信我吧, 高鐵撥款本星期會通過的

點解反高鐵人仕可以提出咁多似事而非既理由去反高鐵? 點解泛民黨派對高鐵立場從幾年前到今日之間可以轉變得咁快? 因為反高鐵只係一個借口, 醉翁之意不在酒, 最終目的只係為左反政府反大陸.

只要明白反高鐵只係一個借口, 咁大家就可以明白, 今日咬牙切齒反高鐵既個班"搞手", 其實並非真係對高鐵有仇, 只係想借事起哄, 以呢件事去製造社會議題, 製造一班"反政府群眾"出黎.

"咁o岩"而家又話五區總辭, 五區總辭係公社兩黨搞出黎, 偏偏又係呢兩個黨反高鐵反得最勁. 五區總辭之前一直搞唔起, 因為無人有興趣, 但事實上係五區總辭需要群眾需要選票需要社會聚焦.

只要"反高鐵"抄得起, 製造一堆社會矛盾, 例如大商家vs小市民, 50後vs80後, 到最後成件事"悲情地"以功能組別通過撥款落幕, 咁就可以製造最大既 "悲情"效果. "悲情"散不去就會轉化成對公社兩黨既支持, 五區總辭自然有著落.

因此, 事到如此, 公社兩黨已經炒起左成件事, 係時間要上演結局. 因此我可以好大膽咁講, 今個星期五同星期六, 無論你地外面班80後點搞都好, 公社兩黨做多陣拉布大戲之後, 最終都會俾撥款表決. 因為只有表決由功能組別同保皇黨通過, 先可以炒得起"功能組別同保皇黨違反民意"呢套戲本. 如果拉布拉到政府要收番個方案, 甚至自由黨走去轉軚叫政府多考慮一陣時, 對公社兩黨反而極為不利.

所以, 我對撥款通過非常樂觀.

[ 本帖最後由 PB602 於 2010-1-12 23:12 編輯 ]

所以我一直覺得公社兩黨反高鐵只是想市民關心五區總辭而已。

只可以怪特區政府這十二年所推行的政策/發生的各種事件積聚了不少民怨,結果在高鐵上爆發出來。

咁做泛民有冇賺, 幾個月就知.

建制派的蛇宴票不會因高鐵改投泛民,
但係泛民嘅中產票卻會因高鐵而減少.
我就喺由泛民支持者轉為中立嘅人,
而我唔係唯一一個.

你呢個講法有漏洞的。
自由黨（或其他非民建聯 / 工聯會議員）都可以有獨立思考，
比其他人想像中早縮沙並非不可能。

原帖由 238X 於 2010-1-12 23:32 發表
你呢個講法有漏洞的。
自由黨（或其他非民建聯 / 工聯會議員）都可以有獨立思考，
比其他人想像中早縮沙並非不可能。

就係因為有呢個危險, 所以我先會話拉布唔可以再拉得太耐, 大膽估計今個星期件事就會通過.

再拉多一轉, 民情發展到連公社兩黨都控制唔到的話, 自由黨一個屈尾十做左"人民英雄"(23條有前科), 之後夾餘威同你玩補選, 公社兩黨個算盤就打唔響.

原帖由 solowoo 於 2010-1-12 23:27 發表
咁做泛民有冇賺, 幾個月就知.

建制派的蛇宴票不會因高鐵改投泛民,
但係泛民嘅中產票卻會因高鐵而減少.
我就喺由泛民支持者轉為中立嘅人,
而我唔係唯一一個. ...

同你一樣
我由十八歲可以投票至07年都係投泛民.
由07區會及08立會開始投給建制派.

[ 本帖最後由 waichiu 於 2010-1-13 00:02 編輯 ]

泛民最後下場係點, 選民自有定奪!!