巴士行昂船洲大橋真系減唔到行車時間

原帖由 HA7874~HC2110 於 2010-1-19 23:34 發表
其實2條路都係差不多時間
有日搭260x去尖沙咀 , 當架260x去到長青隧道前, 見到有架消防車駛去南灣隧道. 結果當架巴士去到南昌站附近 , 就見到同一架消防車從昂船州高架橋切入去西九龍快速公速... ...

咁分分鐘原路仲快d 喎, 巴士頂龍70, 但消防車應該唔會開70 咁少.

我實地用巴士速度試過
由沙田來回機場
用新路比用舊路要行多4km
時間用多3分幾鐘
以我部車$1/km計算
加上隧道費相差$3
來回相差即係($4+$3)x2=$14
照咁睇, 除非舊路有意外,否則新路完全無著數

新路唔快得幾多又冇乜公共交通行
遲早被人鬧係大白像工程....

我在機場上班,乘坐冠忠的巴士往返大埔,大家都知
冠忠沒有如九巴一般有「鎖車」不同司機會睇心情,
有時就以 E41 方式經城隧,有時就昂船洲大橋同青沙
公路,再奇怪就先行長青隧道,再於美孚轉入青沙公路亦有.

由於冠忠巴士就算滿客,爬斜力仍不錯,加上問過司機
的確行昂船洲大橋會多3~4公里,隧道費亦多三蚊,但新
路唯一好處係少車,而且機場往返大埔的時間,新舊路幾乎
一樣,反而用青沙公路往返沙田可節省5~8分鐘,可能就係因
里數長但是少車阻同少上斜有關.

原帖由 ksmbh 於 2010-1-20 21:10 發表
新路唔快得幾多又冇乜公共交通行
遲早被人鬧係大白像工程....

要有公共交通行先唔係大白象！？

原帖由 kitarolo 於 2010-1-20 09:53 PM 發表
我在機場上班,乘坐冠忠的巴士往返大埔,大家都知
冠忠沒有如九巴一般有「鎖車」不同司機會睇心情,
有時就以 E41 方式經城隧,有時就昂船洲大橋同青沙
公路,再奇怪就先行長青隧道,再於美孚轉入青沙公路亦有.

由於冠忠 ...

坐冠忠就梗係新路快d啦
龍運喇喎, 71km/h都唔得, 行新路快d係無可能既事

原帖由 ksmbh 於 2010-1-20 21:10 發表
新路唔快得幾多又冇乜公共交通行
遲早被人鬧係大白像工程....

1. 究竟係冇公共交通工具行令交通迷界大部份人都唔可以好平且經常地行新路(因為大部份交通迷都冇私家車, 主要依賴公共交通工具) 所以就要嘈呢?

2. 一開始就知昂船洲大橋係方便貨運, 同埋分流三幹長青隧道至長沙灣段的交通流量的wo, 由plan view睇, 昂船洲大橋通車後, 有關高速公路網成一長方形狀, 由西九去青衣, 仲要係對角線咁行, 呢d咁簡單的數學, 我諗小學生都已經答到你的了.

3. 不過長遠計, 沙田去機場既車, 其實行新路會安全d, 起碼唔駛經德士古道天橋呢個交通黑點.
當然, 短線計, 行德士古道會平d快d..

4. 昂船洲大橋通車個日, 最明顯係好多三幹既車, 唔知頭唔知路咁就去左南灣隧道. 反而要行返長青的話,
倒要花點心機. 葵涌高架路, 即刻鬆好多, 之前駕著私家車行, 前後左右唔係巴士就係貨櫃, 真係幾危險下.

原帖由 ctb8107 於 2010-1-20 01:02 發表
其實西隧至青馬一段, A11同E11根本路線完全相同,
如果A11行新路快d, 冇理由E11會慢d ,
另一個可能性就係A11行新路雖然慢左但照改, 做分流

不過無論如何, 我會好懷疑比咁多錢起條橋出黎, 個效益到底有幾大 ...

不過無論如何, 我會好懷疑比咁多錢起條橋出黎, 個效益到底有幾大

你講得對, 靜係睇吓出西隧後上斜去昂橋個條單程路, 同埋出咗南灣隧道後又要攀上單程路往青馬大橋左邊單程路的設計, 我個人覺得始終行荔景段三幹四線行車,條路闊d有著數有走盞, 起碼Cityflyer被困車龍時都比行走南灣隧道單程支路來得風險低, 九巴就係因為試完車發現海麗邨附近道路網迂迥,又會流失原有乘客及為免浪費已經被政府壓迫的有限資源而放棄將現有網絡改經青沙公路, 以前交通暢順由沙田尾站出九龍第一個站是八分鐘, 如改行青沙公路後左兜右兜要十三分鐘, 所以真係無著數, 所以南灣隧道可以改名為貨櫃車專用有著數隧道

[ 本帖最後由 chowkett 於 2010-1-20 23:34 編輯 ]

原帖由 ATE24 於 2010-1-20 21:56 發表

要有公共交通行先唔係大白象！？

［歪理］因為公共立通載客多啲，私人交通載客少啲，多啲公共交通用先唔係大白象。［／歪理］

此歪理從何而來，大家心照。

雖說公車走昂船洲大橋可減行車時間,但是,昂船洲大橋離海平面達六十米,一旦強陣風來襲,平均三十多公里風速刮起陣風可達八十公里以上,雙層客車因為受風,車輛可能會搖擺不定,導致翻側.因此公車走昂船洲大橋非上策.