鴨脷洲大街與倫敦里交界整盞紅綠燈係咪浪費資源?

紅綠燈通常係為方便途人橫過馬路而設置,
但鴨脷洲大街與倫敦里交界
只係得兩條行車線, 車速亦相當慢, 又唔係認真多車, 兩眼睇哂, 兩步行哂,

既然係咁,點解仲要整盞紅綠燈?
整嚟唔單止浪費資源  仲浪費司機時間去停車

[ 本帖最後由 diamond 於 2010-3-4 10:36 編輯 ]

有冇咁無聊呀....又一政績工程。

新版友你好
相信回歸iTalk，會繼續為各版友帶來更大的樂趣

咩兩眼睇哂, 兩步行哂?
條路多唔多人過先?
如果係的話，整燈都唔出奇

後生仔就兩步行晒者, 如果有人行動不便就有需要啦.
d 車停一停者, 有乜咁浪費時間....

原帖由 OTIS401 於 2010-3-4 12:46 發表

咩兩眼睇哂, 兩步行哂?
條路多唔多人過先?
如果係的話，整燈都唔出奇

好少人過,
仲有成條鴨脷洲大街欄杆缺口處處, 好多人都係隨便亂過就算, 唔會刻意去用個紅綠燈.

係咁整斑馬線好過整紅綠燈

樓主，你有無同議員反映過?
另外，記得搵埋呢度部份關注倫敦里的版友播。

原帖由 ~~Knysna~~ 於 2010-3-4 17:21 發表
係咁整斑馬線好過整紅綠燈

唔可以咁講
兩者都各有利弊
有用過班馬線的，就知香港的駕駛者的「禮讓程度」有幾高...

原帖由 OTIS401 於 2010-3-4 17:48 發表


唔可以咁講
兩者都各有利弊
有用過班馬線的，就知香港的駕駛者的「禮讓程度」有幾高...

但香港的駕駛者的「禮讓程度」已經好過澳門好多啦!
澳門D淨斑馬線仲恐怖, 十架車黎十架車都直行直過, 個斑馬線有等於無 想安安全全咁過條馬路都難過登天  香港至起碼有部分司機真係會停定讓人 但澳門個D司機最多只係收慢車速都唔會停定