日日都有得搭既89, 一樣既落客站,今日特別多人落車

首先多謝你提醒，據我理解你的回文有以下意思
1. 你理解我用小強為一個負面的比喻
2. 你覺得我同佢地都係想影部車
3. 你覺得佢地搭架車追位係冇問題

而我都分享我的見解
1. 首先我覺得用小強黎比喻係 neutral，第一我覺得小強都係純綷普通生物，
第二我主要想形容 D 人係前門道走出黎就四散亂衝，當然你可以用「部車就黎爆炸 D 人要逃生」黎比喻，
只不過當時我見到呢個情景我就即時 pop-up 到個樣野，所以我會照出

2. 冇錯我同佢地都係想影部車，但 1 樣共通點可以代表到 D 咩，
佢地當中有班人係一有車阻有人阻就會鬧人（仲要老人家都鬧），又會經常一字排開企路中心，
至少我覺得佢地咁做唔尊重其他市民、道路使用者既程度，比你話我唔尊重佢地來得嚴重

3. 搭車追位唔浪費時間係冇問題，唔好影響到其他人咪得，
雖然你可以話我小人之心，但我會覺得呢 D 時候一定有人混水摸魚唔俾錢，
仲要成班人係前門落車，一陣司機有麻煩真係多得佢地唔少，
而且佢地落完車衝緊期間係有的士係後面駛黎，好在架車當時車速唔快，
有咩事係佢地唔要命累到的士司機喳，難怪 D carlo 都話巴士迷搵命搏