學車經驗- 你有遇過/聽過有操守問題的教車師傅嗎?

註: 此文是應admin04於主題編號: 47024 文章編號: 417051之建議而開。
     HY671 兄可能覺得內容熟口熟面, 冇錯喇！我覺得將我上一次imsg俾你果d內容修改一下, 讓大家去深入討論一下對學車態度既一個問題。

我曾經跟過一位師傅學左幾堂車(大概3次到), 佢成日例遲15-20分鐘, 學左2日就話要返大陸, 跟住有一次約左3:30, 我由美孚坐車去慈雲山等佢(因為親戚住喺果邊, 學完就一齊去食飯), 點知我去到之前5分鐘打電話俾我話要取消, 搞到我兩頭唔到岸, 之後果次學車, 佢一路教一路講電話, 同d行家講上個禮拜去金沙有幾好玩(我聽佢講去澳門果日就係甩我底果個下晏)...

學完果次之後, 由於係每學一次俾一次, 我冇再返轉頭喇！

轉投駕駛學校, 好處係有制度去控制時間
幾時上車幾時學完都會有預算, 同埋駕駛學校果d夜間講座都唔錯, 起碼你會喺一個唔係揸緊車既環境之下, 睇番自己平時坐喺車上可能發覺唔到既問題。

歡迎各抒己見！

咁呢D師傅真係好有問題,正如Simon兄同我講佢師傅第一堂帶佢行旺區一樣
嘩!真係坐上架車就識楂咩,係人係鬼都比番十零廿分鐘我熟下先啦

我係跟師傅學既，不過係人地介紹。

呢個師傅呢，講野好坦白，做得唔好會鬧，有時停車準備開，佢會問，
跟住要點做？自己諗下啦．．．

到學左廿幾粒鐘，有一次係大球場排緊隊練調頭，到前車郁前時我忽然
發車瘟，架車溜後仲想踩油，跟住見部車仲溜才醒起拉手制，果次咁岩
係佢第一次係我排隊時落車同人吹水，結果佢走返過黎，我以為實俾佢r
省鑊金，點知佢只係笑笑口話：做乜咁輪盡呀？唔記得我點教你咩！

可能就係佢一發現我有錯就用較嚴厲既語氣，所以真係學得份外上心啊！

(當年介紹我去既係一個靚女，靚女話我聽佢都係咁俾師傅鬧，冇因為靚
女而有優惠。)

[ Last edited by HY671 on 2005-11-11 at 11:02 ]

[ref=417872]HY671[/ref]  在 2005-11-11 10:45 AM 發表:

我係跟師傅學既，不過係人地介紹。

呢個師傅呢，講野好坦白，做得唔好會鬧，有時停車準備開，佢會問，
跟住要點做？自己諗下啦．．．

到學左廿幾粒鐘，有一次係大球場排緊隊練調頭，到前車郁前時我忽然
發 ...

有D師傅會係你犯下"彌天大罪"果陣先丙你穫金,
呢D師傅先好,佢明知係D必經階段叫你自己諗下點搞,
有時Hi花架車都唔會點插你,講真,佢做得呢行就預左你搞到部車
花面貓咁

到我學李健果陣, 果位師傅年紀唔係太大, 大概四十零歲到,
學車果陣冇左果種「老師傅」既感覺, 大家又暢所欲言, 唔會成日話「驚俾師傅話」咁, 大家又有默契！

我學果陣個司傅係我老豆以前d行家(草蜢),之後走左去考司傅牌,由於我老豆同佢有d交情,所以成日俾多d鐘我,又教我好多考牌以外既技術

我第一次學車, 師傅成日幫我踏腳制, 令我掌握唔到架車
點停, 問佢佢又唔認, 有次我特登放開隻右腳比佢睇, 個腳掣點解會
自己踏下, 佢先拿拿聲縮腳...

最難頂係佢成日講佢個套人生道理, 口水多多但言不及義, 一係就恰
眼訓, 收學費就話行規一次要收十個鐘...
結果我第一次路試肥左, 但泊位調頭合格...

第二次考我報駕院, 感覺完全唔同. Pass之後我諗, 早知一早去駕院好過.

[ref=418826]Dolphin[/ref]  在 12-11-2005 12:41 發表:

我第一次學車, 師傅成日幫我踏腳制, 令我掌握唔到架車
點停, 問佢佢又唔認, 有次我特登放開隻右腳比佢睇, 個腳掣點解會
自己踏下, 佢先拿拿聲縮腳...

最難頂係佢成日講佢個套人生道理, 口水多多但言不及義,  ...

駕院都不是全部都好的...
小弟試過同師傅去場外某處"食早餐"...
(當然是師傅請客:p)
不過整體來說
駕院師傅的態度是好一些的

我聽過有學生學左好多堂，而學生已經掌握考試既基本技術，仍然叫佢學，否則威脅考牌時唔比架車佢考。

我都係照比十個鐘,不過師傅都係話頭一次係咁,後面你五堂咁比都得