得依家呢個數太少,反映唔到佢哋嘅價值
所以先出現呢單大鑊嘢

公平與合理不是用客觀準則去定的, 一切全是商業決定。
本人的兩篇回文已說了為何無線一定要企硬,
在此亦無打算再講第三次。

我只是回應閣下說無線孤寒的指控。
一子錯, 滿盤皆落索。跟對家講仁慈, 即是對自己殘忍。

講真,呢四大唱片公司嘅歌手點都唔算五音不全啩?
閣下大可以睇吓金牌大風,英皇,bma等等部份所謂歌手
當然,四大唱片公司亦唔係全線top star
...

資深歌手早已上岸, 大可自立滿戶, 根本不用看無線面色。
真正要靠無線的, 正是那些初出道或實力未穩的歌手。
無人睇等於無廣告商, 等於無收入, 無收入歌手遲早轉公司。

我不否認TVB將來用歌用人會面對更多限制,
但這一刻去看, 四大公司發窮惡, 無線又不賣他們的帳,
儘管放長雙眼看那邊最快被陰乾。

原帖由 薯頭 於 2009-12-30 10:26 發表
為免離題，希望今年 903 係 TVB 左cut右cut既情況下…
做好Hong Kong Toolbar，因為呢幾日升級左…聽 903都 停下停下…
希望當晚完全冇事啦…起碼好多人都靠呢度睇直播…

本人今日裝左Hong Kong Toolbar
唔知點解睇唔到五強MV加歌手訪問片段
只係顯示"正在緩衝0%..."

叱吒流行榜頒獎典禮二零零九— 得獎名單

專業推介　叱吒十大
叱吒樂壇至尊歌曲大獎
《七百年後》陳奕迅

第二位
《阿波羅》RubberBand

第三位
《你瞞我瞞》陳柏宇

第四位
《Yes & No》張敬軒

第五位
《地球很危險》古巨基

第六位
《原來過得很快樂》楊千嬅

第七位
《給自己的信》鍾舒漫

第八位
《年度之歌》謝安琪

第九位
《弱水三千》麥浚龍

第十位
《妮歌》何韻詩

2009四台聯頒音樂大獎 — 大碟獎
《h3m》陳奕迅

叱吒樂壇至尊唱片
《h3m》陳奕迅

叱吒樂壇生力軍女歌手金獎
余翠芝

叱吒樂壇生力軍女歌手銀獎
徐子珊

叱吒樂壇生力軍女歌手銅獎
樂瞳

叱吒樂壇生力軍男歌手金獎
李治廷

叱吒樂壇生力軍男歌手銀獎
王梓軒

叱吒樂壇生力軍男歌手銅獎
洪杰

叱吒樂壇作曲人大獎
雷頌德

叱吒樂壇編曲人大獎
方大同

叱吒樂壇監製大獎
雷頌德

叱吒樂壇作詞人
林夕

叱吒樂壇唱作人金獎
王菀之

叱吒樂壇唱作人銀獎
側田

叱吒樂壇唱作人銅獎
林海峰

叱吒樂壇組合金獎
RubberBand

叱吒樂壇組合銀獎
Mr.

叱吒樂壇組合銅獎
At17

叱吒樂壇女歌手金獎
容祖兒

叱吒樂壇女歌手銀獎
謝安琪

叱吒樂壇女歌手銅獎
薛凱琪

叱吒樂壇男歌手金獎
陳奕迅

叱吒樂壇男歌手銀獎
張敬軒

叱吒樂壇男歌手銅獎
方大同

叱吒樂壇我最喜愛組合


叱吒樂壇我最喜愛女歌手


叱吒樂壇我最喜愛男歌手


叱吒樂壇我最喜愛歌曲




[ 本帖最後由 SmiTHy 於 2010-1-1 23:28 編輯 ]