歐遊多問

本人已草擬好明年歐遊之路線,但未衡量價錢和時間.因此,本人想借此諮詢大家
意見,看看如何安排最後行程.

由英國出發,先坐EUROSTAR(雖然貴好多,但一定會去搭)去巴黎,之後在巴黎住
3-4晚(預左2日去迪士尼),跟住坐TGV去日內瓦逗留一晚,{跟住上少女峰,下午
去琉森,在琉森逗留一晚,跟住去蘇黎世一天/半天}**,跟住去米蘭,FLORENCE,
PISA,羅馬,但意大利的逗留日數和交通安排想問大家意見,我打算在意大利逗留
三日兩夜/四日三夜,去完羅馬後坐夜車去VIENNA,逗留一晚,之後去布達佩斯,跟
住去布拉格,然後過柏林,逗留一晚,跟住坐夜車去MUNICH,逗留一晚,然後去法
蘭克福,再逗留一晚,跟住坐ICE-3過科隆,之後去阿姆斯特丹,跟住去鹿特丹坐船
去DOVER再駁車過倫敦住2晚,最後返回芬蘭.

1)*{}本人有意改坐冰河列車和上鐵力士峰,取代上少女峰的一程,因為上少女峰
太花錢,除非該區景色一流到非去不可,否則本人想慳少少$$$,大家有什麼意
見?

2)另外,本人亦考慮過用反方向去遊歐,因為可避免於法國大花金錢而導致之後
的行程有麻煩,大家有什麼高見呢?

3)若要完成以上行程,如何將交通和住宿費減至最低?我們只有2-4人一齊去.

4)有沒有要修改行程的地方?

[ref=434900]FBI2[/ref]  在 2005-12-3 06:00 PM 發表:

1)*{}本人有意改坐冰河列車和上鐵力士峰,取代上少女峰的一程,因為上少女峰
太花錢,除非該區景色一流到非去不可,否則本人想慳少少$$$,大家有什麼意
見?

2)另外,本人亦考慮過用反方向去遊歐,因為可避免於法國大花金錢而導致之後
的行程有麻煩,大家有什麼高見呢?

3)若要完成以上行程,如何將交通和住宿費減至最低?我們只有2-4人一齊去.

4)有沒有要修改行程的地方?
...

1.坐冰河列車d乘客通常順路上馬特洪峰...
因上馬特洪峰的火車及冰河列車的西面終点站是同一站(好似叫brig站)
同站也是坐火車EC/ETR列車由米蘭經隧道北上瑞士的伯恩/日內瓦的分支站
,如往少女峰則坐伯恩方向列車再入隧道....
....不過除非你用Swiss Rail pass上少女峰,否則....$$$#:-X

2.未有香港迪迪尼前,法國是最細....你不如等下次去日本過個仲抵#
我建議你不如留番呢幾日坐TGV南下玩尼斯,康城,蒙地卡羅(摩納哥),
三地距離十分近,可住二晚尼斯(尼斯位於兩地中間,可即日來回...)
最後坐尼斯往羅馬的EN或早上坐IC沿地中海岸線往比薩斜塔,
黃昏坐1 HOUR 普通列車返佛羅倫斯過夜;)

另外Eurostar應該有造來回優惠,分分平過EuroPass價,
加上我試過EuroPass價必須在該EuroPass生效期內效,
用完/未啓用的EuroPass都出不到EuroPass價車票,變相賠EuroPass 使用日數#:-/

不過遊英國又要另買Railpass,加上倫敦消費貴,就連YH都貴過瑞士,
所以你都係純玩歐州先.(d RM/前中巴城巴又未死,唔駛急喇#)

[ Last edited by 89B on 2005-12-9 at 00:16 ]

個人只去過瑞士, 布拉格, 倫敦同法蘭克福, 所以意見內容有限

1. 如果想上少女峰, 而又想平d, 可以選擇最早果幾班車上去, 如果你唔住Geneva, 改住Interlaken或者Lauterbrunnen(響上少女峰既半山, 十分漂亮, 不過成個瑞士都咁靚)就可以坐最早幾班車, 而呢幾班車係有優惠, 但要你12點前落返山

我無上其他瑞士既山, 但自己覺得少女峰係正常人士上歐洲最高既地方, 你會響火車站既觀景台證明自己去到Top of Europe, 自己覺得會比較有紀念性

而你由Zurich去milan就唔知係坐夜車定返Geneva住一晚啦, 不過你咁行接近係響瑞士遊一個圈, 就覺得辛苦左d, 而且Geneva位處瑞士最西, 同法國接壤, 而你既下一站係Milan時, 我建議你去Interlaken, Luzern或者其他中部城市住好d, 咁去milan既時間就可以玩多一日

