問：考葵盛圍有咩地方要注意？

自從九月尾考澤安道肥左後，話咁快又過左兩個月，
後日 (24/11) 我要再戰葵盛了…

講返自己既情況，由最初開始係葵盛學都仲有好多地
方可以 tick "S"，到近呢兩堂已經可以做哂要做既野，
但我仲係有點擔心…

講返呢兩堂既特別要留意的地方…同埋有野想問。

1. 調頭，第二手扭返向右時，係咪只要一溜前就玩完？
如果先入空波再拉手掣，會唔會肥？(師傅話唔會)

2. 落盛豐樓條斜，如果有人爬頭時，人地架車已經係你
右邊至收油的話，會唔會肥？

3. 過埋盛喜樓，差唔多到燈口個彎位時，突然見倒個阿
叔，都幾遲先收油踩 brake，會唔會好「炆水」？

4. 過埋盛樂樓，有個外彎，今日學車時見倒三架旅遊巴
泊係度，如果睇對面睇得唔太清楚，架車出左去先見倒
對頭有車，而對頭車已經差唔多係自己架車隔離，三架車
平排係咪肥硬？ (師傅話睇官喎…)

5. 差唔多去到第六座個路口，見有個細路係行人路跑但
跑得很出，佢突然衝過馬路，好彩我車慢…

6. 過埋第六座個路口，有架 47X 爆 tire 死係路中間，
我唔係好識睇巴士司機的指示…

之後都大致冇問題。

仲有，如果調頭時，果日突然有物體 (例如籃球) 係路中
間，會唔會有工作人員執拾？
望鏡的幅度要有幾大？

而最近幾個月都冇人考過石頭街，我亦只行過三兩次。石
頭街有咩特別地方要注意？最近期考石頭街係要落到去
富泰樓後面調頭，定係過左芷葵樓就可以轉右返葵盛？

如果有人考過葵盛，不妨分享。最後，我係考 1,2 牌，
棍波的。

諗到再問，先謝！

[ Last edited by chan6723 on 2005-11-23 at 01:06 ]

我係考葵盛圍...大斜路果條..
唔..其實葵盛圍基本上都冇乜話要注意太多野
下面呢堆說話係我師傅講過...
幾時都要同小巴巴士保持一段距離..
佢地埋站就跟佢地尾
爬死車頭果陣打右燈..爬完就打左燈
經常留意倒後鏡...留意後車爬頭或想爬頭就盡量向左邊行
見有人過馬路或有人行出馬路...
無論行人離你近或遠都踩迫力..俾個考官覺得你有反應....
我自己覺得做緊調頭動作果陣冇乜必要都唔好入空波....
第二手扭完右就即刻拉手掣然後R>1...

[ref=427612]chan6723[/ref]  在 2005-11-23 01:04 AM 發表:

1. 調頭，第二手扭返向右時，係咪只要一溜前就玩完？
如果先入空波再拉手掣，會唔會肥？(師傅話唔會)

我答你第一點

第二手掉頭，一般動作是1秒後入R波，然後慢慢鬆極力子至接觸點，要固定，右腳要放在迫力輕輕踏著。然後查看交通情況，無問題鬆手制，再慢慢鬆腳掣。車便慢慢倒後。

但如果你入R波後不把極力子鬆至接觸點，開行時只會令車向前行，便會造成空波滑行，不合格。雖然黃紙乙部無一項是空波滑行，但考牌管會tick你三手呔嚴重一項。

總之，你練多些三手呔就沒有問題 。

[ref=427722]simon12[/ref]  在 2005-11-23 11:11 AM 發表:

但如果你入R波後不把極力子鬆至接觸點，開行時只會令車向前行，便會造成空波滑行，不合格。雖然黃紙乙部無一項是空波滑行，但考牌管會tick你三手呔嚴重一項。

掉頭有溜前/後一項,
如果架車只係有些少溜前/後的話,
只會剔你「輕微」。

掉頭我師傅教每手停車後也入空波,
佢話讓我在每手中間
有多些時間整理思緒,
我考試時也是咁做,
無問題的。

爬頭前最好落番 2 波,
及在死車前兩、三個車位慢慢抽頭,
這樣可在爬頭前看清前路的交通情況。

聽日24/11我都係考葵盛圍，
不過就只係重考路試，
條路大致上都冇乜問題。
不過我考3點幾，
應該係較多學生的時間，
所以經過斑馬線都係小心為上。

最後祝FU4387兄好運！

(樓上又用錯 account，煩請板主刪除)

如果考 3 點幾既話，你可以早少少去報到，早Ｄ考
(兩點幾倒啦)，咁咪可以避開Ｄ學生囉。
我原本都係考 12 點鐘倒，但而家同師傅決定早少少
考，避開Ｄ放 lunch 既學生。

祝好運！

(24/11 補上)
Pass 左了！

[ Last edited by chan6723 on 2005-11-24 at 16:55 ]

恭喜FU4387兄！

小弟亦pass o左！
頭先早了少許報到，
剛好避過放學時間，
一考完師傅車我走o既時候，
就有很多學生湧出來啦…

[ref=428515]S3M236[/ref]  在 2005-11-24 06:00 PM 發表:

恭喜FU4387兄！

小弟亦pass o左！
頭先早了少許報到，
剛好避過放學時間，
一考完師傅車我走o既時候，
就有很多學生湧出來啦…

恭喜哂 EK706 兄！

其實今日考牌都有一兩度唔係好望盲點，但之後我都
盡量望返，希望有得救。唔知個官睇寫緊野定見我之
後都好盡力，最尾都 pass 左我。
不過一泊完位出黎果下，我隻左腳震得好厲害，出試
場果下都做得唔係咁好。

恭喜恭喜!

好開心本版再多左兩位有牌駕駛者，仲要兩位同日同試場pass，
值得恭賀!