再轉載一則反高鐵言論... (放心，我無轉軚)

以下係一位友人條 link 入面搵到嘅反高鐵留言：

如果每個香港人真金白銀拎一萬蚊出嚟起高鐵, 政府俾返個股東你, 睇下有幾多人會讚成起個咁貴嘅... 菜園村已經唔係問題... 呢條友純綷只係講一大堆大家都知嘅廢話出嚟, 就以為解決問題...

老實講, 搭架火車同搭架飛機, 唔見得有咩大分別... 因為高鐵唔會每五分鐘一班... 高鐵都要你過海關 + 入境... 應該仲有一大堆站內商店俾你逛, 未行過呢堆商店俾「過路費」之前, 休想可以上車...

香港人, 要幾 cheap 有幾 cheap... 坐高鐵去廣州, 當你坐二十分鐘盛惠 $300 (算你九廣價 1.5 倍), 你可能會試一次... 你諗下, 平時有幾多個人坐九廣返廣州呢, 100 分鐘唔駛收你 $200... $200 上廣州你哋都唔會啦, 何況高鐵 $300... time is money, 早啲起身搭巴士平好多...

當你上廣州 $300, 你覺得去北京要幾多錢呢? 而家九龍-北京就 $841-1072 (軟座)... 高鐵至少 $1200-1500 啦... 究竟有幾多人會俾呢個錢搭高鐵而唔搭更加快嘅飛機呢?

你話坐飛機危險嘅話, 火車出軌唔見得有幾安全囉... 你知嗰度叫大陸, 有人無聊放一堆石仔落火車軌嘅話, 300 公里 kick 一下唔知有幾大獲呢... 輕鐵都有前科啦...

仲有一點, 香港人心態就一定係有理無理一人兩件二十吋寄倉加一件 handcarry 同背囊, 你覺得架高鐵有無咁多位俾大家放行李呢? 無嘅話唔該搭返飛機去旅行... 又少咗一批客...

你嗰一萬蚊, 都應該凍過水... 既然你自己又唔會坐, 又唔想做股東, 純綷為商家佬出錢嘅話, 做乜要起咁貴, 唔通呢班人又待啲市民好好咩? 唔通上蓋物業可以回本? 定係有人住香港但係日日返北京做嘢?

諗極都諗唔明...

講得好有力，答佢唔到...
請各路英雄出招...

應該仲有一大堆站內商店俾你逛, 未行過呢堆商店俾「過路費」之前, 休想可以上車...

度度都有商店la，但有冇人要強迫乘客買野先?

我發覺我地而家好似考試，對著一堆似是而非的文字，先要解讀然後盡力解答，
到頭來又會畀人話錯，一個交叉抹煞十年功夫。

1. 我除了一支水及一本書外，沒有在香港機場禁區內購物。禁區外只有食的消費，唔係食飯都唔畀我食呀？
註：由1998年起，我在赤鱲角機場出境至少13次。
呀，我咁有錢，係咪既得利益者？死啦我講咩都冇用喇～

2. 政府已經講左係$180-$190，你話個政府無認受性、官商勾結，點都唔信，你有你唔信的自由。
再者，政府一再宣傳係用48分鐘，已經覺得好快，20分鐘$300係呢位人兄自己作的。反對前究竟有冇睇資料？

3. 內地民眾無呢位人兄咁無聊。
另外，鐵路是國家重點建設，不容有失，中國鐵路保安一定比美國好。
對住條電纜痾尿被電死，容易過闖入高鐵路軌準確無誤地放幾粒石仔。
如果係由高處扔落去，鋼軌頂係向外下斜的（橫切面冖型），石仔一定會落在軌道旁邊。
鐵路車輪與鋼軌之間的接觸點只有一個$1硬幣的邊咁細（嚴謹的高鐵甚至更細），佢知唔知架？

4. 我唔知高鐵有冇行李位（睇清楚，係唔知我就話唔知，唔會亂估），
但新幹線車卡駁位可以放大件行李，保安問題除外。
頭頂有偌大的空間放手提行李，大約 2呎(L) x 1.5呎(W) x 0.75呎(H) 的硬紙盒都可以完全放上去。

5. 你自己唔會坐，唔代表我唔會坐喎，大佬。
無人叫你搭高鐵去北京，原來中國除了深圳、廣州、上海、北京之外，沒有其他城市？

[ 本帖最後由 DIH 於 2010-1-14 17:04 編輯 ]

原帖由 238X 於 2010-1-14 16:44 發表
你話坐飛機危險嘅話, 火車出軌唔見得有幾安全囉... 你知嗰度叫大陸, 有人無聊放一堆石仔落火車軌嘅話, 300 公里 kick 一下唔知有幾大獲呢... 輕鐵都有前科啦...

其實本身好似好少人用安全去撐高鐵...而且講意外, 真係無得好講, 唔係大陸唔大陸問題,
即使工業強大, 科技先進的德國, ICE都試過嚴重意外, 磁浮車亦高速撞過工程車....

所以, 飛機又好, 高鐵又好, 無人會講任何一種交通工具會絕對安全.....呢方面唔駛點再講..

之後我同嗰位仁兄對話過，
佢話唔好將你哋啲回應 report 俾佢聽，
話係 brainstorm... 睇來都係一個講完就算之徒...

原帖由 238X 於 2010-1-14 17:52 發表
之後我同嗰位仁兄對話過，
佢話唔好將你哋啲回應 report 俾佢聽，
話係 brainstorm... 睇來都係一個講完就算之徒...

算la, 其實即使係呢度, 大家都係"宣示"自己取態, 多於真正討論,
或者咁講, 好多價值觀/主觀問題, 如本身自己坐唔坐, 幾錢起先叫
貴, 根本無得討論gei

原帖由 238X 於 2010-1-14 17:52 發表
之後我同嗰位仁兄對話過，
佢話唔好將你哋啲回應 report 俾佢聽，
話係 brainstorm... 睇來都係一個講完就算之徒...

我想問清楚，佢係話佢呢番說話畀我地brainstorm，定係佢認為我們的回應對佢係brainstorm？
無論是哪一種，都要多謝佢，前者多謝佢畀我地睇多點對高鐵缺乏認知的市民會有甚麼考慮，後者多謝佢咁抬舉我地。

真係笑左

放石仔落路軌都講得出

新起果d 高鐵都係全封閉式管理, 普通人除左係月台跳落去之外
有咩方法有上到路軌?  

老實講, 搭架火車同搭架飛機, 唔見得有咩大分別... 因為高鐵唔會每五分鐘一班... 高鐵都要你過海關 + 入境... 應該仲有一大堆站內商店俾你逛, 未行過呢堆商店俾「過路費」之前, 休想可以上車...

宜家港鐵站入面咁多MTR shops ,未行過呢堆商店俾「過路費」之前, 休想可以上車...  

[ 本帖最後由 JF1261 於 2010-1-14 20:54 編輯 ]