對新一代巴士迷感覺

本人影巴士相剛好有10年,那時的「行家」好守規律,就算係同時捕同一特見,大家會好禮讓,通常都俾「短鏡」
果d影左先,之後佢地先會慢慢影相;在記憶中,有好幾次有大特見,倒如03年AL1行271、虎年威豪行42A、
AMN31行60X、AL1行6C、AD1行271等,總會有為數40-60個「行家」專誠來到巴總,大家目的非常一致:就是要
影到「特見」

可是,不知是90後代的問題,還是教育制度失敗/家長無教,周不時會聽到有人非常「理直氣壯」串人,話人,我在捕
42A威豪時,都曾經被人咁話過,個人來講,不會太介懷,但是佢態度真係好唔要得,好似我一定要讓佢影車,講真,有
大把位唔影,你係要企係我後面影,想點先,我肯讓,你一句「唔該」都無講,真係"正XX"其實我係有權唔讓,你估你
大哂咩

當然,大部分眼見的幾有禮貌,起碼大家企係同一個位影車,都會"就住就住",這樣不錯,大家又影到車,皆大歡喜
真係令我費解,影到特見固然係好,但影不到都唔使咁串,同埋有D特見係有機會再影,用不著這樣亂話人嘛

在B3版有一文,講到巴敗行為,又係令人髮指~喜歡巴士是無問題,但請不要太離譜和過份,走去站頭偷路線
+地點牌、水牌、乳豬紙等屬於巴士公司財物,或是連「性命」都不顧,行去一些危險地方影車「為了特見
輸了性命」值得咩?

我只是有感而發,不喜勿插,希望巴敗/無禮貌巴迷睇完我篇文後,好好檢討和反省,懂得尊重自己和別人

[ 本帖最後由 ATR83 於 2010-1-11 17:28 編輯 ]

原帖由 ATR83 於 11-1-2010 17:27 發表
本人影巴士相剛好有10年,那時的「行家」好守規律,就算係同時捕同一特見,大家會好禮讓,通常都俾「短鏡」
果d影左先,之後佢地先會慢慢影相;在記憶中,有好幾次有大特見,倒如03年AL1行271、虎年威豪行42A、
AMN31行60X、 ...

其實我都幾支持你既講法...之前我係公司門口都見個好多後生一輩既巴迷企係KOC門口影D返81廠既車....
佢地影緊係冇問題啦....之但係佢地係企係馬路影頂住返KOC既車入廠...仲要係D車一入左81廠之後連車都唔睇
就立即跑去出廠位影....呢D真係成日見唔少........

見到樓主咁講...我自己都係F.6,屬於新一代巴士迷...
好多同學知我係巴迷跟住就用巴膠等字形容...
我自問自己冇影響人,又唔會串人,唔會衝出行車地方影,但係都俾人一個咁GE IMPRESSION...
我都認為巴敗真係影衰哂我地,,前輩們往往會自豪咁話自己係巴士迷,但係我地會唔會呢?
我就唔會自豪LA....我地呢D新一代巴士迷真係反省一下

過度寵愛,就會變成放縱
90後變成咁,只好怪果啲"保護兒童"團體......

無追捕特見既習慣
不過間中會影下巴士

依家咁多人帶有色眼鏡睇我地
咪就係因為班巴敗囉
佢地又唔知自己衰
仲做出一個”老馮”既樣
令人認為佢地好串

老一代既巴迷時代無巴敗呢樣生物
但係依家有
雖然話互聯網過度發達同物質過分充足
但係我地都有責任
而唔係將一切罪名推俾周遭環境
我地真係要反省

OT:我一部分同學都知我係巴迷
不過佢地唔知有巴敗存在
所以無戴有色眼鏡睇我
有時仲會一齊討論巴士

但係我都唔敢主動話俾人知我係巴迷
要俾人揭發我先會認
因為巴敗影衰哂我地
搞到一個二個都認為巴迷唔好
係咩電車男呀毒男呀巴敗巴膠等等
我怕有人真係戴有色眼鏡睇我
但係身為一個巴迷都知道真正既巴迷唔係咁架

我唔鐘意去影巴士的原因
除了是因為唔鐘意衝黎衝去影新車、特見...
還有的是巴敗的「好」形象、我呢區的人同，及班中的同學對巴迷的印象不佳
所以俾我的話最多都係做一個「靜態巴迷」...

而另一個的原因，係我第一次影車的時候
當時係70號的last week，見從來未搭過就走去影下
點知...見十個有4個係巴敗
衝燈、粗口問候、阻街...統統都有...
結局係第一次變為唯一一次...

此外樓上提及的毒男
我只係覺得，意思已經係不明
交通迷又係、ACG迷又係、更離譜既係用國產mp3機又係

[ 本帖最後由 OTIS401 於 2010-1-11 20:01 編輯 ]

小弟都係新一代巴士迷 ( 2009 年加入影巴士相 )
小弟影車時撞到行家嘅機會都算小 ,
較多巴迷嘅次數都只係 H1 / H2 第一個星期六 (09.10.24) 同埋佐匯 Last Day (09.12.19) ,
我都只係遇過 1 個較無禮貌嘅巴迷 ..
唔知算好彩定唔好彩 ..

有時我就覺得唔好成日睇得咁負面！
其實E+都好多好禮讓的巴迷，
好似我去62X熱狗last day，
我要借少少位影相，
都有D人會好樂意讓我！
佢地唔要面佢地的事，
只要我都唔好學佢就可以！