2. 布拉格如果只係想做過客, 你會非常失望, 我細佬當年一齊去, 但佢有去巴黎同Praha, 都係覺得Praha值得過去paris, 布拉格真係好靚好正, 雖然係唔可以用europass, 但當地既費用係比其他西歐國家平(但比其他東歐國家貴), 睇下閣下對比較古舊既物品有無好大興趣, 呢個城市全部都係古董黎架

3. 倫敦我覺得2日比較少, 歐洲好多城市既市中心其實都好細, 但倫敦係真係好大, 話就話景點尚算集中, 但你到最後仍然太走馬看花就會覺得唔係好抵.
當年我都係倫敦作最後一站, 有d地方係唔可以比我留太耐, 例如大英博物館真係要用大半日先睇晒成個館(係完全唔可以停低去思考或者睇內容既速度), 所以可以好好諗下, 如果有多d時間, 去下其他英國既地方如Cambridge, Bath等, 坐NatEx就唔駛奉獻比昂貴又唔抵既英國鐵路啦

4. 睇你響德國既路線, 去法蘭克福接近係為左坐ICE3既話, 你不如搵下有無其他路線係用ICE3仲好, 由Munich去Amsterdam因為兩個都係大城市，　可能係有機會係直接車到(但唔肯定），　當然如果你係為左遊火車河，　都不嘗係係一個可取選擇，　但法國都有TGV, 好似89B兄話，　如果你落下法國南部，　都有可能坐TGV時，　你又可以坐多一次高速火車呢

最後總結，　先查下自己既路線係唔係最少轉接，　唔好為左遊火車河而轉太多程車，　你雖然可以放低行李響火車站，　但上上落落係好痛苦既事，　特別係當你遊完一個城市，　好辛苦，　坐夜車又撞正火車站無涼沖時，　身又臭，　人又倦，　你會後悔點解咁辛苦架

仲有，　italk就唔算多朋友比太多意見，　如果你係想多ｄ人比意見，　有ｄnewsgroup同discussion board有比較多朋友係有經驗既

如果版主比我賣廣告既話，　我會強烈介紹歐ｘ旅行社，　佢不但出過好多合香港人口味既歐洲同日本旅遊書(買台灣果ｄ旅遊書係好浪費，　完全浪費人時間既行程，　當參考資料就非常好，　但完全唔明白點解小城市都可以住三五日）

最寶貴既係間旅行社既職員，　個個都係旅遊專家，　態度雖然係比較寸，　但絕對會教到你行最抵玩　最直接既路線，　同埋比其他既旅行社有更平既ｐａｃｋａｇｅ，　每年３－５月成間旅行社會好多人去問資料，　而家應該少好多人，　如果你已經有ｐｌａｎ就去問下啦

歐ｘ旅行社地址響佢地既書有列出，　你自己可以去睇下

捷克物價平,人民教育程度又高,
加上建築保留完好,
簡直係個天堂,
建議你係捷克不妨留耐d....

趁暑假遊客旺季前,
去布拉格遊人未緻太多,
玩得更舒服.

有時間可以去埋西面溫泉鎮KV!

[ref=441893]ksmbh[/ref]  在 2005-12-11 11:46 PM 發表:

捷克物價平,人民教育程度又高,
加上建築保留完好,
簡直係個天堂,
建議你係捷克不妨留耐d....

趁暑假遊客旺季前,
去布拉格遊人未緻太多,
玩得更舒服.

有時間可以去埋西面溫泉鎮KV!

順路一問:依家捷克係咪用歐元作為貨幣呢

[ref=441980]kenny_hou[/ref]  在 2005-12-12 01:20 AM 發表:



順路一問:依家捷克係咪用歐元作為貨幣呢

暫時未, 如果用歐元, 有人估計物價會貴接近一倍#, 所以早d去好

[ref=441980]kenny_hou[/ref]  在 2005-12-12 01:20 AM 發表:



順路一問:依家捷克係咪用歐元作為貨幣呢

暫時未, 如果用歐元, 有人估計物價會貴接近一倍#, 所以早d去好

[ref=442085]wesley[/ref]  在 2005-12-12 10:27 AM 發表:



暫時未, 如果用歐元, 有人估計物價會貴接近一倍#, 所以早d去好

請問依家有訪邊D國家已經轉左用歐元呢

[ref=441257]wesley[/ref]  在 2005-12-11 11:28 AM 發表:

個人只去過瑞士, 布拉格, 倫敦同法蘭克福, 所以意見內容有限

1. 如果想上少女峰, 而又想平d, 可以選擇最早果幾班車上去, 如果你唔住Geneva, 改住Interlaken或者Lauterbrunnen(響上少女峰既半山, 十分漂亮, 不過 ...

呢間歐X旅運D職員仲要話我係小朋友,不過佢地真係幫我做到野,
亦獲取不少寶貴意見,好過一D專賣機票的旅行社,只懂呃$$$$.