新聞:反高鐵 跨世代苦行 灌溉未來

原帖由 053h4 於 2010-1-9 13:14 發表


京港高鐵, 港段未落實, 唔係真式名字
官方明稱, 現時武廣鐵路係京廣客運專線武廣段

其實, 名本身唔係問題, 如果話高鐵, 佢地會質疑, 點解香港"咁短"要起"高鐵"
佢地唔知香港設計係200km/h, 加減速係5公里
而如果 ...

直接講番客專好過
不過要由四縱四橫開始教育班人先得

原帖由 3ASV196 於 2010/1/9 10:36 發表


我沒有仔細數人數, 但人群(相信當中包括支持者)只是企/坐滿立法會前的
皇后像廣場公園部分...那度企到多少人, 大家自己估計了...

一個計同時間o既人數, 一個計 "人次", 統計方法不同, 拗o既空間可以好大。

原帖由 chiwai 於 2010/1/9 10:20 發表
師兄們

我有朋友問我西九總站點解一定要響地底唔可以響地面
但我唔係太清楚可以全面點答佢
我只係諗到西九附近無位起出口
有無其他pts?
可以幫幫手回應嗎？ ...

你話返佢知, 西九龍站起地面定定底, 唔係高成本o既好主要因素, 而家係貴在全條線在地底。因為要保持新界地面不受影響 (除菜園村要建緊急站之外), 而市區地面冇空間起條咁o既鐵路, 就唯全條建在地底。

而因為各種原因, 西九站比較方便旅客, 所以決定建西九。關心西九站起o係地面定地底冇乜意思, 因為就算起地面, 上蓋都係會起樓, 只係地面多o左 "四幅牆", 會好難睇。當然, 另有原因係西九站要佔用部份文化區的地底, 所以不能建地面 (或建地面的話要大幅縮減規模)。

總有D人成日幻想香港可以好似北歐或者北美某D地方所宣傳出黎ge image
先進得黎又充滿人文氣息
大城市都一樣享受寧靜同大自然
福利好到令人生活無後顧之憂
打工仔又可以好似學生哥咁年中抖返一頭半個月暑假

但係呢度係香港
無礦產又無石油
一處得鼻屎咁大ge地方住左比好多國家總人口都仲要多ge人
香港根本唔可能係人間淨土
更遑論人間樂土

原帖由 kychung 於 2010-1-9 13:54 發表
總有D人成日幻想香港可以好似北歐或者北美某D地方所宣傳出黎ge image
先進得黎又充滿人文氣息
大城市都一樣享受寧靜同大自然
福利好到令人生活無後顧之憂
打工仔又可以好似學生哥咁年中抖返一頭半個月暑假

但係呢度 ...

宣傳出黎ge image囉

我有個fd黎澳洲，佢一句「澳洲都唔似外國嘅」，
同另一個fd去日本，佢一句「乜東京咁似大陸嘅」，
已經勝過千言萬語去解釋香港人對「外國」嘅幻想


有冇人文氣息真係好睇城市背景，
紐約、洛杉磯、悉尼有冇濃厚人文氣息??

不過大城市一樣享受寧靜同大自然，代價就係溫室氣體排放高企，
10個香港人有9個聽完呢句後一舊雲




即使係外國，大部分新區規劃都係以大商場為中心，
這是美國消費文化對全球嘅侵略，
但全天候購物環境，有邊個可以抗拒??

香港大商場氾濫係政府責任，定係市民取向??
我認同該名80後青年對千篇一律大商場之不滿，但呢個係社會心態問題多於政府問題，
而且該名80後青年更將自己立場強加於所有80後身上，是將自我無限放大，
該名80後青年又認唔認為大部分青年會選擇行裕民坊而唔行apm?? 會選擇行大埔墟而唔行大埔中心??
與其將責任歸咎於政府，不如撰文批評80後嬌生慣養，不過佢又唔認同80後嬌生慣養喎

原帖由 053h4 於 2010-1-9 14:05 發表
真正了解"本土文化"的"本土銷費者", 可能講緊係上一代人
例如海味街銷費者係中年老年人
喜帖街, 唔拆都唔會有咁多青年人去關注影相等等.....(其實, 係唔係偽善?)
因此, 就有潮同老土的關係

實際上，口喊保留本土文化嘅青年人，有幾多日常生活上係支持本土文化??

我認同要保留本土文化，但到拆先一味口喊保留，
平時唔以身作則去支持本土文化，本土文化亦遲早一日被自然淘汰，
咁唔係偽善叫乜??