[轉載] 黃世澤對「高鐵」事件評論兩則

一月 13, 2010...5:32 am                                                
在未有菜園村，誰看到高鐵有問題                                                                                                                                                                                                        
2007至08年度，立法會財委會工務小組十四次會議會議紀錄

「陳偉業議員認為,必須就高速鐵路進行財政可行性 研究,以評估乘客量、車費水平、運作模式及政府與港鐵公司之間的財務安排。陳議員認為,缺少這些資料, 立法會便不宜批准有關高速鐵路工程的設計及地盤勘測工作的撥款建議。他關注到當局並未考慮進行此項工程 的其他方案,例如透過公開招標批出建造合約,亦未就此等方案進行公眾諮詢。陳議員重申,他支持此項工程, 但反對現時的撥款建議。」

政府成日話高鐵諮詢咗好耐，無錯，係諮詢咗好耐，但高鐵開支仲係395億嘅年代，好多議員仲係懵盛盛唔知發生乜事嘅時候，查實好多高鐵嘅問題，己經有人睇到，但政府到依家都無答。其中一位係陳偉業，由會議紀錄中，睇到佢好醒水，認為政府無就財政可行性研究交報告，錢就唔批得。結果真係出咗事，支出升咗成倍乜解釋都無，陳偉業有先見之明。

「劉議員進一步表示,小組委員會部分委員認 為,當局應為使用西九龍交通樞紐的乘客提供足夠交通交匯設施,因為3條鐵路的總站設於該處。就此,一位小 組委員會委員認為,高速鐵路總站不應設於西九龍,因為此舉會對打算從新界乘搭高速鐵路火車前往深圳或廣 州的乘客造成不便。作為全面交通策略的一部分,高速鐵路總站應改為設於新界北部,以連接新界與市區之間 的現有鐵路線。」

仲有，當時己經有立法會議員認為，現時政府建議對新界居民構成不便，己經有人提出全面交通策略來看，應該以新界北做總站。

事實上，當時政府要求撥款搞勘探工程嘅文件，己經可以用粗疏不堪嚟形容，大家都睇到咁多問題，今時今日都無人答到大家發生乜事，政府仲堅持起高鐵，唔係有人個腦生瘡，仲有乜解釋？

查實，港鐵公司都擁有深圳地鐵專營權，不如收購咗福華站（將福華站，以及西鐵有可能延伸至福華站路段列為香港領土）做一地兩檢，咁就一天都光晒。
呢度有政府喺2004－2008年立法年度，交過俾立法會審議嘅高鐵文件，果啲話政府一早做咗諮詢嘅土共，唔該話俾我聽，呢啲粗疏到不堪嘅文件係咪叫諮詢咗，俾我爆咗粗好耐。

立法會高鐵有關文件目錄（2004-08年度）

-----------------------------------------------------------------------------------------------------------------------------------------------------------------------------------------------

一月 13, 2010...5:06 am                                                
政府企業最終淪為政策機器                                                                                                                                                                                                        

港鐵終於透過友禮會網絡發動攻勢，為高鐵現時個硬膠方案護航。港鐵護航應該係意料中事，問題係點解港鐵咁遲至出手。

對港鐵嚟講，中國高鐵香港段雖然營運上，政府話包底，但實際上港鐵會承受乜嘢後果，政府未向港鐵股東交代清楚，如果我係港鐵股東，我至少問幾樣嘢：

1. 現時嘅走線有乜物業發展？港鐵有無物業發展權？

2. 票務收益港鐵要點分？得咁短

3. 成個項目會否影響港鐵的集資能力，特別係信貸評級

但呢啲對港鐵股東有影響嘅事，政府無乜點交代，加上好多分析員由有限資料所睇，港鐵實際得益好細，如果依家唔係搞到一鑊泡，港鐵中人係極度唔願意影響公關同宣傳budget下去撐高鐵。由此可以見到，政府擁有企業最終只會係用小股東嘅錢，嚟實現政府政策嘅工具，如果個政府唔係民主政府，哈哈，呢啲公司你投資埋我果份，所以我唔會投資港鐵。

呢個亦係我強烈反對將領匯國有化嘅原因，大家諗吓領匯國有化之後，會變成乜世界？我反而認為，點樣透過民間集體入股領匯，令公屋居民得到領匯董事局席位，甚至令領匯民間化，甚至最終令公屋居民變成真正大股東可能更為實際（例如組織集體購入領匯股權行動，令監察領匯嘅人加入董事局）。唔好指望政府國有化，國有化即係俾X建聯控制，結果公屋居民係唔會有著數。

喺一個政府再無自律能力嘅年代，港鐵公司喺高鐵事件嘅作為，話俾大家聽國有化只係令政府機器無孔不入。

[ 本帖最後由 小早川優 於 2010-1-13 03:23 編輯 ]

黃世澤講野關我叉事
你可唔可以比d意見
成日轉貼d文
你究竟想點???

原帖由 小早川優 於 13-1-2010 06:45 PM 發表
仲有，當時己經有立法會議員認為，現時政府建議對新界居民構成不便，己經有人提出全面交通策略來看，應該以新界北做總站。

就係從全面交通策略來看先唔應該o係新界北設站

應積極爭取北環線上馬、落馬州支線延至高鐵福田站, 接駁廣深港高鐵, 並同時做到屯門直接往返福田的列車。

另亦有港深機場鐵路—洪水橋支線, 可直接於深圳機場站轉乘穗莞深城際線。

所以, 高鐵根本無需在新界西北設站。

一d對交通零認知既人，唔該唔好獻醜喇

佢應該仲以為高鐵係一般鐵路


佢d問題低b到，自己閉門諗完d問題，但又唔自己去揾答案，就以為係人地隱瞞問題，宅男所為

1. 現時嘅走線有乜物業發展？港鐵有無物業發展權？ -> 自己search
2. 票務收益港鐵要點分？得咁短 -> 自己search
3. 成個項目會否影響港鐵的集資能力，特別係信貸評級 -> 都唔係港鐵出錢


黃世澤係乜水?? 咁低質素既人都有

小早川優係咪生物，定係機器，定係AV女優??

[ 本帖最後由 Kaix 於 2010-1-14 01:54 編輯 ]

原帖由 Kaix 於 2010-1-13 09:50 發表
小早川優係咪生物，定係機器，定係AV女優??

file:///C:/Users/Dawn/AppData/Local/Temp/moz-screenshot-2.png我呢d Google Bot先唔得閒理你呢d無理取鬧人身攻擊嘅人。

由於懷疑有人違反板規, 本文會被置頂但不會被鎖上, 以便調查.
由於本人正值考試, 因此所需時間將較長

所有本主題下已張貼的回文不得被修改, 違者將被暫停貼文權30天或以上.

R1板板主
admin28
hkbw

請板友留意回文態度. 如果有板友認為有牽涉人身攻擊的成份, 理應向本人報告,
而非在板面上回文.

是次本人決定予以警告予板友id=Kaix及id=小早川優, 若有再犯,
定必予以暫停貼文權的處分.

R1板板主
admin28
hkbw