和諧高鐵之旅 - 廣州南站和諧首發 (多圖)

1 月 30 日，和諧的早上，清晨四點左右我就從家中出發，乘坐 N122 到太子，食個麥記，
再坐 04:50 開的 616S 到落馬洲，再飛的去羅湖，大約 05:40 到。之後我再坐 06:15 開的
廣深和諧號到廣州東，07:24 出站。

出站後，我馬上轉乘三號線地鐵，07:30 左右上車，連體育西轉車，07:56 到漢溪長隆站 D 出口公交站。

一到公交站，有一部去廣州南站公交車開出，截唔切，最後決定坐的士去，以免趕唔切坐 08:40 首發的 G1002。

其實由漢溪長隆去南站主要都係直行漢溪大道。漢溪大道同我年幾前去真係唔同晒樣，做晒綠化，仲有交通燈規範路口，非常和諧。不過條路去到某幾位就收窄到兩線行車，不過無塞車。的士司機話時間尚早，晏少少就會塞車。



沿途見到去南站的公交....





和諧的四線大道



直奔南站



又變兩線行車



社會停車場入口，但係仲未見到南站！



前行一段路再轉彎先見到



停車場有免費巴士去南站門口，同香港機場一樣，將停車場和諧了



好，到站了，用左 15 分鐘，車費 21 元。

(下續)

號稱「亞洲第一客運樞紐」的廣州南站



公交場站平面圖



一列的士係度等客。聽司機講係公司預先安排好，真和諧！



的士站旁邊就係南站快線候車室



南站快線歡迎您







廣州番禺公交歡迎您





和諧的車站廣場





車站廣場平面圖



(下續)

影左幾分鐘後，我就入站準備檢票.... 呢度係一樓 (即地面) 大堂，圍板後仲有好多地方....
地下雖然鋪好地磚，但仍然滿布灰塵，趕工的後果。







光亮的顯示板，上面顯示檢票向右行



但實際上只有左邊的電梯係可以檢票。唔知係咪因為開幕式的關係，檢票改在一樓電梯口進行。



上二樓....





回望一樓



二樓本來係高架落客區，變成臨時開幕式禮台





見到 G1002 了！等埋...


就係上緊三樓的時候，突然有廣播話「...G1002 次列車已經停止檢票，請乘客去售票處進行改簽.....」
嘩，大佬仲有十幾分鐘先開車，你咁快就停止檢票？！向後一望，嘩，
我後面已經無晒人，估計已經截龍！







於是我上到三樓後就馬上衝去安檢，點知突然有個人欄住，
仲「和諧」地推開左我，原來係有和諧領導出巡中！有無人知道佢地係邊個？



我唯有繞過班領導，繼續跑去安檢，連候車室都無影....
好彩去到閘口時，有人話 G1002 次的趕快上車，我就鬆一啖氣....
(顯示板已寫停止檢票)



(下續)

[ 本帖最後由 da54 於 2010-2-2 13:53 編輯 ]

之後就見到站台.... G1002 停係 1 站台.....





旁邊就係高架落客區



站外很多地方仲未完工



通往西九龍的和諧之路....



CRH2C x 3



CRH3C (G1002)



站台顯示，時為 08:27



影完張相後，有工作人員趕人上車，話車即將開，咁我就上車啦。

Guangzhou South...



係車門影下站台....



之後就有工作人員走黎和諧，叫乘客唔好走近車門，仲叫乘務員睇實。
真和諧！





去到 08:30 車門關上，我以為儀式開始，可能有領導上車.... 點知道 1 分鐘後，
列車突然開出！嘩，你「打大」左 9 分鐘喎！



小弟坐的一等座和諧一景



只係四十幾公里路程，都可以去到 331 km/h，抵玩！



08:50 未到，G1002 已經到廣州北！相信好多係廣州南的乘客已經被和諧了！
註：返香港後，發現幾間香港傳媒都有報導有乘客鼓譟，我相信如果我行慢幾步，
下場都會係一樣！而大陸傳媒就一致話班車準時 08:40 開，非常和諧！





廣州北的小車迷



雀鳥同和諧號互相和諧





G1002 次直奔武漢，我亦要繼續等我的 G1030 了。



(此 part 完)

[ 本帖最後由 da54 於 2010-2-2 13:55 編輯 ]

啊樓主…
可唔可以唔好咁多和諧呢？
係又和諧唔係又和諧
搞到頭有d亂

我知樓主一心分享圖
但希望樓主可以注意一下字眼
有啲地方同和諧完全冇關係都打和諧落去
好好地一篇文就咁破壞咗

原帖由 sea1986 於 2010-2-2 14:31 發表
啊樓主…
可唔可以唔好咁多和諧呢？
係又和諧唔係又和諧
搞到頭有d亂

我知樓主一心分享圖
但希望樓主可以注意一下字眼
有啲地方同和諧完全冇關係都打和諧落去
好好地一篇文就咁破壞咗 ...

其實我係想分享有幾「和諧」，圖只係其次，感受先係最重要。
點解我咁故意地強調「和諧」呢？呢樣野係需要各位從文中摸索一下...

我黎緊仲有另一篇「和諧」文章，講我之後的旅程....
我會再睇下點樣可以令各位睇得更舒服。如令諸位看倌不快，謹此先行致歉。

5樓果位板友太唔了解「和諧」既用法同深層次意義...杯具...

當日我無坐標杆車，同幾個車迷坐10點幾既車去廣州北，發現自動售票機係出唔到廣州北回程廣州南既票！其他站回程就得。

機上面會顯示出廣州北始發，廣州南終到，但係選擇車次果度仍然係廣州南 > 廣州北

[ 本帖最後由 Hinata 於 2010-2-2 17:30 編輯 ]

原帖由 Hinata 於 2010-2-2 17:28 發表

5樓果位板友太唔了解「和諧」既用法同深層次意義...杯具...

當日我無坐標杆車，同幾個車迷坐10點幾既車去廣州北，發現自動售票機係出唔到廣州北回程廣州南既票！其他站回程就得。

機上面會顯示出廣州北始發，廣州南終到，但 ...

先進的科技配搭著「和諧」的管治，實令人感到萬分唏噓。。。

大陸既網站將所有關於首發車早開既文都刪除晒

原帖由 ATR109 於 2010-2-2 18:18 發表
大陸既網站將所有關於首發車早開既文都刪除晒

依D咪叫和諧囉
所以版友用字係用得岩的
和諧到咁都上都車已經算好好彩