Great food 女朋友食經 第3號 - 我一樣吃魚堡！

近日聽見m字舖有最新推介魚堡，點知自己去食… 都係魚堡，不過係burger king的魚堡是也。

近日胃口都好左，午飯同晚飯之間竟然要以一個burger king餐去攝位… 偶一為
之啦^^

M字舖的魚堡未試呀，短期內都可能唔會試住，感覺有少少熱氣，要停下。
以下就係burger king 5號餐 鮮魚堡餐，飲忌廉走冰，轉洋沖圈，$30



炸魚薯條乃英美絕學，唔知炸魚配洋沖圈佢地興唔興既呢？^^



Burger king 魚堡，信心之選，真係好好味，包又大個塊魚又夠脆~



送上另一幅特寫^^



汁料相當濃厚，可見魚柳相當充實，絕非空洞得「塊」粉。




食評：
M字舖的魚柳包唔咪話唔好食，但係平時單買真係好少；如果無記錯上次食都係講緊用格仔券8蚊個果陣。Burger king的魚堡用料十足，他他汁同芥末亦配搭得宜。唔少朋友仔唔太鍾意魚堡可能因為唔咪「肉」，味道唔夠濃厚；但係呢個真係唔錯。


後記：
其實拍攝當日見下午時份有「買2件食物平3蚊；買3件食物平8蚊」推廣；小弟見蘋果批賣8蚊，心想買3件食物跟個蘋果批姐係變相蘋果批免費；諗好想要「小華堡」「洋沖圈」「蘋果批」的時候，落晒單，竟然話無蘋果批>_< 叫我選擇其他食物；最後都係點番餐，因為要其他食物配搭價錢其實同買餐唔差幾甚至超越之。


另外提醒：現惠顧burger king食物，憑發票於1月31日或之前，每日下午6點後購買「辣小華堡餐」(1個辣小華堡+1包薯條+1杯汽水) 只須 $25，又真係幾抵既^^


最後，有無朋友仔試過m字舖的新出品魚堡呢？不妨分享一下吧！
如果勁d，係試過freshness burger/ fat burger, 甚至係三條O既魚堡既朋友仔，不妨講下味道點丫^^#


今期女朋友食經完結，下次再見^_^
Thanks for viewing