強烈抗議西鐵列車冷氣不足

原帖由 busfunfun 於 2010-1-15 23:35 發表
曾經坐東鐵綫
有一位阿叔用通話器同車長講
「想焗死我地ar冷氣咁細」
個車長即刻將個冷氣較大到冚冚聲
你地可以試下

車上的緊急通話器?
千祈唔好試呀，因為隨時俾人罰錢
同埋通話器係列車埋站後要人reset，會阻礙列車的正常運作...

原帖由 cat666 於 2010-1-15 21:38 發表
其實如果你覺得局或熱、可以記低車廂號碼給站員跟進。此外、毎卡都有幾個出風位。你可自己感受到。  

至弊迫到轉個身都難, 仲邊有得行去搵個出風位?

每人對室溫感覺不同，我今晚搭西鐵時見有部份女仕甚至男仕都戴上頸巾，但亦有一些年輕人一上車就除外套只穿短袖衫。

我自己就唔覺得特別焗，而且真係焗的話你都可以除外套的。

原帖由 ahbong 於 2010-1-15 23:57 發表
每人對室溫感覺不同，我今晚搭西鐵時見有部份女仕甚至男仕都戴上頸巾，但亦有一些年輕人一上車就除外套只穿短袖衫。

我自己就唔覺得特別焗，而且真係焗的話你都可以除外套的。 ...

熱就可以除外套
但係焗的話係會令人呼吸都唔順暢，除外套係冇用架

有陣時冬天繁時搭東鐵，入到車廂真係焗得好辛苦
東鐵唔似地鐵列車咁，行車時會有較明顯的生風，
佢通風一唔夠就會好焗

原帖由 busfunfun 於 2010-1-15 23:35 發表
曾經坐東鐵綫
有一位阿叔用通話器同車長講
「想焗死我地ar冷氣咁細」
個車長即刻將個冷氣較大到冚冚聲
你地可以試下

其實所有列車都已預校空調溫度, 司機能做的只是 "開 / 關";
要 "熱 D/ 凍 D", 趟車係要返廠由相關技工先調校得到.

不過, 若果你想親身 "體驗" 一下犯呢一類 "非直接票控" 的附例,
想 "試o下" 上庭睇o下個法官會罰你幾多錢的話, 咁就無話可說啦.

呢近有時搭到東鐵千九列車 , 大部分車廂都無開冷氣 , 出風位入面個風機唔見佢郁過lor....巴士都有微微ge風出下.... 東鐵果d 都焗到死...

１．下午１時西鉄真係咁多人？找不到風位。
２．冬天較空調真困難小小。你地Peak Hour就話局、同熱. Non-peak就會話咁凍。列車來的、一日行十幾小時!
   較難像屋企空調般調較.你要就千幾廿千人感受、有難度。好似西鉄又有架空又有隧道。日照車上同隧道都有差別。
３．真係吾好亂按車上緊急掣、阻到別人、罰錢之外仲可能要上庭。無謂就吾好做

十分同意，有一次我差D焗到暈。

原帖由 cat666 於 2010-1-16 10:19 發表
１．下午１時西鉄真係咁多人？找不到風位。
２．冬天較空調真困難小小。你地Peak Hour就話局、同熱. Non-peak就會話咁凍。列車來的、一日行十幾小時!
   較難像屋企空調般調較.你要就千幾廿千人感受、有難度。好似西鉄又有架空又 ...

而家咪講緊連非繁時車廂都好焗
已經唔止係繁時問題, 就算除左件大褸都一樣無用,
一樣焗到乘客有睡意(如果係眼訓, 就唔會一行出車廂就成個人醒晒,
尤其東鐵車站係露天, 秋冬天果時一行出車已經係另一個世界)~

都係個句: 港鐵公司的盲目統一與專制.

係兩鐵合併前,
西鐵的車站及車廂的溫度均處於一個絕大部分乘客都感到滿意的水平,
無論係報紙投訴板, 定本板, 都什少出現乘客因溫度問題而向九鐵公司作出投訴.

但合併後, 乘客明顯感受到,
西鐵車廂與車站的通風較以往差,
夏天時溫度過高, 冬天時感到焗促.

原因, 正是港鐵公司將市區地鐵的溫度標準,
完完整整的搬到大部分路段均為地面及架空的西鐵上,
美其名是環保, 對外大出新聞稿,
實際上是在犧牲乘客的舒適度以減低成本.

環保是要提倡, 但總不能盲目的做,
而最重要的是, 反映了年多了, 問題依舊.

當然, 部分人士可能又會作出反駁, 指每人對溫度的感覺都唔同,
佢講得岩呀, 係事實wo, 但重點不在此.
舉個例子, 有d阿伯冬天得幾度都會照去游冬泳添, 總會有人去,
但去的人有幾多? 其實絕大部分的人會唔會咁做呀? 答案係唔會.
同樣地, 有人戴頸巾, 有人除外套, 咁究竟邊d人多d呀?
係西鐵列車及月台上, 我相信係除外套的比較多囉.