城巴A線改道後的行車時間報告

雖然我知道有一個TOPIC係討論緊呢個題目, 但內容開始被拉開, 而且我希望可以有多D資料比大家討論, 所以開新TOPIC

當昂船州大橋通車後, 有好多人討論過行呢條路有無得慳時間呢, 知道大部份朋友好少會經常坐城巴A車, 而我響機場返工, 星期六日都會坐A車返放工(機場員工價, 同坐東涌線差無幾, 又可以一覺訓) 所以特登統計一次時間, 比大家參考下

因為連接西九龍快速公路同昂船州大橋既連接路並唔係同一個地點開始, 所以我既計算路段會拉長少少, 確保計算既路段係新舊路都覆蓋到. 我既計算距離係由奧海城通往奧運站既最南一條行人天橋, 到青馬大橋同連接路既空隙(如果日日行青馬既, 都會FEEL到呢條空隙, 因為行過一定會有感覺同有聲), 而4段路既路面情況都係暢通, 無被慢車阻

坐既巴士同所需時間, 及行車表現(只形容行新路, 有一定主觀因素)
舊路往機場: 1月30日, E11半豪華都普躉, 約1/3-1/4滿, 需9分28秒
舊路往市區: 1月30日, A12 FLYER都普躉, 約1/2-1/3滿, 需9分46秒
新路往機場: 2月1日, A12 FLYER都普躉, 約1/2滿, 需8分55秒
新路出市區: 1月31日, A11 FLYER都普躉, 約1/4滿, 需9分17秒

新路往市區行車表現: 落隧道都略有踩油, 出隧道後引擎轉數慢慢轉低, 但直到上到頂都無轉過低波, 落斜都無乜收慢迹象, 覺得應該比舊路快, 但實際數字就快得好少
新路往機場行車表現: 開始上大橋斜路後約20-30秒轉低波, 轉低波後非常好力咁上到頂, 入隧道時沿左邊行, 出隧道後上斜略顯乏力, 但無轉低波. 感覺同行舊路時間差不多, 事實亦如此

希望我既報告, 可以比大家多D數字去分析, 多謝

原帖由 wesley 於 2010-2-1 18:39 發表
雖然我知道有一個TOPIC係討論緊呢個題目, 但內容開始被拉開, 而且我希望可以有多D資料比大家討論, 所以開新TOPIC

當昂船州大橋通車後, 有好多人討論過行呢條路有無得慳時間呢, 知道大部份朋友好少會經常坐城巴A車,  ...

我昨日又做傻仔,走去海怡俾48蚊搭A10入機場,一個鐘就入到T1.

如果前面有部貨櫃車，會唔會不減反加？

*好似話有D地方得一條行車線

原帖由 EH2674 於 2010-2-1 19:48 發表
如果前面有部貨櫃車，會唔會不減反加？

*好似話有D地方得一條行車線

係, 西九龍快速公路, 無論係上大橋定由大橋落黎, 都係得一條線, 但好彩都無車埋黎, 所以暢順通過.

我計時間既時候, 亦有留意路面情況, 當時都無慢車阻住, 先得出呢個結果, 如果有貨櫃車應該會慢D....

因為計算既時間, 去機場係上午6-7點左右, 出市區係晚上7-8點左右, 而且星期六日, 無咁多貨櫃車

原帖由 EH2674 於 2010-2-1 19:48 發表
如果前面有部貨櫃車，會唔會不減反加？

*好似話有D地方得一條行車線

我覺得係長青隧道入面俾貨櫃塞住的機會遠比係八幹支路塞住的機會高~~

但新路較多快相位,班師傅應該都會就住黎行...

果度限速80
巴士又點需要就住黎行?
唔通呢個年代仲有巴士開90?

原帖由 cktse 於 2010-2-2 16:36 發表
果度限速80
巴士又點需要就住黎行?
唔通呢個年代仲有巴士開90?

好似巴士即使在限速超過70km/h既公路都唔可以
超過70km/h，有錯請指正。

原帖由 HY671 於 2010-2-2 16:55 發表


好似巴士即使在限速超過70km/h既公路都唔可以
超過70km/h，有錯請指正。

冇錯，
但針對新路多相機這個point，
如果限速80km/h，巴士正常鎖o左70km/h，點踩都唔會俾相機影到掛？