巴士司機當追車的人無到？

原帖由 3asv6 於 2010-1-7 21:03 發表
星期二0係逸港居影車，見有個女人截架綠小２７
唔停．之後見佢截部９５去到"十五間"個公廁位
都比佢上．綠小總站上滿中途無可能上到．唔知
有無人見過疏車線有人追車部車都走？（e.g.
51，53，A10 etc.） ...

76K 同 78K 算唔算?

原帖由 請勿下車 於 2010-1-7 20:39 發表

係，有D司機的確好乞人憎
依家偶然都會退上特登車水Tum既司機

不過，西洋菜南街個站，唔知係咪規定開出後不能再停低上客(會阻住後面車龍)
遇正紅燈停車，有時有D客追出黎拍車門希望上車，個司機一定唔再開
跟住有D野蠻客就會 ...

N年前@黃大仙，小弟於行人路行緊，某部前往沙田既巴士高速駛過水氹，濺起既水花使小弟全身濕晒

原帖由 lf5499 於 2010-1-7 23:45 發表
我試過有次追車  
我當時距離個站4-5架巴士位到
跑左幾步 見上晒客  個師傅又關左門  咁我諗佢走 廢事追
點知佢又唔走 咁我再追
追到去落車門位佢先開車囉  當時路面冇車阻
佢要走一早走得  都唔知係咪有心玩野 ...

同情況我都見過 , 不過唔同係個司機係真係等埋個客 , 點知原來個客唔係上佢架車。

所以我都理解到有陣時有d司機係要確定一下你真係追佢車先等埋你。

actually , 我真係係MK見過有人追 , 司機好心 , 行前咗少少都停埋俾佢 , 結果佢唔係上車......

頭先先追完車尾...
重要係68a尾車...0051已到華都
最終要坐63x出美孚再轉車番屋企...

其實等就人情,唔等就道理...!

簡單地問:
假如你是車長,站內的客已經上哂,但見到有個人追車,但嗰個人追追吓車仆街....!
你選擇繼續等還是唔等....??

同意版友們o既講法，比你上係人情，唔比你上係道理
法理上，巴士只可以係巴士站上落客，正常非臨時巴士站都o係路上劃出巴士站o既位置
如果車己郁，即非完全o係巴士站o既位置上落客，司機其實承受緊法律風險去行一個方便比一個陌生人
就算車未郁，要等人上車，亦會對交通有影響
後面等埋站/離站o既車故然受阻
如果司機己打燈、鄰線車輛收慢，司機為等客而錯失抽頭機會，一來影響班次，二來影響其它道路使用者，同時亦令巴士司機o係其它道路使用者心目中留下壞印像(因為其它道路使用者以為巴士司機亂打燈)

我個人並非完全否定「司機應該等追車客」（我好欣賞有位51司機係荃錦公路響號提示一位行緊去巴士站o既婆婆，並停係巴士站等婆婆上車），
亦唔否定「有司機玩追車客」
但必需體諒司機o既難處，避免個人心理上、時間上o既損失勝過種種客觀環境因素而遷怒於無辜司機身上

原帖由 Snoopy@FB8617 於 2010-1-7 20:49 發表

通常此批司機已經係俾乘客玩到火果堆...

老實講, 咩情況下應該唔等開走, 咩情況下係玩野,
做左咁多年人, 憑常識都可以知道, 各有各理既hard case多屬偶然。
轉左半邊車頭出馬路唔開門, 大部份客會覺得無奈,
真係發爛渣既唔會係大多數。

你俾人玩到火, 係咪代表要係我身上出氣？
如果我俾上司鬧完, 係咪代表我可以求其搵個司機投訴出氣？
我相信大多數司機敬業樂業, 樓主既post亦可能係針對個別害群之馬。

如果係慣常玩乘客既, 我會講, 大家都搵食艱難。
你搞到個客狼狽, 又俾人sense到你有心咁做, 佢一定記實你。
下次你唔覺意唔等佢, 定係有心玩佢都好, 人地一定先入為主覺得係玩野。
一陣人地投訴, 佢又浪費時間, 司機又麻煩, 大家雙輸就無癮。

最慘係等埋佢, 之後佢用一個老馮嘅態度慢動作唔該都無句...

原帖由 LZ4519 於 8-1-2010 01:30 發表
頭先先追完車尾...
重要係68a尾車...0051已到華都
最終要坐63x出美孚再轉車番屋企...

巴士公司應該列出尾車開出時間，以免“玩殘”乘客

我覺得最重要都係司機的態度
如果個司機判斷認為唔安全,唔開門
咁就無得講啦(最多爆粗啫!)
但係個司機見到有人追車,拿拿林關門
仲要笑騎騎對住你,我覺得個D司機就真係好有問題