一位大埔居民回答一個不認識大埔的人的問題

因為和地區有關所以我在Facebook寫完後也發在A10版
如果不適合, 煩請版主移至N版
THX!

以下的內容，部份是取材自我身邊的市區朋友喔！

「Raymond你住在哪？」
「大埔。」
「大埔是在哪？」
「就是在新界喔。」
「啊，不就是深圳那一邊？」
「還未到深圳啦……（倒是從我家去深圳也不用半小時）」
「那即是在哪？」
「大埔就在粉嶺的南面、沙田的北邊、馬鞍山的西北邊啊。」
「……你都在說甚麼啦，從未聽過的說……」
「（不是吧，連沙田都未聽過）你連新界在哪也不知道嗎？」
「新界……我只知道濕地公園在新界啦，你就住在濕地公園附近嗎？」
「拜托……濕地公園是在天水圍，天水圍是在新界西北。」
「哪大埔呢？大埔有甚麼？」
「大埔有……海濱公園、大美督、教育學院、嘉道理農場、鐵路博物館之類的。
「啊，我小時候好像到過鐵路博物館了！」
「哦是嗎？」
「那大埔是在哪？」
「……」
「乘地鐵能到大埔嗎？」
「不是地鐵，是港鐵，不過我們以前都管它叫火車。」
「大埔是在地鐵哪一條綫上？」
「（都說了是港鐵）就是那一條天藍色的綫啊。」
「港島綫嗎？」
「不不不……是更淺色那一條。」
「我知道啦！」
「你知道啦？」
「是羅‧湖‧綫！」
「（暈倒了）」

相信不少版友也曾聽過朋友說"羅湖綫"吧?

綫名講錯冇乜問題，但沙田大埔馬鞍山都唔識真係有點兒那個......
新界租借期99年滿晒兼歸還後13年，竟然有人對新界的概念咁模糊......
除非文中所指的根本唔係香港人啦，否則，香港的下一代喎......

不過可以連喺度返工既港鐵職員都唔識

---- 圖片乙張 ----

---- 圖片乙張 ----

我啲同學又係，
我間學校個校長之前作個口號，就係「衝出大角咀」
因為我啲同學，淨係識地鐵車站（九鐵嗰啲唔識）
邊度係沙田、馬鞍山，唔知，其實唔出奇。

[ 本帖最後由 bananasims 於 2010-2-6 23:11 編輯 ]

調轉黎講, 住天水圍D小朋友真係唔知九龍香港為何物...

冇乜咁出奇.
小弟當年住大埔,對新界北至南, (羅湖南至沙田)都好清楚位置,
九龍區都冇乜問題

但細過同呀媽過海去灣仔等老豆放工,
見住d中巴行過,見得最多係堅尼地城同小西灣牌
根本都唔知小西灣/西灣河/上環/西環 係邊同有乜分別.
問我黃竹坑同薄扶林,我以前為佢地係隔離.
更加唔好講新界另一面的天水圍元朗同屯門. 未上中學之前直頭以為佢地係同一個地方.
又以為深井同大陸好近.

對於初中或以下的人,唔係自己果區地方唔熟一d都唔出奇
如果係大人,永久性香港居民,智力正常的話,就真係應該打靶/勞改喇.
你話掃桿埔/掃管笏/波羅輋唔識都可以原諒.大埔都唔知係邊真係可以番去訓

原帖由 cn2661_2d32 於 2010-2-7 03:39 發表
但細過同呀媽過海去灣仔等老豆放工,
見住d中巴行過,見得最多係堅尼地城同小西灣牌
根本都唔知小西灣/西灣河/上環/西環 係邊同有乜分別.
問我黃竹坑同薄扶林,我以前為佢地係隔離.
更加唔好講新界另一面的天水圍元朗同屯門. 未上中學之前直頭以為佢地係同一個地方.
又以為深井同大陸好近.

親身經驗，即使到了 2009 年，也有人以為西灣河在小西灣旁邊

原帖由 sunnykam 於 2010-2-7 00:48 發表
調轉黎講, 住天水圍D小朋友真係唔知九龍香港為何物...

你咁講就唔岩, 仲有D歧視添.

好多重點設施, 以及政府部門, 都在市區,
例如 倒數會去時代廣場, 睇演場會會去紅館, 謝師宴會去尖沙咀的酒店,
宿營會去鯉魚門渡假村, 書展會去灣仔會展, 學童腰骨唔正要去西環衛生署影相檢查,
而家334新學制, 好多活動都o係市區搞.

好多時, 住係新界區 (唔只天水圍, 包括新界東及新界西) 的小朋友,
會因為種種原因經常出市區.

相反, 住係市區的小朋友, 由於佢地日常所需的服務與娛樂, 在市區已經搵到,
所以, 佢地除左學校郊遊, 真係無幾可會去新界.

所以, 講地理知識, 新界區的小朋友, 隨時叻過市區的小朋友.

[ 本帖最後由 AVW56 於 2010-2-7 09:17 編輯 ]

原帖由 ccicoltd 於 2010-2-7 08:36 發表

親身經驗，即使到了 2009 年，也有人以為西灣河在小西灣旁邊

再離譜 D 都有，上個月有個 fd 搵我，問
0既，竟然銅鑼灣係邊。

0個陣我真係唔知俾咩反應佢好......

為何我們以前叫火車，現在由港鐵營運的不是地鐵?
地鐵是一種交通工具的稱呼，不一定要由地鐵公司營運的才能稱地鐵

原帖由 himchan 於 2010-2-7 16:02 發表
為何我們以前叫火車，現在由港鐵營運的不是地鐵?
地鐵是一種交通工具的稱呼，不一定要由地鐵公司營運的才能稱地鐵

地鐵是一種交通工具的稱呼，東鐵/九廣鐵路(英段)根本不是地鐵嘛！
說真的，東涌線/機場快線，我也不認為是地鐵，無奈曾由地鐵公司營運，一般都稱之為地鐵。