香港七成初中生認同『未成年性行為』40%小學已拍拖

香港一項針對初中生的調查發現，10%受訪學生表示拍拖一年『換畫』5次，即平均2個多月換一次新伴侶。另有近70%學生表示，接受在16歲或以下發生性行為。

基督教香港信義會社會服務部去年11至12月，透過問卷訪問將軍澳7間中學一共1214名初中生，發現40%在小學階段已開始拍拖。而願意進一步回答有關拍拖問題的313名學生中，只有26.2%可與伴侶維持半年或以上，大都只維持2至3個月，20%甚至少於1個月。

基督教香港信義會服務主任張燕莉指出，初中學生對維系感情過於輕率，因此有近10%學生一年『換畫』最少5次，3.2%更一年『換畫』9次或以上，即平均1至2個月便更換男或女朋友。她說：『青年多抱著玩的心態拍拖，頻密轉換男或女朋友及輕視兩性關系，每段感情都不會投入。』

這次調查結果發現，251名接受婚前性行為的學生中，68.9%接受在16歲或以下，即不合法年齡有性行為。

90打後
一係就毒 一係就MK

不過這些機會不是屬於我的 >~<
拍拖?! 以前都試過既....

[ 本帖最後由 AL_71 於 2010-2-18 15:57 編輯 ]

對於呢d搞分化的題目, 我個人覺得非常討厭...
唔知點解italk最近愈來愈多呢d topic...

90後總會話00後思想幼稚,
80後總會話90後唔聽長輩教誨自我中心,
70後總會話80後做事唔踏實只係識搞事,
60後總會話70後只顧賺錢莫視人情.

根本, 每一代都總會踩下一代以突出自己呢一代的優越,
但問題係, 大家都好清楚, 每個世代, 都一樣有好人有壞人,
單用幾個字, 就去概括十年內出生的所有人,
兩個字: 武斷!


"90打後 一係就毒 一係就MK"
唔知樓主點睇2007至2009年度的幾十位會考10A狀元呢?

我估樓主應該係80後或者70後啦,
如果我話樓主所屬的一代的所有人都係 "80打後 一係就薯 一係搞事" <---這不是我對80後的看法
唔知你又會有咩感想呢?

發現40%在小學階段已開始拍拖。而願意進一步回答有關拍拖問題的313名學生中，只有26.2%可與伴侶維持半年或以上，大都只維持2至3個月，20%甚至少於1個月

小學生連拍拖點解都未清楚啦...

呢d研究不必認真看待。
我相信如果份研究問多一條問題︰你覺得咩叫拍拖？
肯定大把人會答, 一齊玩 / 食飯 / 睇戲 / 好feel, etc..

諗起中學時讀男校,
好多同學覺得拍拖就等於搵女仔食兩餐飯、睇兩場戲。
根本呢d就叫正常社交, 但因為唔係人人有份,
心理上會高人一等, 唔係拍拖都講左係先。

原帖由 AVW56 於 2010-2-18 15:42 發表
"90打後 一係就毒 一係就MK"
唔知樓主點睇2007至2009年度的幾十位會考10A狀元呢?

93年之前出世果d都OK
事實上佢地都唔係好毒
睇報紙講佢地興趣又多，又聰明勤力
同毒冇關係wo....

原帖由 AVW56 於 2010-2-18 15:42 發表
我估樓主應該係80後或者70後啦,
如果我話樓主所屬的一代的所有人都係 "80打後 一係就薯 一係搞事" <---這不是我對80後的看法
唔知你又會有咩感想呢?

我係89年出世的
80打後有薯? 有搞事?
我完全唔覺wo 反而我覺得係好既開始
好過有人對呢d冷感

愛情點可以同呢d野比呢
兩樣性質都唔同

不過我有留意94打後的fb
又真係幾大對比ga  @@
d潮童咁潮既 =.= (仲係4個同一對鞋) CLOT+FENOM+PORTER CASE+visvim 鞋 (葡萄....)
毒既人都有...不過近年好似少左咁 (毒都變潮?!)
咁多人買CLOT, visvim, red wing既? (雖然我都買左對red wing )
(毒 VS MK)

我籲大家唔好咁毒吧 !!

[ 本帖最後由 AL_71 於 2010-2-18 16:00 編輯 ]

#4：
AVW56根本就唔係想去標籤，佢只係想帶出標籤的荒謬。

「80打後有薯? 有搞事?
　我完全唔覺wo」
薯同搞事係兩個極端，又唔薯、又唔搞事，咁呢班係咩人？

其實真係同甚麼年代出生冇咩關係，自從人識得互相比較，
就總係會話一蟹不如一蟹、新一代唔識諗、bilibalagiliguala......

每個人都年輕過，我作為「80後」，屋企有「90後」，
我睇到佢地如今的表現，係因為電腦很早在他們的人生中出現，
又遇上回歸、教改、母語教學、八萬五、金融風暴、沙士、移民回流、金融海嘯等，
對外，他們面對著朝令夕改、父母日夜奔波、惶惶不可終日的大壓力；
對內，他們的人際關係建基於電腦，有咩事都通過電腦同其他人講，反而屋企人唔知。
反之，我童年係睇電視的，電視播乜就睇乜無得揀，而且有好多共通話題；
中學時同學間會直接見面傾偈，咩ICQ MSN都係錦上添花，唔似而家facebook當講電話。

人的生理心理成長無乜點變，只是時代巨輪轉了幾個圈，所造成的不同效果罷了。
正如50-70後話80後懶、空談理想、未捱過苦唔識珍惜，咁真係未捱過苦嘛。
又或者80後話50-60後霸住管理階層，咁人地辛苦奮鬥咁多年，今時今日佢地梗係要secure自己的回報啦。

再加上，睇下呢個調查係邊個機構做啦，同埋唔知佢的問題set成點喎。

[ 本帖最後由 DIH 於 2010-2-18 16:14 編輯 ]

銀有兩面，
我一覺得要評價一大班人係唔可以單單用一個東西去概括佢地

但做人，不宜得寸進尺
做得好要繼續，做唔好就要檢討，唔好話人帶有色眼鏡等說話，自我膨脹，

唔係既，點樣令其他X十後既人信服呢?

舉個例，學校有一兩個壞學生都可以整衰間學校，
咁一兩個小眾表現唔好都可以影響到全體者，
團體精神就係咁架啦，有福其享，有禍/錯就一齊承擔

但後者我完全見唔到囉~

我係90後 但唔覺 未成年性行為係好事
而且只係將軍澳區ge 1000多位學生
完全冇信服力 唔通成個香港只有1000幾位90後中學生??
4間學校夾埋多過你啦  做為一個90後 我承認 好多90後都係港男港女
有d係毒男女tim 但係 你可唔可以否認 香港冇正正常常ge 90後先??
唔好以偏概全 如全港90後都係毒男女 港男港女 咁應該冇校制音樂/朗誦節 冇閱讀計劃
因為90後係MK仔 毒男女  所以全部應該係 MK/屋企/網吧/酒吧
或者叫"80後 90前校制音樂節/朗誦節"會好d???