[高鐵] 撐高鐵‧反騎劫‧支持西九方案

原帖由 chiwai 於 2010-1-10 18:52 發表


copy番我今朝回應別人的文章

當然一地兩檢係會令時間上更有優勢
不過係咪唔一地兩檢就冇優勢？呢個係問題
廣深港本線，早巳預留通關設施，可以響落車個站過關， 根本唔洗係深圳落車
假設你去廣州南站再轉車，響南站落車清關 ...

好似我以前去桂林, 個機場唔係好多國際航班, 主要每日有飛機去香港, 但都係有個好簡單的入境柜位.
其實我想, 如果我係內地高鐵設計人, 將來都可能接駁其他東南亞國家或歐洲國家,
主要的大站都可以預算在一至兩個月台作出入境,
而且內地的高鐵站又真係好大. 出入境電腦聯網非常容易, 長程車甚至可以上車檢.

只要一日有蘋果同高登繼續宣揚, 唔好講高鐵
整個香港再分化都唔係難事
反對繼續唔理咩都反對, 就算有普選, 香港都唔會
係健康發展.

1. 錦上路方案唔係政府提出
點解要將完善錦上路方案ge責任推俾政府?
如果呢個邏輯成立ge話
咁係咪我都可以俾個方案俾政府
然後叫佢地去完善我個方案?

2. 你認為政府否定錦上路方案ge point裡面
有邊D係唔成立呢?

3. 成日聽到有人話唔俾時間大家唸下
真係想請問下: 10年都叫唔夠時間?

原帖由 SunnyJacky9094 於 2010-1-10 18:28 發表
你支持西九設站, 但係對交通擠塞等等一大堆問題諗過, 話起條隧道, 內裏d問題比泛民議員chok下就出哂黎, 跟住成班官就o哂咀答到九唔搭八, 點解唔比時間大家諗下? 669億呀大佬, 淨係睇政府片面之詞, 好明顯而家政府係大石擲死蟹, 政府有心嘅, 就諗下點完善錦上路方案, 而唔係拋一d根本唔成立嘅point去反(e.g.錦田河改道嘅所謂問題)

西九設站有交通擠塞，難道錦上路就冇?? 你唔係認為錦上路輸送力高過柯士甸道同佐敦道卦

講答到九唔搭八，公專一定有過之而無不及，錦上路d問題比好多人chok下就出哂黎，
佢地又答成點?? 講唔掂就發老脾話最多咪唔好起，d咀臉同民建聯一樣咁可憎

你話政府有心嘅就應該諗下點完善錦上路方案，
咁議員/公專有心嘅係唔係應該諗下點完善西九龍方案

錦田河改道點解唔係問題?? 你認為政府應該要幫公專完善個不可行方案??
咁任何人都可以拋個方案出黎，然後再叫政府完善佢


再講呀，從乘客角度，西九一定係最好(工程師學會已經有報告專講呢樣野)，
既然西九同錦上路都各有問題，但西九長遠客量最好，咁點都係傾向西九方案


你講咁多野，只表露左你嘅偏見，單係錦上路個造價你已經assume左公專一定係啱，
但個造價完全係佢地自己老作，又大把獨立專家企出黎質疑個造價，
而既然錦上路方案係為左平而出現，但個真實造價根本唔平得好多，
咁錦上路方案已經完全冇價值

原帖由 3ASV196 於 2010-1-10 19:07 發表


即閣下認為, 政府態度是反對高鐵的重要理由?

其實唔知閣下是否同意, 但我自己就覺得好多人好短視,
高鐵話題上, 只是睇那600億建築費, 而無乜人會睇其益處..

將來高鐵帶來的益處, 同新機場一樣, 其實都是全香港 ...

高鐵故之然要起，但現在有一個比較省錢嘅錦上路方案，造價比起西九方案要平得多。
雖然錦上路方案的設站不是在市中心，但只要係接駁方面多下點功夫，理應不會比起西九方案要差。
相反，政府只是一味堅稱：世界上所有高鐵站必需起在市中心至有最大嘅經濟效益；就此將錦上路方案置諸度外，沒有深入考慮，實在太過可惜。

原帖由 SunnyJacky9094 於 2010-1-10 18:45 發表
以政府嘅態度, 可以突顯出錦上方案嘅好處咩? 唔會。而且我對部分人指反高鐵果D係憤青好反感

以反高鐵人士嘅態度, 可以突顯出西九方案嘅好處咩? 唔會。

原帖由 Kaix 於 2010-1-10 19:18 發表


以反高鐵人士嘅態度, 可以突顯出西九方案嘅好處咩? 唔會。

現時我所見到西九方案的好處 (相比起錦上路方案) 只有一：接近市中心。
如有其他好處，歡迎增加。

原帖由 Thymol 於 2010-1-10 19:17 發表

高鐵故之然要起，但現在有一個比較省錢嘅錦上路方案，造價比起西九方案要平得多。
雖然錦上路方案的設站不是在市中心，但只要係接駁方面多下點功夫，理應不會比起西九方案要差。
相反，政府只是一味堅稱：世界上所有高鐵站必需 ...

你唔係信左最新報價可以慳500億呀? 你相信西鐵、機鐵仲係載空氣嘛?
仲有新界市民早習慣上深圳轉車, 錦上路心理上都係屬於遠既地方
加駁條多餘又扼錢既港島快線就真係倒錢落海

[ 本帖最後由 a_drew 於 2010-1-10 19:23 編輯 ]

原帖由 3ASV196 於 2010-1-10 19:07 發表


即閣下認為, 政府態度是反對高鐵的重要理由?

其實唔知閣下是否同意, 但我自己就覺得好多人好短視,
高鐵話題上, 只是睇那600億建築費, 而無乜人會睇其益處..

將來高鐵帶來的益處, 同新機場一樣, 其實都是全香港 ...

你要明白這件事 已經不是純粹在高鐵是否要興建咁簡單,
成件事已經升級左做一場政治鬥爭

怪就怪政府包裝得唔好, 加上最近內地越境執法等等,
有位就好自然入政府數 (唔係個個人都咁理性架)

原帖由 Thymol 於 2010-1-10 19:22 發表

現時我所見到西九方案的好處 (相比起錦上路方案) 只有一：接近市中心。
如有其他好處，歡迎增加。

打個比喻
你睇下西鐵以南昌為尾站同紅磡為尾站 有咩分別?
九龍南線都用左近百億起的