點解長青隧道、南灣隧道同啓德隧道係唔收隧道費呢？

政府起一條隧道要好多錢
點都要收錢希望可以回本
但係點解長青隧道、南灣隧道同啓德隧道係免費呢？
隧道費收幾平都有機會回本
唔收錢雖然司機會受惠，但算唔算係倒錢落海，回本無望呢？

原帖由 64K 於 2010-1-17 15:53 發表
政府起一條隧道要好多錢
點都要收錢希望可以回本
但係點解長青隧道、南灣隧道同啓德隧道係免費呢？
隧道費收幾平都有機會回本
唔收錢雖然司機會受惠，但算唔算係倒錢落海，回本無望呢？ ...

可能啟德隧道到而家都未回本架～
應該話單一咁睇，佢唔收錢係永遠都回唔到本架～
咁去搵英國佬算帳啦，浪費香港納稅人咁多公帑！

要收費就要起收費廣場
啟德隧道附近都係市區，與其起收費廣場，
攞果 d 地來起樓 (或收少 d 地) 隨時仲著數

長青隧道、南灣隧道都同樣面對土地的問題
始終起收費廣場都要錢的，而且土地有價

而且收錢就會少左車用，咁樣分流的作用就會減少

同樣道理，馬路、公園、坑渠都唔會回本喎！基建係睇社會同經濟效益嘛！同時亦有不少間接收入。

主要原因,
係咪政府一向認為,
所有基建都係我地納稅既,
只係用番我地既錢,
黎起野比我地用?

所以, 佢最後係唔收我地錢呢?
當然, 你可能會問其他隧道,
我覺得係因為呢D工程外判左比人地起,
所以變左由承辦商決定收唔收錢.......

原帖由 JC3341@31M 於 2010-1-18 13:43 發表
主要原因,
係咪政府一向認為,
所有基建都係我地納稅既,
只係用番我地既錢,
黎起野比我地用?

所以, 佢最後係唔收我地錢呢?
當然, 你可能會問其他隧道,
我覺得係因為呢D工程外判左比人地起,
所以變左由承辦商決定收唔 ...

沿用英國一套做法，英國都係好少道路收費的，
高速公路也是不收費，收費與否同道路級數無關。
所以，上大陸，或者去日本泰國，過條橋又收費，
一小截高速公路又收費，而且價錢不菲，才知道香港的不收費不是必然。

至於係咪政府諗住用納稅人金錢起，所以不收費，就問返「舊底事頭婆」喇。

但係話外判起所以收費，咁元老級的獅隧、紅隧呢？
係收得平但不是完全不收費，可能以建造時的價值計算，造價真係好貴，所以要收些少錢幫補下。

似乎冇人講到它們不收費的真正原因:
長青隧道: 以青馬大橋/汲水門大橋的收費補貼(汀九橋都是), 長青隧道是與青馬大橋, 北大嶼快速公路, 汀九橋一樣屬於青馬管制區的管轄範圍.
啟德隧道: 當年是以啟德機場的機場稅項收入應付日常開支, 所以在機場搬至赤立角時, 曾有爭論啟德隧道是否要收費
南灣隧道: 以尖山隧道的收費補貼(昂船州大橋都是), 南灣隧道, 尖山隧道, 沙田嶺隧道, 大圍隧道及昂船州大橋都是屬於青沙管制區的管轄範圍.

事實上, 除了啟德隧道的歷史因素之外, 香港的隧道/大橋管制區都是同一個管制區內只有一條道路/隧道要收費的, 紅隧, 獅隧, 欖隧, 大隧, 西隧, 東隧, 城隧都是個別的管制區, 事實上要靠收取途經車輛費用以應付日常維修及員工開支(如果單靠拖車費可能幾日都收不到幾百元), 最多有廣告版幫補下, 故此不收費是不可能的.

[ 本帖最後由 gordon 於 2010-1-18 15:02 編輯 ]

原帖由 DIH 於 2010-1-18 14:00 發表

沿用英國一套做法，英國都係好少道路收費的，
高速公路也是不收費，收費與否同道路級數無關。
所以，上大陸，或者去日本泰國，過條橋又收費，
一小截高速公路又收費，而且價錢不菲，才知道香港的不收費不是必然。

至於係咪政府諗住用 ...

紅隧係由私人公司投資的
只不過 BOT 的三十年營運期已經屆滿了，所以在 90 年代尾交還給政府

獅隧的建築費貴極都有限吧，佢短過大隧咁多...
而家咁多條政府收費道路，獅隧最好賺