[分享] 自駕租車

[ref=419638]homanbean[/ref]  在 2005-11-13 12:10 發表:



要 一般按金由$2000-$2500起
另外唔夠2年牌/唔夠25歲一定租唔到大行車 (特別係新牌或21歲都未夠)
部分小型租車公司會肯租
但係真係要小心d
因為唔夠年齡/牌齡墊底費各加$5000以上
最後墊底費可能係萬幾 ...

想問下
我地張駕駛執照上面係冇Day of issue
人地又點知我地囉左幾耐牌呢?
係唔係由個"有效期至"去估?

[ref=419732]6008-JU1220[/ref]  在 2005-11-13 01:38 PM 發表:
想問下
我地張駕駛執照上面係冇Day of issue
人地又點知我地囉左幾耐牌呢?
係唔係由個"有效期至"去估?

車牌右下角咪係發出日期囉 ;)
(「ISSUED 發於」xx/xx/xxxx)

我租過兩次，兩次都係豐田hiace。

第一次係旺角大聯合，無限牌齡，租金$270/日，
按金$4500。我果次就拎左架99年3.0六座位，但
竟然冇後座冷氣，結果三日都熱死我d客。

車算新，性能算可以，但比我當時渣的98年2.8 Hiace
就差d，但架車就唔係太企理，除左左前指揮燈入
水變色外，後胎胎紋更加係得返些少，結果渣渣下
有日入個直角彎甩尾打橫停低。

三日總計行左990km，燒左七百蚊油，即係八毫左右一
公里，唔算太大食。按金分兩次退，還車先退$3000，
剩下$1500就係四十五天期票，因要check 告票。

第二次係錦田租車易，同大聯合一樣按金四千五，
日租三百，我入到去車場，只得返兩架94年俾我揀，
一架大黑煙完全冇冷氣，一架就無咩力，有少少少少
冷氣，成個頭幅都燒焊過，我心諗：唔係下話，你d車
湯得喇喎!!無奈之下要左後者。

(開單時，個老細夠膽寫架車市值$43000!)

呢架野，車尾貨籠木板霉晒，即使閂左尾門，起
車內仍然睇到車外，即係閂唔實。開車喇，部車
起步完全冇力，初初行環迴極速得90km/h。最頂癮
係行行下落雨，我一路渣就一路有水起玻璃頂滴
落黎，搞到我成手濕晒。乘客座位揭起地氈可以
望到地面，即係霉到爛。

跑左幾十公里，熄匙落貨再開車時，呢架車個左前
brake 會"拿"住，原本我都冇理，但有次沙田上獅隧
架車直頭"拿"到三波都上唔到，要二波25km/h上，最
後捱到俾左錢就停左起沙田入口工程車場外面，當
時係上斜，但空波鬆手掣都唔溜後，問題都幾大。

搞左好耐，捱左落九龍塘過客(當時有個客要過海)，
再捱返架車返去錦田退租，當日約定晒d生意....無晒。

總括，如非必要兩間我都唔會再去。

wa, 1997 odessy, Do they have cars less then 1 year old to rent in hk?  Cause in US, rental company are bound by law and cannot rent vehicle that are more then 3 years old.  (excluding Ryders, Enterprise Rent a truck, Buget Truck and U haul)

[ref=420015]arhang2001[/ref]  在 2005-11-13 07:40 PM 發表:

我租過兩次，兩次都係豐田hiace。

第一次係旺角大聯合，無限牌齡，租金$270/日，
按金$4500。我果次就拎左架99年3.0六座位，但
竟然冇後座冷氣，結果三日都熱死我d客。

車算新，性能算可以，但比我當時渣 ...

我之前o係大昌行租過日產貨van E25,部車好新,好好力

[ref=420015]arhang2001[/ref]  在 2005-11-13 19:40 發表:

我租過兩次，兩次都係豐田hiace。

第一次係旺角大聯合，無限牌齡，租金$270/日，
按金$4500。我果次就拎左架99年3.0六座位，但
竟然冇後座冷氣，結果三日都熱死我d客。

車算新，性能算可以，但比我當時渣 ...

呢兩間我都租過不過係5.5噸
hiace反而未租過
就咁睇外面
大聯合d hiace都ok喎
又唔似咁差喎 又冇冷氣又冇軑紋
不過車同人一樣 唔可以淨睇個樣o既
唔知你租果架hiace個內籠企唔企理呢?

