原帖由 基仔 於 2010-2-13 22:18 發表 
我覺得似係畫多d..
有d令到唔信
係咪真相就見仁見知啦
不過佐敦道碼頭的確曾經存在呢個係一個事實
因為時代唔同左,好多景物都日新月異
呢個年代既後生仔有好多以前既事物都未見過,未體驗過
心存疑惑呢個都係正常既心理
但係有時都要對所身處既地方有d好奇心,探索精神
如果唔係自己住左係度咁耐,但係都對所住既地方一無所知
萬一有外地人或者知道既朋友一問到口啞啞就無謂啦
唔係話要好似考古咁將佢個底摸清,但係最差都應該知道有呢樣野既存在
不過呢個年代科技發達
即使有電腦都斷估冇乜人真係會用d時間去搵搵本地歷史啦
有人提到都大概只會「o.....」完就算
不過講到底...呢個年代興趣大過天
你有興趣既用多一倍時間去搵相關資料都冇所謂
就好似巴士咁,點解巴士迷可以將大部分巴士型號記哂入腦?有興趣嗎~
普通人可能覺得難以置信,但係若果遇到有相同興趣既人,一樣可以講唔停
始終本地歷史係一門比較少後生仔探究既野
因為黎黎去去都係個d野,好少有新鮮事
但係見到而家某d年青人既「地盲」程度咁嚴重,真係都唔知講咩好
就舉個例,前排A10版有位版友提到佢個朋友連大埔係邊都唔知
又聽過有細路以為機場由始至終都係赤鱲角,唔信機場曾經係啟德
甚至以為維港不嬲都係咁窄
遲下睇怕有人會連香港比咩國家統治過都唔知....
點都好,時間可以沖淡一切,但係就沖唔走已成事實既歷史
而家可以做既,就只有緬懷過去,珍惜現在 |
