小時候對鐵路的趣事/誤解

原帖由 aaa839 於 2010-1-19 16:51 發表
由冇錯wo
好耐之前輕鐵係本身一間獨立
係之後9鐵收購再拼入去

完全錯誤的描述
輕鐵在1985年開始興建時就係九鐵的一部份，
邊有之後先收購架？

原帖由 aaa839 於 2010-1-19 16:51 發表
由冇錯wo
好耐之前輕鐵係本身一間獨立
係之後9鐵收購再拼入去

早於1970年代發展屯門新市鎮的時候，香港政府便已預留空位以興建鐵路，但事實上政府當時還沒有決定交予哪一間鐵路公司負責營運。直至1982年，政府邀請擁有香港電車有限公司的九龍倉集團，建造及營運鐵路系統。該公司最初表示有興趣興建這條鐵路，並打算以雙層電車、類似香港電車的形式行走，但最終表示無意建造這個系統，於是政府及後又邀請了當時剛成立的九廣鐵路公司建造鐵路系統，該公司最終於1984年中，決定接納，並作出研究。最終，九廣鐵路公司批出輕便鐵路第1期系統合約予澳洲禮頓城市運輸集團，輕便鐵路系統便於1985年7月14日正式動工。
唔該睇野@@一起果時已經係九鐵嫁啦

哦明解啦
但點解個時輕鐵唔用9鐵的logo???

原帖由 aaa839 於 2010-1-21 01:26 發表
哦明解啦
但點解個時輕鐵唔用9鐵的logo???

因為九鐵想當輕鐵係另一個brand卦～
未有西鐵前，九廣鐵路（指路線本身）同輕鐵真係風馬牛不相及，有個九鐵logo又點嗟。

見到呢篇文, 真係諗番好多小時候既回憶........

(一) 以為地鐵係錄音個個女人駕駛.........(以前唔識咩叫錄音)
(二) 鍾意係屋企扮報站同車長駕駛
(三) 用過電腦整左好多個錄音, 扮做月台長, 同埋拎電話播擴音器講野
(四) 好鍾意聞地鐵個種味
(五) 以為車站同車站之間係幾秒內就到
(六) 以為海底隧道睇到海低景象
(七) 唔知輕鐵堆報站講咩(please.....door)
(八) 有地鐵駛黎個陣會用手扮槍射佢
(九) 以為搭地鐵唔駛錢 (無留意屋企人買車票)

去到依家, 好多回憶都成過去了,
至少聞唔到d地鐵味 (因為起曬幕門.....)

原帖由 JC3341@31M 於 21/1/2010 21:14 發表
(九) 以為搭地鐵唔駛錢 (無留意屋企人買車票)

通常細路仔都係「捐過去啦捐過去啦」

我有時都聞到
係車箱裹面會聞到,你仔細d聞下-_-

輕鐵個個咩報站係
例子:614 的n下一站係屯門泳池 next stop isｔｕｅｎｍｕｍ　ｓｗｉｍｍｉｎｇ　ｐｏｏｌ

細個92-93年返幼稚園開始就好鍾意屈果張飛，依家都係…以前鑊鑊都要去客務中心搞出閘，依家可能就住就住，次次都無事

我再諗到少少：
－在旺角站（地鐵）開出後有時會見到另一列車，阿媽話「雙軌嘛」，
　我完全意識唔到係另一條綫的車，同埋唔知有波口，以為係地鐵專登「表演」畀我睇的。
－以為輕鐵同屯門元朗新市鎮一齊發展，以為原本冇區內巴士。
－以為「火車」同「地鐵」一樣長；當時九鐵車卡數不固定，
　我好少搭「火車」的，試過有次同阿爸搭，架車停到「離行離捺」，月台上成堆人衝去上車。

1. 細個個陣以為搭地鐵好似搭巴士禁, 要截停部車先會停站;
部車來個陣就好似搭巴士禁, 遞手截車.
2. 好似樓上所講見到荃灣線的車序去到07X, 以為真係有70幾部車行荃灣線.
3. 以為前地鐵的駕駛室裡面有洗手間.
4. 細個搭黃頭車到粉嶺個陣, 當部車經過中性區時會熄一熄燈; 我以為係壞車; 嚇
到我喊.
5. 搭火車有時行到一半停底左, 以為火車唔識郁又壞左. 實際上係等候訊號.