我租過兩次大聯合
兩次個內籠都有d殘
第一次租果架就引擎冇力
第二次果架就夠力
個斗仲好靚下
不過就brake唔應
呢架就係我之前講過話冇貨行林錦入錦田
落斜落到紅燈停過龍果架

另外大聯合原本來都有私家車租喎
不過私家車就要2/3年牌 同埋要夠25歲

租車易就三年前同friend一齊租
不過當年我未有牌
架車係方燈果隻後期舊NPR
架車又係冇力o既

雖然佢地d車係差d
不過要租貨車/貨van
除o左呢兩間同大昌好似都冇乜邊度有得租喎

[ref=420577]art0925[/ref]  在 2005-11-14 11:43 發表:

wa, 1997 odessy, Do they have cars less then 1 year old to rent in hk?  Cause in US, rental company are bound by law and cannot rent vehicle that are more then 3 years old.  (excluding Ryders, Ente ...

In Hongkong it's difficult to find a car which is new and less than 1 year old for you to rent, especially if you want to save money and rent cars from those smaller size car rental company.
If you really want to rent new cars, I think you should ask DCH(大昌) or avis, because most of the car rental company wouldn't buy new cars for rental, they just buy second hand old cars for rental.

[ Last edited by homanbean on 2005-11-14 at 23:26 ]

[ref=421080]sutrak[/ref]  在 2005-11-14 22:59 發表:

我之前o係大昌行租過日產貨van E25,部車好新,好好力

不過係大昌租會唔會好貴呀?
同埋唔夠25歲租唔租得呢?

[ref=421110]homanbean[/ref]  在 2005-11-14 11:17 PM 發表:



呢兩間我都租過不過係5.5噸
hiace反而未租過
就咁睇外面
大聯合d hiace都ok喎
又唔似咁差喎 又冇冷氣又冇軑紋
不過車同人一樣 唔可以淨睇個樣o既
唔知你租果架hiace個內籠企唔企理呢?

我租過兩次大聯 ...

其實大聯合果架內籠係ok 既，不過我估佢係收返黎
三座位改六座位出租，所以後排冇冷氣。但係咁，
即使前排，冷氣都可以用微弱黎形容，同當時用緊
果架自家車98年Hiace 差好遠好遠。

性能方面，我做生意係做單程，回程空車入屯門果陣，
唔可以五波行全程，某些上斜路段一定要落四波，相
反自家車，咩住音響等一大堆野開埋冷氣，就輕鬆五
波行完。另外架車比較嘈，我諗係偈油的問題。

講起光頭胎，果野甩尾都係條胎累事，我當時係青衣
西路右轉青衣西北交匯處，我已經係停定二波起步，
轉三波回呔架車就甩，好彩果個位夠闊，唔係就會攬
左埋石壆，實賠到我死（我當時21歲)）。另外有次行
荔橋出九龍，去到昇悅居果兩隻彎，前面收慢，我慢慢
收都收到響晒胎，望下塊鏡，拉左廿幾米胎痕出黎。

租車易果架，個內籠真係好殘好殘，殘到我都唔知點形
容，又冇冷氣又漏水又有野壞，試果濕地收車車尾橫滑
失控，救得返但停唔切，焗住衝左一盞燈，位置係青康
路左轉青衣西路，又係果度.....

我覺得呢挺車行，二三百蚊租架車俾你，梗係會鬼鬼地，
你撞左佢就開心喇。

聽聞大昌租Van 好好服務，可惜佢唔授我玩。而除左呢
幾間之外，仲有間快易租，同埋錦田一ｄ車行都會出租
貨車，不過詳情我就唔知喇。

[ref=421580]arhang2001[/ref]  在 2005-11-15 20:06 發表:



聽聞大昌租Van 好好服務，可惜佢唔授我玩。而除左呢
幾間之外，仲有間快易租，同埋錦田一ｄ車行都會出租
貨車，不過詳情我就唔知喇。

其實我都想試下租大昌o架
不過我唔夠25歲

講起你話揸hiace行屯門公路上斜要拖落4波
咁咪同大大架NPR一樣
咁又真係唔係幾掂喎

唔知你依家自己架Urvan d力水同Hiace差幾遠呢?