又一部新巴Dart出事

原帖由 4056 於 2010-2-9 00:33 發表


但新城係咪冇請人揸槍？？晚晚搭N293碌緊亞皆老街都可以一分鐘內同本來後面既N796say byebye，放到冇影，以前係調返轉，N293怒爬N796。

我而家唯有放棄九記，搭小巴出行。日間線可能平時都唔快得去邊，所以感覺同之前分別唔大。 ...

快,你又投訴, 慢你又話人碌
唔明你想點lor

而家新巴TKO司機冇乜邊個飛車la
琴晚坐30XX行796C 0係觀繞得果60幾
感覺係好慢
楂豬起馬爽d!

車速唔係非黑即白
唔係只得過快或過慢兩種

原帖由 642 於 2010-2-9 00:42 發表

係都係多數過海線果D渣快車

不過呢排我搭開101，0個班師傅個個由車手變哂做
碌神；無論係港島0既內街，定係九龍0既觀塘道，
成班人淆哂底唔敢去到咁盡。

甚至係某D 燈位，佢地見到綠燈，都要死碌爛碌，
碌到紅燈先肯收手......

原帖由 642 於 2010-2-9 00:42 發表

哈哈  尋日我都有搭果架107
佢又真係快左D既
不過有時唔好一竹竿打一船人
其實而家新/城 D內陸線司機好多都收晒火
係都係多數過海線果D渣快車

而家個個九巴司機都渣到好似電車咁
搭著佢地真係火到喊
唔係想佢地渣 ...

哈哈~原來同你搭左同一架車，佢實在太過亂來喇，我咁耐以來都係第二次投巴士司機票。

其實新城有車手，亦都有碌神，但車手有時快到危險就唔可以接受喇，投佢一票都係為左其他乘客好，唔係奶左野先來反映可能已太遲，692事件已有兩條人命，九、新、城三間公司近兩年都分別奪過人命，實在唔應該再辜息飛車行為。

不過，果頭個個都話搭九巴司機渣車慢到喊，但今晚我同前晚搭107時間相若搭往港島及九龍，係九記豬，同前晚一樣，都係來回搭同一班車，同一個司機，我搭果陣真係O晒咀，估唔同仲有九記司機唔怕被神射手射中，市區踩到盡，同前晚我投左票果位城記司機有得揮，行車時間亦差不多，但都尚算安全範圍，我只係擔心佢被射中有手尾跟...

原帖由 gy8940 於 2010-2-9 10:35 發表



快,你又投訴, 慢你又話人碌
唔明你想點lor

而家新巴TKO司機冇乜邊個飛車la
琴晚坐30XX行796C 0係觀繞得果60幾
感覺係好慢
楂豬起馬爽d!

師兄，我話你知，我識巴士十一年咁耐以來只係投過四個巴士司機票，一慢三快，而慢係真係慢到好離譜，車程長左三倍，高速公路無故慢到就停車搞到後面差d炒大獲果隻先被我投票，我從來都冇無理投訴過人太慢，你話唔知我想點，我更唔知你鬧我d乜。

其實快慢我都覺得冇錯，但慢都要有個譜，唔可以搞到交通大亂，而快亦都唔可以妄故安全情況下快，例如人多車多、係咁做推手推前車、或者落雨等等情況，都係唔適合快。眾多差劣態度之中我最憎d司機做推手，自己渣住架巴士去推架私家車，人地一腳地板brake，你架巴士咁大架，幾乎100%隊硬佢，打份工駛唔駛咁駁，又搵其他人較飛，呢d唔投訴既話，係咪要多單692事件翻板先安樂？前晚城記架107就係多次推前車，私家車又推，香隧推足架171全程，推到去球場，仲要推住架171情況半架巴士位都冇之下cut左線，左邊條線佢前面有冇車停左根本唔會睇倒，如果有車停左響度就欖住一齊死，咁投訴都有錯？

692事件個肇事師兄就係被我投過快票既其中一個，九記話跟過車但冇發覺問題，之後搭佢晚晚N293愈飛愈快，我心知佢遲早出事，所以收工搭佢車都唔敢訓。到最後結果......

