今 日 一 個 不 愉 快 的 經 歷

話說當時小弟影緊一部正準備開出的AVBE的時候，在該車上的車長突然離開駕駛席並下車走向小弟
更邊走邊指喝問我是否拍照，我當然說是。未幾他走到我身邊並命令刪除該照片，並說：「你知唔知咁樣係侵犯私隱」，
「你有冇讀過書架？咁樣普通常識你都唔知？」「我可以告你」等等...非常的不禮貌。
據我所知，香港是沒有肖像權這一回事，只要相片不涉及淫穢成份就沒有觸犯任何香港法例。
但正所謂退一步海闊天空，當然最後我刪除了該照片而平息此事。但下次如再次遇到這無禮車長，我未必會這樣"順灘"


說實話，雖然香港沒有肖像權，但要是司機是有禮貌地詢問　例如"你介唔介意delete有我個樣個幅相?我不太喜歡上鏡"
我會很樂意的刪除照片。禮貌是重要的
我刪除得舒服之餘，你也不用擔心上鏡，一舉兩得，雙贏局面。

如果是我不對的話，歡迎指正



[ 本帖最後由 樂文 於 2010-2-6 01:15 編輯 ]

你有冇影響到佢揸車先 ,但係香港好似無條法例唔俾人地係街影巴士(除左d企馬路,危險地方)
定還是呢位司機佢唔想上鏡呢 ?不過好聲好氣同人講既話,我覺得會平息事件

影巴士只要安安份份，唔好企起D馬路中間...就唔會有位入你

原帖由 HR889@3C 於 2010-2-6 01:20 發表
你有冇影響到佢揸車先 ,但係香港好似無條法例唔俾人地係街影巴士(除左d企馬路,危險地方)
定還是呢位司機佢唔想上鏡呢 ?不過好聲好氣同人講既話,我覺得會平息事件 ...

那時候我是站在行人路上而且沒有開閃光燈，加上當時是上客中，所以沒有影響到他
你說得對，那位司機應該是不上上鏡，但要是他好聲好氣的話，大家都會開心

原帖由 Hinata 於 2010-2-6 01:24 發表
影巴士只要安安份份，唔好企起D馬路中間...就唔會有位入你

當時我只是企在行人路上，新巴司機休息室的旁邊

九巴既卡佬有邊個係做得開心丫......

樓主體諒下佢啦！

相反，你影城巴，可能卡佬會走埋來同你吹水~

原帖由 4056 於 2010-2-6 02:59 發表
九巴既卡佬有邊個係做得開心丫......

樓主體諒下佢啦！

相反，你影城巴，可能卡佬會走埋來同你吹水~

有次去某總站影ASC，影完之後個司機問我影唔影到佢，
初頭以為佢唔鍾意人地影佢，就答佢影得唔係好清楚個樣，
點知之後佢話自己第一次渣呢款車，仲叫我幫佢影坐o係駕駛室照，
之後e-mail返俾佢，所以有時真係好難講，我會傾向順佢意多過硬碰硬，
唔係代表自己理虧，只係將心比己，有時自己都唔鍾意比鏡頭對住。

[ 本帖最後由 on11358 於 2010-2-6 03:26 編輯 ]