409提供司機自選路線服務...

呢條小巴線開左咁多年, 路線可謂千奇百怪,
尤其在荃灣區內的行走路線, 好似俾司機自由選擇咁,
最多司機會在德華公園總站後, 轉左行德海街直出德華街返青衣,
非繁時未滿座情況下, 起碼都有一半司機咁行, 德華公園總站滿座後更係一定會咁走.

其他路線如下:
出沙咀道後直行至德士古道返青衣
出沙咀道後直行至聯仁街, 再經楊屋道, 德士古道返青衣
出眾安街, 轉右入海壩街, 左轉行川龍街出沙咀道返青衣
眾安街直行, 轉左行楊屋道, 直至德士古道返青衣
眾安街直行, 轉左行楊屋道, 轉右行馬頭壩道, 左轉德士古道至荃青交匯處返青衣
眾安街直行, 轉左行楊屋道, 轉右行馬頭壩道, 左轉德龍街, 經龍德街至荃青交匯處返青衣

另外, 最近見過副線409K都玩埋一份, 係未滿座情況下, 經西鐵站後, 沿楊屋道直接返青衣

反而荃灣區內會行原來路線既司機只有一半左右, 繁忙時間更加唔會有車係眾安街, 沙咀道出現...
唔知青衣果邊情況有無咁誇張呢, 最多我都係見過宏福花園後, 直出楓樹窩路上長宏

[ 本帖最後由 s3n354 於 2010-2-26 04:58 編輯 ]

其實佢根本就應該全日改行德海街, 德華街走, 再加返個站o係鹹田街口德華公園門口, 因為:
1. 繁時幾乎一定係咁行
2. 非繁時兜下眾安街亦唔見得好多客, 沙咀道個站都係搶下九巴d 客, 唔會有客專登等佢
3. 眾安街好易塞車, 晒埋d 無謂時間
4. 補返個站o係德華街/鹹田街口離原站唔遠, 應該可以方便到乘客

其實呢...
我覺得好多專線小巴的司機都可以隨時「改道」...
有時連過左個站都唔知...

原帖由 OTIS401 於 2010-2-26 12:40 發表
其實呢...
我覺得好多專線小巴的司機都可以隨時「改道」...
有時連過左個站都唔知...

又密又多車既線好似 44 咁..你就會唔多覺
但係..好似 89B 呢 D 疏車線////....遲左 D 都好覺眼

409 真係行多轉好過你兜個圈啦
試過搭409k...係楊屋道直出西鐵站tim...
因為全車3個都係去西鐵

409就試過係悅來上滿16個而即刻轉右走
不過而家應該唔比甘做...要經千色店站頭寫數??

咁樣係對中途等車乘客唔公平...同埋間接流失客源..

好多唔係區內人或睇地圖人士想搭..但會不成功！


睇Topic我以為係運輸署既批核添...其實呢d係咪運輸署應該捉及監管呢？？

在409 o既個案, 我諗唔應該投訴, 而係建議佢直頭改路

原帖由 lsc04d11 於 2010-2-26 17:29 發表
咁樣係對中途等車乘客唔公平...同埋間接流失客源..

好多唔係區內人或睇地圖人士想搭..但會不成功！


睇Topic我以為係運輸署既批核添...其實呢d係咪運輸署應該捉及監管呢？？ ...

架車未滿的話改道的確可有所商榷，
但滿載時要成車人同你遊花園？

唔止樓主講的線，重有好多荃葵青的線都會走捷徑，
似終好多位人多車少，繁忙時間正常走的話根本唔夠車回。

原帖由 jackyip 於 2010-2-27 01:33 發表
利益申報...
自己由409開線到依家都有坐...

其實唔跟線行呢個情況...
無非都係要追返前車...
無前車追都係行返正常路線...

409要追點都追到啦...
夜晚2230前 平均3分鐘實有一架
2000-2100個段時間...真係同88d一樣..分半鐘一班