最長試過紅小等客等幾耐?

原帖由 咖喱 於 2010-1-25 01:54 發表
咁我咪算好彩, 咁多位師兄都等咁耐,
我次次搭親觀荃 or 觀藍都係 5 分鐘內一定開車,
最耐都係 3 個字, 係返馬會果時搭觀落

觀荃呢d線等超過10分鐘係好難的事,
觀落係要20分鐘一定要起機

原帖由 咖喱 於 2010-1-25 01:54 發表
咁我咪算好彩, 咁多位師兄都等咁耐,
我次次搭親觀荃 or 觀藍都係 5 分鐘內一定開車,
最耐都係 3 個字, 係返馬會果時搭觀落

你講個2條線都好多人搭..
當然唔使等好耐就起機...

原帖由 JN6854 於 2010-1-24 02:35 發表
多少補番筆
如果我無記錯的話 香旺最多都係等大約20分鐘
不過香旺人等車等幾十分鐘就有可能0既... 車等人好少20分鐘先走

平日朝早七點半打後去旺角經常都係人等車
有D車返香港仔後吉車過去田灣/華富起載

而家呢個鐘數去到站頭唔見有車上都費事等
都唔知要排幾耐先上到車

旺角去慈雲山，坐左兩個字，司機落車食Tea，我坐多兩個字後走左去搭3c，去到慈雲山先見返嗰部紅頂

原帖由 cmkmichael 於 2010-1-25 11:04 發表


觀荃呢d線等超過10分鐘係好難的事,
觀落係要20分鐘一定要起機

我有次係落馬洲皇巴站搭觀落線去九龍灣，都超過20分鐘先起機。
早知搭B1轉268C算數。

幾年前都試過搭荃元線(千色店去元朗果條)，都等左成30分鐘先開車，如果唔係比左錢，我一早落左車。

OT: 何文田旺角線和愛民旺角線都係10分鐘內起到機(由吉車上滿)。

[ 本帖最後由 AVW28 於 2010-1-28 10:33 編輯 ]

唔好講紅小會咁等...
綠小一樣...試過唔止一次凌晨4點左右銅鑼灣總站上港島31線
足足要去到差不多6點左右打爆架車先開車
而且後面一直無後車返站頭GA
即係成差不多兩個鐘頭站頭得一架車

試過坪石上左架荃灣紅小，等左7-8分鐘開車都係得5-6個人，車上得5個人，點知佢兜去四美街後面叫d客轉另一架得4個人嘅姐小，又等多10分鐘有多先開車。結果我6點5坪石上車，6點11先起程，7點7先去到德華公園，隨時耐過九巴40。