管理局撥款慶九鐵百周年

原帖由 mmlcs36 於 2010-2-4 23:56 發表
唔引文啦.... 免得給對號入座

最近發現原來不少香港人
有優惠時就覺得是應有的，沒有想過是變相減價
優惠到期時，就異口同聲的批評變相加價

呢d咪小市民心態lor

原帖由 053h4 於 2010-2-5 00:29 發表


通縮期間有八送一, 十送一, 睇你點睇啦

十送一幾乎等於減一成, 八送一更不止一成, 十送一的車票我都有取過用過, 但幾時完大家都知. 問題係取消時物價係咪同最後一次加價有得比? 如果明白的話咁取消後個差價去左邊? 坦白講深入統計我唔識, 但我睇綜合消費物價指數呢一項, 就算今時今日都未番到 1997 的程度. 當年如果政府堅持要兩鐵減, 我深信不合併亦一樣減得到 (尤其九鐵). 最後, 太過離題, 抱歉.

除了因為減價, 我都仲認為2鐵應該要合併
好似之前版友講, 9鐵太無市場觸角, 而且好唔進取
好似d車站咁, 殘殘舊舊都唔翻新, 只是合併完才有好轉
而且加店舖亦可以方便到市民,
一個咁細既香港, 都有2條鐵路, 仲要咁唔協調, 我唔覺得係好事

越講越離題。九鉄自己慶祝公司一百週年好正常。不用其他公司。希望好好睇睇
此外、幾個吾関事的批評、答二句：
１． 九鉄不是無市場觸角、只是你賺得過多、會被人迫減價。好難攪。
２． 鉄路走線政府決定、不是一九鉄可話哂事。
３． 你吾見合併後、多左外国合約、係合併好處。
４．老闆去吾去前線做戲、吾代表什麼。有時老闆出來好麻煩。

原帖由 cat666 於 2010-2-5 12:47 發表
越講越離題。九鉄自己慶祝公司一百週年好正常。不用其他公司。希望好好睇睇
此外、幾個吾関事的批評、答二句：
１． 九鉄不是無市場觸角、只是你賺得過多、會被人迫減價。好難攪。
２． 鉄路走線政府決定、不是一九鉄可話哂事 ...

1. 始終係公營機構, 都係無咩動力有大作為
多做多錯, 小做小錯

原帖由 leslie 於 2010-2-4 01:15 發表
合併前咩一個網絡, 協同效應真係正貨的話, 我們一人口袋就唔會唔見$10000啦...

高鐵係咪都要起，關合併乜事??

黎緊沙中線又600億，每人口袋又唔見$10000

原帖由 kc_loo 於 2010-2-5 09:51 發表
除了因為減價, 我都仲認為2鐵應該要合併
好似之前版友講, 9鐵太無市場觸角, 而且好唔進取
好似d車站咁, 殘殘舊舊都唔翻新, 只是合併完才有好轉
而且加店舖亦可以方便到市民,
一個咁細既香港, 都有2條鐵路, 仲要咁唔 ...

東鐵站翻新只係港鐵囉彩
九鐵原先已經擬定左起沙中線時翻新東鐵站
如果以前無地鐵拒絕九鐵提出既轉乘優惠
阻住九鐵起沙中線既話
沙中線一早響2008年已經起好，東鐵站已經響果陣大裝修完成

而且，九鐵無唔進取，如果唔係點會投咁多條新鐵路（西鐵、沙中線等等……）營運？
更何況，九鐵好看重自己既鐵路系統，次次新鐵路正式通車前都搞慈善試搭日，並有高層實地視察
就係為左比公眾測試下，睇下自己條新鐵路有咩野可以改善
例如尖東站加左好多指示牌、馬鐵各站油主題顏色、貼圖畫上玻璃、並加裝更多闊閘機等等
而且，仲有乘客聯絡小組、九鐵茶座，歡迎公眾比意見，做左咁多野都唔叫進取？
相反，而家港鐵時代，上述一樣野都無做過（幾乎只係得番透明車廂同黃昏茶敘）

加左咁多商店，係咪好就見人見智
不過事實反映到，旺角東站加多左好多鋪位，不過間到條通道窄曬

九鐵慶祝九廣鐵路（英段）100週年，值得一讚
之前港鐵唔肯為該段鐵路慶祝100來臨，並指應該係九鐵搞活動
而家無參與營運既九鐵都肯搞活動，更顯得港鐵只顧利益，唔大方得體
港鐵應該好好反思一下，係咪唔係自己「親生仔」就唔多理
連香港有鐵路100年都唔慶祝下？

原帖由 KZ9314@YCC 於 2010-2-5 21:08 發表
如果以前無地鐵阻住九鐵起沙中線既話
沙中線一早響2008年已經起好，東鐵站已經響果陣大裝修完成

其實主要係西鐵初期慘淡令各鐵路項目推遲