大家為什麼會成為巴士迷呢？（恭賀Ｂ２２版成立~）

小弟先恭祝此版討論氣氛和諧
大家亦可盡量避免對立既場面～


我諗到既第一個問題就係，大家成為巴士迷同埋幾時開始鐘意巴士呢樣咁大眾化既運輸交通工具呢？


首先講下我自己．．

我一路好細個其實對巴士都無乜認識，而且搭巴士比較麻煩
麻煩唔係在於唔識搭車，而係比錢麻煩，因為要數碎銀
我既大人親戚又成日叫我行先上車入錢，又話咩「兩大三細」「五大一細」．．
上車入錢唯有戰戰競競照同司機講「Ｘ大Ｘ細」

而我細個經常搭81M，88M來往隆亨<>九龍塘
因為係M線，所以有機可以用儲值票，所以好鐘意搭呢兩條線
但係如果係新城市搭80K，88K番隆亨，就麻煩喇
諗番都覺得好笑

所以自從懂性，都係鐘意鐵路，又有冷氣、又有得睇住架車左轉右轉．．（雖然巴士都有．．）
比錢又方便

中一之後，我開始有自己既電腦，開始上網留意鐵路
不過後來從石硤尾搬到油塘，不知為何就留意上巴士了．．
巴士相比鐵路，是更加容易接觸，而且較不受地域所限
所以就由鐵路迷「轉行」做巴士迷．．


唔知大家既經歷又係點呢？
希望大家又分享一下～

我細細個同細佬 住屯門安定果邊
果陣成日要出觀塘/黃大仙 所以成日坐巴士 61X 62X
成日同細佬搶上層右手邊第一排 (即係carlo頭頂)
之後係到扮渣巴士  係屯門{揸}到落車
果陣61X仲係一半熱狗車 成日坐到開龍/密龍
係屯公感受下自然風 係汀九仲有海風吹下 好舒服  到e +都忘記唔到
之後上左中學 係學校識左個巴迷 開始一齊傾下計
係搬屋果陣 仲求左呀媽買左部DC仔比我影車
搬去黎天水圍 開始有第一部愛車NS7357 e +坐到佢都好開心
我e個巴迷 唔會特當追特見 但係都破例地去左影PC4053
開始識到其他巴迷   我覺得 影巴士係可以增加自己ge生活圈子
仲可以提升影相技術 ~~

因為新巴早期D新巴士無論座椅, 牆壁, 地板, 扶手柱, 電牌字體以至車身色彩都好襯 好漂亮動人  
仲有當年批前中巴巴士保持住原裝藍色內籠披上新巴橙白綠車身色彩, 感覺好新鮮好靚

如果無新巴既出現, 我都唔會成為巴士迷.

[ 本帖最後由 diamond 於 2010-3-5 18:28 編輯 ]

先恭賀此板成立

開始：細細個有人送左架巴士玩具比我，自些喜歡左巴士
於小學個電腦室經常看相關網頁

結束：看見愈來愈多年紀小既巴迷做埋d危險野，所以早
幾年前已結束了

原帖由 diamond 於 2010-3-5 18:25 發表 http://www.hkitalk.net/HKiTalk2/images/common/back.gif
因為新巴早期D新巴士無論座椅, 牆壁, 地板, 扶手柱, 電牌字體以至車身色彩都好襯 好漂亮動人  
仲有當年批前中巴巴士保持住原裝藍色內籠披上新巴橙白綠車身色彩, 感覺好新鮮好靚:loveliness ...

唔知係海怡邊條新巴吸引o左你呢?

原帖由 louispoon 於 2010-3-5 19:33 發表 http://www.hkitalk.net/HKiTalk2/images/common/back.gif

唔知係海怡邊條新巴吸引o左你呢?

我指既係新巴車輛, 唔關邊條新巴線事

其實我自己就好細個已經好鍾意巴士,但係其實我自己都唔知係咩原因,我會鍾意巴士
可能係巴士可以載到好多人同埋有d個外型好靚掛,以前我幾鍾意ATR同3ASV個樣,
我最記得就係自從有左AVW個時我就開始去看下d巴士既野,例如學下點去分車型呀咁......................

人哋問親我喱個問題，我都喺答：「一出世就愛上Buses ~~~」
Actually我都唔知點解自己會愛上巴士，不過只少我知道（記得）3歲嘅時候已經鐘意巴士。
細個搞笑嘢：細個（4、5歲）考試成績好，媽問我要咩獎勵，我話要搭巴士遊澳門一個圈。 （我喺澳門人）

老豆之前做老九 就鍾意左巴士
老豆未退休之前成日跟車
呢排都冇以以前鍾意巴士
而家反而鍾意旅巴,AM車,私家車,拖頭等

我雖然年紀比較小，但我對巴士有一種特別濃厚的感情，我小學二年級的時候開始留意多D野，咁arm睇中巴士的法定載客量。於是，我開始集中研究巴士的載客量。三年班的時候，我開始研究點解有D巴士係曲梯，D有巴士係宜梯呢？點解有D巴士的載客量高D，有D就低D呢？到咗四年級的時候，我同學開始知道咗我鍾意巴士，佢地專登係我生日個日送巴士模型、<香港公共交通圖鑑>比我，我個陣都好驚奇，我心唸：佢地幾時知道咗我鍾意巴士呢？到咗五年級，我開始閱讀容偉釗的<香港巴士資料集(九巴，龍運巴士)2009>，開始留意討論區，我發現唔理乜野討論區都有一定數量的巴士迷。到咗今年，我決定提供自己多一條路，就係加入italk同埋dixxxss，同大家大齊交談！