[轉載] 就當高鐵真的每日載9.9萬人來, 香港會怎樣？

http://www.facebook.com/note.php?note_id=254425730904&id=788453063&ref=mf

根據政府計數的往績，高鐵會不會真的每日載9.9萬人來
，
相信大家心中有數。

但我姑且不質疑這個幸運數字，
就當豪一次畀佢，信佢！

這是否就等於我們要急著起高鐵呢？！

每日9.9萬人來，只是令高鐵不用蝕本，
可以用 50 年就回到本，讓港人不用年年填氹，
但那又怎樣？

「這些人會消費，推動香港經濟喎」

主流傳媒日日洗腦式廣播，鄭汝樺講到每日淨袋 500萬蚊，
你聽得多，會這樣想都好正常。

好！我豪多次，當埋每日帶來 500萬蚊都是真的！

但起高鐵，我們每人要先夾 1 萬蚊，
就算你不是納稅人，庫房少了 669億，
自然會由其他社會福利扣減，即是這 1萬蚊你走不掉。
而且是即時支出。
但那 500萬蚊則要等 8年，到高鐵建成先開始收。
這都不是問題所在。

最重要的問題是：你我作為小市民，這 500萬蚊關我們什麼事？
我們會分到幾多？

沒錯，自由行會帶動消費，令零售商做多了生意，
但各位，這幾年自由行愈來愈多，你們的人工加了多少呢？
！

當物價被炒高，通漲愈來愈嚴重，
就算你加了人工，追不上通漲，就等於你的生活質素要下降
！

以前一個中產，可以住在中半山、西九，
但內地熱錢湧來，地產商都紛紛建造天價豪宅，
於是連中產都住不進市區心臟地帶，
而草根小市民就更加只可留守偏遠地方，
支付昂貴交通費上班。

試想想，每日 500萬蚊湧來，樓價會炒到多高？
手上沒有樓的你，就算因為老闆生意好而加人工，
會追得上樓價升幅嗎？今世還有買樓機會嗎？
你子女還有買樓機會嗎？你子女的子女租得起樓嗎？

住政府樓？ Sorry, 本來可以用來起公屋、居屋的錢，
拿了去起高鐵了！你支持起高鐵時，不知道嗎？
有錢人來香港快十分鐘，你輪候公屋等多十年，天經地義啦
！

如果你手上已經有樓，那恭喜你，
你或許可以趁高價放樓，
但你能買回相同質素的樓嗎？不能吧？

當然，有些人眼光奇準，
可以等高價賣樓後轉租，
等泡沫爆破再入市，或放售後賺一筆大錢，直情遷離香港享
福。

有些人一個身份是港鐵董事，
或老早收到風在鐵路沿線囤積土地的新界王，
另一個身份則是功能組別議員，
這邊在立法會投票支持起高鐵，那邊就可以坐地分肥！

如果你是那些人，你支持起高鐵，是絕對合理，
我不會傻仔到嘗試說服你反對，
還會希望你在 facebook add 我，大家做個 friend，
關照下小弟。

但請你不要說是為全香港好，來侮辱大家智慧，
要說服我支持起高鐵，請你在利益輸送時預我一大份。

否則我用那 1萬元，買隻 P/E 細過 50 的股票，
相信對我來說投資回報會更佳，
而且又不用因為菜園村被抄家、大角咀地陷，
令自己受到良心責備。

對，世上有種東西叫良心，
可能你曾經都有，你記得嗎？

點首歌給你：
《富豪山下》
http://www.youtube.com/wat
ch?v=b76aaI7bF6Q

=======================

                           愛花, 寫於2010年1月12日

樓主，你不如將所有轉載post貼哂係一個主題入面吧...

原帖由 053h4 於 2010-1-13 19:32 發表
不如咁講, 香港人抄貴內地樓的人多, 定係真係所謂專財的人多?

讚同！
加上根據政府稅務局的資料，
http://www.ird.gov.hk/dar/2008-09/table/eng/ch2.pdf

香港2008 - 2009 年度稅收中大約
20.4% 來自個人薪俸稅，
54.4% 來自商業利得稅，

照比例，669億x20.4% = 136.5億，
香港市民每人都係分 HK$2100 左右

香港係商業社會，商業行先又有何不對？
唔通起條高鐵只係去比市民上大陸飲茶按摩？

哈...我又想知...

冇高鐵，人工就有得加?
冇高鐵，就會起公屋 / 居屋，樓價就會跌?
冇高鐵，市民生活質素就會改善，可以住入市中心?

再咁推演落去
可能冇高鐵，恆指升穿　４００００　點　（o的錢放晒落股市幫市民賺錢）
可能冇高鐵，尖碼唔駛拆　（唔起高鐵，可以有錢保育尖碼）
可能冇高鐵，６４有得平反　（中央俾香港人熱情感動，立刻釋放劉曉波先生，平反六四，仲還政於民）

或者直接o的，起高鐵會世界滅亡。

總結：乜邏輯o黎o架？

（註：本回文絕無侵犯及侮辱一眾為捍衛民主自由而努力、甚至犧牲的人士之意，敬請勿亂扣帽子，謝謝。）

「庫房少了 669億，
自然會由其他社會福利扣減」

這是甚麼邏輯？
乜呢個政府咁鍾意計婆乸數架咩？

別怪我因言廢人。

請寫文人唔好用高鐵,
黎將佢心目中對政府既不滿,
一次過講曬出黎......

一陣間講樓,
一陣間又講社會福利,
一陣間又講旅遊,
一陣間又........

機會只留給有準備的人，利益輸送有冇你份，係要自己爭取架。

李超人剛剛宣布集團加人工喎。

我不是港鐵董事，不是新界大地主，不是議員。

我是一個八十年代中出生的中文大學畢業生。

我有良心，所以我只講真話。

[ 本帖最後由 DIH 於 2010-1-13 21:29 編輯 ]