80後為香港求得下籤

而家人人都話幫香港求籤, 幾時有一日, 連陳振聰同顏福偉都要去車公廟代表香港人求籤? 連車公都可以抽水, 佢地搞宣傳真係搞到出神入化.

不過, 電視上見到佢地求籤時個樣, 真係"誠心"十足, 我相信如果車公有靈的話, 枝下籤應該係For呢班人自己既.

原帖由 PB602 於 2010-2-15 23:31 發表
而家人人都話幫香港求籤, 幾時有一日, 連陳振聰同顏福偉都要去車公廟代表香港人求籤? 連車公都可以抽水, 佢地搞宣傳真係搞到出神入化.

不過, 電視上見到佢地求籤時個樣, 真係"誠心"十足, 我相信如果車公有靈的話,  ...

我見到新聞, 我真係啞左, 求咩籤? 仲要為香港人...

本身d公眾人士去為香港求, 我已經覺得怪, 但都叫做有一定公職, 呢d人....
但無啦啦80後為香港人求, 真係想點...求完仲要同記者講咩檢討....

原帖由 3ASV196 於 2010-2-15 23:50 發表


我見到新聞, 我真係啞左, 求咩籤? 仲要為香港人...

本身d公眾人士去為香港求, 我已經覺得怪, 但都叫做有一定公職, 呢d人....
但無啦啦80後為香港人求, 真係想點...求完仲要同記者講咩檢討.... ...

呢班80後自己又唔肯去找"專業人士"解籤，證明是想博新聞啦

如果劉皇發不代表「他們」，「他們」也不代表我。

迂腐少少講，過年係喜慶日子，有咩不滿都唔好咁去踩人場丫，好自私，
自己鑽牛角尖將所有事睇得咁負面，就要香港人陪佢地一齊愁，算老幾？

我真係覺得車公支籤佢地應該認真對待，車公叫佢地要凡事待遲、凡事宜慎、不可貪心！

首先，我假設他們真的誠心求籤，得到車公回應。

求家宅「江心明月影澄清　風和浪急可怡情　夜冷江寒魚不餌　星月雙輝捲釣綸」
係下籤，即係話呢個家（即菜園村）保唔住，唔好死雞撐飯蓋！
風和浪急可怡情：風和而浪急，即係無風起浪？
夜冷江寒魚不餌：此地已經無可作為？
星月雙輝捲釣綸：唔該執包袱走？

求財「兒孫福澤暗中迷　山莊緣分恐相虧　若行大德公平事　不惜囊金始可為」
我覺得係解，兒孫（即八十後）雖然有上一代留下來的福澤，但失去方向，或不知不覺失去了以往的優勢；
香港人在此地相遇本是緣分，但世代爭拗令緣分變質；後面兩句，照字面解都好易明。
又或者話，若要行「公平事」，首先不能令自己失去財源，不要得罪大水喉。

求香港人夢想「生前不作虧心事　只為貪心惹是非　若得貴人相勉力　莫教枉費用心機」
即說呢班人本身唔係壞，唔係做緊虧心事，不過因為貪心（在輿論上得寸進尺，新年流流去踩場）而惹人非議，
後兩句，到底係話佢地會有貴人相助，定係話有人畀位佢地落台，佢地就應該識做？

車公幾支籤，連埋發叔的一支，中心思想只有一個：和諧和諧和諧！

樓下：2003年求得下籤，得來SARS，車公以前係沙田人由西貢請來降瘟疫，醫學方面好準，車公係好公平的。

講真，香港人若非進退失據、感前路茫茫、妄自菲薄，何以會如此看重求籤行為及結果？
太平盛世之時，只會落得迷信迂腐的評價。

[ 本帖最後由 DIH 於 2010-2-16 11:53 編輯 ]

年年就收起d唔吉利的,求完等於冇求

最反感係佢地夾硬將籤文套入佢地既定立場，不知所謂

80後自我膨脹例子都唔係第一次

[ 本帖最後由 Kaix 於 2010-2-16 18:33 編輯 ]

其實求籤呢家野信則有不信則無既

其實劉皇發代表香港求籤似乎唔係太好
我諗係香港應該唔少人唔識佢
劉皇發最多只可以代表新界圍村

個幾位80後青年都係
無資格代表香港人求籤
更無資格自己解籤解到支持自己立場

原帖由 PB602 於 2010-2-15 23:31 發表
而家人人都話幫香港求籤, 幾時有一日, 連陳振聰同顏福偉都要去車公廟代表香港人求籤? 連車公都可以抽水, 佢地搞宣傳真係搞到出神入化.

不過, 電視上見到佢地求籤時個樣, 真係"誠心"十足, 我相信如果車公有靈的話,  ...

OT:陳振聰同顏福偉好似

[ 本帖最後由 流星☆雨 於 2010-2-16 18:49 編輯 ]

原帖由 DIH 於 2010-2-16 11:31 發表
如果劉皇發不代表「他們」，「他們」也不代表我。

迂腐少少講，過年係喜慶日子，有咩不滿都唔好咁去踩人場丫，好自私，
自己鑽牛角尖將所有事睇得咁負面，就要香港人陪佢地一齊愁，算老幾？

我真係覺得車公支籤佢地應該認真對 ...

同感
佢地去得車公廟求籤
就唔該聽車公支籤講

佢地唔信車公既話
唔該唔好去車公廟咁樣做戲俾香港人睇

真心相信求籤有用嘅人都係傳統老一輩同鄉土派，由發叔去求冇咩唔妥，
認真講究的話，根本冇一個人可以代表全港所有人去求，就算特首係普選出嚟都唔可以啦。

話說回頭，係唔信求籤呢家嘢就直接講，唔需要話跟傳統去做嘅政府代表唔代表你咁迂腐。
更加唔好搞到自己咁冇主見，用自己都唔信嗰套去反對政府。
就算要做戲都唔該做全套啦，籤筒未搖勻，又企喺度求籤，仲要話解籤佬同政府勾結，
要自行解籤咁巴閉咁超然。

每年的年初二求籤，只當他是一場秀去看，睇完就哈哈！
今年又多幾個唔知咩人又唔知代表咩野的人去求籤，出年
不如安排幾個兔女郎去做秀吧！