港鐵職員對待遊客態度好差 (真人真事)

姑勿論話語內容是否恰當，作為服務性行業前綫人員，使用質疑聲綫對待顧客固然不恰當。（重話係「一路心向著你」 ）

個人認為以提醒的語氣說「（如果）你係香港人（就）唔買得」一定會好好多，宜家樓主引文中職員一句「係唔係你用架」更加成為導火綫。

我都覺得有改善空間、不過嬲都無用。個個人都可能係外判工。留海外電話要出数、免得都吾好。下次最好即時話遊客、免以為你係水客,sorry。

好明顯樓主講的重點係職員態度, 但突然 "極速" 被轉移去討論遊客身分問題

態度好定差太主觀，唔可以評論，又冇其他具說服証明

已經見慣不怪，港鐵職員對客同咪服務態度普遍都好差。9月份開始買西鐵月票，買左半年，得一次有個女職員識得講句多謝，
其他既，唔係木口木面，就係一副唔想做咁既樣。
頭二個月重用緊膠飛，成日過唔到閘，差唔多每十五日就要去票務中心換一次飛，
換左最少三次，問佢地又唔識答原因，淨係識登記人個人資料都算，
倒返轉頭係我講唔該/唔好意思，換左三次，只係得一次有個職員識得講句唔好意思。

若果咁樣可以話係「個別事件」，我相信港鐵職員表現得有禮貌，先係個別事件。
唔係話想懷念九鐵，不過住左屯門超過20年，感覺九鐵年代D職員服務態度好得多，
起碼有返少少基本禮儀。依家既港鐵，除左淨係識響車站狂加舖頭、
同咪繁忙時間未等人落曬車就趕住關門之外，已經無咩感覺。