紅小新線消息~慈雲山至佐敦道

由2010年2月23日起,鳳凰小巴商會開辦新線"慈雲山至佐敦道",經富山,新葡崗,土瓜灣紅磡上路,總站位於南京街.此線係24小時服務.

收費:
慈雲山->佐敦道$7,
佐敦道->慈雲山$8.



歡迎討論~

睇嚟獨市位係新蒲崗土瓜灣佐敦.搶到11/95去佐敦的客.
慈雲山就好睇3B爭唔爭氣.一係加個分段位掃哂慈雲山新蒲崗$5,新蒲崗佐敦收$6咁都有得搏下
首要條件係唔好賴皮,乜都掃哂佢

幾有新意既走法喎
行鳳凰邨上，富山采頤落

不過一開波就玩通宵會唔會樂觀左D呢

[ 本帖最後由 asv21 於 2010-2-15 23:56 編輯 ]

原帖由 cong 於 2010-2-18 14:41 發表


慈雲山新蒲崗有綠小 19 / 20 做緊, 加分段一定嘈

新蒲崗佐敦有 9/11/95/203E, 紅小賣點一定係快唔係平

至於佐敦上慈雲山再加多部唔算太慢既 E23 收緊 $4.8, 呢個方向真係唔樂觀 ...

敢請問19/20收幾多錢？
如果個分段平唔過綠小，問題唔算太大，咪當執綠小死雞(當綠小做唔哂果陣，情況等同柴灣既47M和84M既關係)。

講番呢條紅小，如果剩計慈雲山和富山既話，唔好話3B和203E，我諗3C、5、5C等都遭央(睇紅小定線，5號似乎係最食到正，不過行下路既5C都唔好得好多)，不過3C和203E又好似比旺角線打緊，而家又似乎比多條經紅磡既佐敦線夾攻。(註：最尾兩句我純綷吹水咋！唔岩聽當我發膠。)

原帖由 cong 於 2010-2-19 10:30 發表


19 收 $3.2, 20 收 $3.7, 兩條本身車就唔密, 如果再俾紅小搞一搞, 好易摺........

而且如果佐敦果條有分段, 密車 d 既旺角車一跟都係冇乜得益...

3B / 5C 行下路影響唔會好大, 反而朝早隧道口前落車既 116 客有 ...

醒唔起仲有條116，可能我唔係太熟116果邊既客量分佈(淨係認為佢港島方向係慈雲山淨做過海)。

不過講番慈雲山方向，116都食到正，E23都仲有黃埔果邊(我唔知佢黃埔返慈雲山多唔多人上)。5號都最好小心d(尤其富山方向)。

講真，紅小落分段，對乘客來講係多個選擇，對小巴公司來講係冇益。

P.S.3C和203E都有影響(尤其203E食到正哂，兩條紅小線夾攻)，3C都仲有黃大仙、橫頭磡、九龍塘果邊頂住(但唔好得好多，呢d位冇乜邊度係獨市[係得去中港城先係獨市]，慈雲山到BU有2F，樂富到九龍塘有7，樂富到旺角有1，慈雲山去旺角有旺角紅小，仲有大大條港鐵係度)，咁當然都仲有個中港城和唔想搭港鐵罰企既人捧場。

3C/203E影響唔算大
兩條線過左旺角油麻地都係得返小貓三四隻
要快既一早搭左地鐵
行下路既3B同5C客路唔同 唔會有太大影響

搶到既反而會係5/11
同埋小巴轉地鐵既佐敦客

不過都要睇佢開線後先知實際情況係點