最後我強調，我並唔係你所講既「快,你又投訴, 慢你又話人碌」果類人，唔該你分清誰是誰非。我對碌既容忍好大，亦明白點解有人會碌車心態，只要唔過份就得，你有時間可以坐轉我渣車就知我唔會亂投訴人碌車，因為我返工渣車都係偏慢。

[ 本帖最後由 4056 於 2010-2-10 02:06 編輯 ]

原帖由 4056 於 2010-2-9 00:33 發表


但新城係咪冇請人揸槍？？晚晚搭N293碌緊亞皆老街都可以一分鐘內同本來後面既N796say byebye，放到冇影，以前係調返轉，N293怒爬N796。

我而家唯有放棄九記，搭小巴出行。日間線可能平時都唔快得去邊，所以感覺同之前分別唔大。 ...

新城唔係冇請人揸槍,不過九巴係專登搵多左射手,而且比警察標準還高,唔理誤差,保証數字細過50

現役咁多車型之中...新記dart係令我覺得最無安全感o既巴士....
要坐得舒服o既話....真係要睇司機識唔識控制部車...
情形同九記o既老虎頭/ZF康豪果類車咁...下下比大油又收下...一定chop到你死咁濟...但九記果d起碼都算好過dart仔....
而且批車質素真係好參差不齊....好o既可以好fit...但差o既可以差到咩....
試過有次搭27個車手狂谷部頂閘element dart上山...上到去死火出埋白煙...司機強行重新著車幾次終於著返就繼續開車...不過呢次可以話係司機本身都有問題...
最得人驚都係個brake....部車係有種感覺好似唔識收....拉唔停o既馬咁..
試過有次坐頂閘27落炮台山道....慢慢咁拖波落...停燈位果陣拉埋手制部車仲可以衝前多一下加埋發出d "gg"怪聲...
而上文有板友指出dart仔落雨果陣堂軚係好跣下....我自己都經歷過...
最記得係有次坐九記AA...司機見轉紅燈過唔切就BRAKE.....部車係擺尾去左隔離線...鬆一鬆之後至控制得返部車....不過當時都唔算係好大腳Brake....

不過dart仔不幸地發生咁多"離奇"意外...係批車本身o既問題定係司機問題.....始終都未有答案....
只希望有問題搵到o既就應該盡快解決....無謂再發生多一宗不幸意外....

呢排九巴班師傅個個變晒碌神, 以九龍灣廠為重災區.

綜合多方在外的小道消息聽番黎(唔知係咪真):
1. 有28線車長在太子道東行60(該段限制70), 被紀律部召見, 稱市區只可行50
2. 有後備當日開91M, 收工返廠在將軍澳道上觀繞超速78公里, 被紀律部召見, 後來宣判時, 卻將另一單在車內與另一師兄寒喧(呻了兩句不滿公司的說話), 被公司以「與乘客談話」罪名, 判守行為6個月, 但對超速事件, 隻字不提.
3. 2F早前在深水埗發生意外的車長, 尚餘數個月到退休, 但公司拒絕其提早退休申請, 並以「扯黑旗」懲罰該車長(即如有撞車, 不論誰對錯都即炒)
4. 29M早前因閃避玩野的士而剷上行人路的車長被解僱
5. 有次一名電單車手在巴士旁炒車, 電單車手賴九巴在旁行過以致氣流, 累他炒車, 警方不起訴九巴車長(因錯不在車長), 但九巴卻懲罰該師兄.
6. 有部份司機喜歡戲弄九巴車長(尤其是的士), 因有人稱如與九巴相撞, 不論誰對錯都會收到九巴的賠償, 而九巴無論如何都會懲罰肇事車長(因為賠了錢給對方)

講番新巴事件, 上次2076在舂坎角大炒(好彩架車整得番), 今次就2077在將軍澳炒車, 究竟Dart仔係咪咁唔安全.

[ 本帖最後由 gordon 於 2010-2-10 13:20 編輯 ]

原帖由 gordon 於 2010-2-10 13:06 發表
呢排九巴班師傅個個變晒碌神, 以九龍灣廠為重災區.

綜合多方在外的小道消息聽番黎(唔知係咪真):
1. 有28線車長在太子道東行60(該段限制70), 被紀律部召見, 稱市區只可行50
2. 有後備當日開91M, 收工返廠在將軍澳道 ...

聽聞自從692線翻車意外後，單是K廠請了六十多人做神秘乘客……
難怪K廠上下人心惶惶……

原帖由 JX7348 於 2010-2-10 03:58 發表
最得人驚都係個brake....部車係有種感覺好似唔識收....拉唔停o既馬咁..) e4 g; O* X" U* u) ^( I8 j
試過有次坐頂閘27落炮台山道....慢慢咁拖波落...停燈位果陣拉埋手制部車仲可以衝前多一下加埋發出d "gg"怪聲...

呢個應該Dart本身o既問題