【已退役車系列】多仔於廣州服役時

原帖由 葵盛東居民AMN36 於 2010-2-21 16:57 發表
真係好佩服師兄當年有呢種勇氣一個人去到咁遠影巴士
當年返中國內地交通又唔係特別方便, 加上好多人都會擔心
治安問題, 師兄真係唔簡單, 就係呢份勇氣同熱誠, 我地先睇到
呢d經典相片

小弟最膽粗粗的一次都係單槍匹馬去尋找巨鷹珍寶, 不過已經同師兄
果個年代差好遠了, 起碼交通同過關方面都方便左好多, 只係用半日
時間都可以滿載而歸

樓主上去影車既年代，唔會好似而家咁有和諧號可以比人個半鐘內由深圳到廣州(將來仲話提倡「珠三角一小時生活圈」；廣深港高鐵起得成既話，由香港西九龍去廣州石壁都係大約50分鐘)，點都要搭行經廣深高速既巴士(唔知樓主上去個年代有廣深高速未呢)，時間需時約3小時。

過關方面，未有好似而家咁可以在最少四個口岸選擇過關、冇皇崗24小時通關、冇e通道，要經歷逢長假和週末羅湖關打蛇餅的時間(而家係深圳灣過中國海關個櫃位隨時比行羅湖仲要耐，咁當然，羅湖櫃位多，淨做鐵路客；深圳灣櫃位少，除左大西北居民外，仲有d直巴和過境巴客)

而家都多左本港巴迷去大陸影車，唔多唔少同你講既原因有關，最緊要係有先例。

仲有遇到廣州o既繁忙時間, 可以唔知塞幾耐車.......
98年在下坐OLYMPIAN 上去坐左5.5 小時...!

哈哈…其實當年小弟並唔係單人匹馬去o既，同行o既仲有一位志同道合o既朋友，當年小弟去廣州都係撘火車多，由九龍市區出發到廣州連埋過關大約要四至五個鐘左右啦！

原帖由 LA24ttty 於 21-2-2010 20:06 發表
睇返陳生o既"中國雙層巴士手冊" 呢架車係改左射波子...

射波子？係咪即係珍寶用果隻四前一後波段？

原帖由 paulwai75 於 2010-2-21 22:47 發表
哈哈…其實當年小弟並唔係單人匹馬去o既，同行o既仲有一位志同道合o既朋友，當年小弟去廣州都係撘火車多，由九龍市區出發到廣州連埋過關大約要四至五個鐘左右啦！ ...

搭直通車定係慢慢係羅湖等過關去深圳再搭車(火車/巴士)上廣州。

原帖由 AVW28 於 21-2-2010 23:20 發表

搭直通車定係慢慢係羅湖等過關去深圳再搭車(火車/巴士)上廣州。

以當年o既經濟能力，當然係要經羅湖過關再由深圳坐火車啦！直通車…太奢侈喇！

原帖由 AVW28 於 2010-2-21 20:32 發表

樓主上去影車既年代，唔會好似而家咁有和諧號可以比人個半鐘內由深圳到廣州(將來仲話提倡「珠三角一小時生活圈」；廣深港高鐵起得成既話，由香港西九龍去廣州石壁都係大約50分鐘)，點都要搭行經廣深高速既巴士(唔知樓主上去 ...

第一次上去已經係坐城巴的12米Olympian，要3個幾鐘，坐了好幾年先至有B12同埋西沃B10M，感覺截然不同！

原帖由 AVW28 於 2010-2-21 20:32 發表

樓主上去影車既年代，唔會好似而家咁有和諧號可以比人個半鐘內由深圳到廣州(將來仲話提倡「珠三角一小時生活圈」；廣深港高鐵起得成既話，由香港西九龍去廣州石壁都係大約50分鐘)，點都要搭行經廣深高速既巴士(唔知樓主上去 ...

而家真係方便好多啦~~~~~~~~~~時間夠既日日去都