鐵記, 真係咁好做? [長文 小感]

雖然好多人, 包括我, 都覺得鐵記比較起九巴ge長工時,
新城ge跳飛機, 呢邊係易做好多, 工時適中人工合理
但..

前日返學, 撞岩個fd做蛇車, 例牌地同佢吹左幾句
佢問我有冇煲煙, 之後引出佢個中三ge仔,
呢排佢個仔越呢越曳.. 返學遲返, 又煲一兩支煙間唔中..
未做呢行晚晚都可以捉住佢背書, 但依家就管都管唔到..
我都睇得出佢好愁緒..
其實呢邊, 慘在乜都要做.. 早中夜蛇廠務乜都要..

我係度諗.. 到底呢行真係咁好做?
到底對一個有家室ge人係咪應該唔做呢間公司?(甚至呢行?)
D作息時間連自己都難接受, 屋企人眼中就係,
之前見佢就晨早出門, 夜夜晚又好早訓;
一排後又好三四點出門好夜返..

(行貨相一張)
呢條線, 一個典型蛇車字軌例子,
6點左右廠出, 收十點左右;
下段2點幾3點齊人等夠鐘, 8點幾正式收工
10點至2點之間, 訓? 又唔係; 陪屋企人?
lunch又冇咁早放2點幾3點又話要做下段..
(*就連司機本身都難適應.. 唔難見做呢條線ge,
下段兩轉車左右就拎D乾糧出黎食.. 連生理時鐘都亂埋..)


我聽完之後覺得好大感觸; 係度諗, 鐵記真係咁好做?
雖然新城要跳飛機, 考記性姐..
雖然九巴工時長; 最多咪輪早夜..
鐵記?



純粹有感, 歡迎討論

原帖由 petcity 於 2010-3-19 22:29 發表
每個工作環境有其難頂之處，亦有其可取地方
問題在常人只見到愁既一面，冇話成日諗起好既一面

或者咁講
鐵記對果D未有家室ge人黎講
冇人要照顧, 時間上好就好多,
始終收工都冇特別野做

但有家室果D, 先唔講輪更 / 蛇車 / 廠務;
只講早 / 夜更, 一係就晨早出門口,
返到黎食個飯又要訓覺
夜更, 3點幾4點先走, 但夜晚就遲遲先返到屋企
就算生理時鐘適應到, 家人都未必咁易接受到..

我見東鐵呢邊撇除隨時幾轉車冇得落地之外,班師傅其實都算係悠閒,食飯時間長,
冇車開時又可以做"文職"(稽查),星期日又有假放,好似唔錯咁...

其實鐵巴只要分開早夜更同2味線已經好好多,即係一係早更OR 2味,一係夜更OR 2味,真係難到編唔到?

原帖由 nickk 於 2010-3-19 22:43 發表
我見東鐵呢邊撇除隨時幾轉車冇得落地之外,班師傅其實都算係悠閒,食飯時間長,
冇車開時又可以做"文職"(稽查),星期日又有假放,好似唔錯咁...

點解東鐵部班人可以咁hea? 因為班次路線需求都少..
紅日仲要左收右收.. 留係度坐廠都冇用..

點解呢邊未計退休而換血; 東鐵掟左人過黎, 仲請極都唔夠人?
點解52特車同06特車都不難見到要稽查們親自出馬?

始終需求問題..

相中個條線
上年暑假識左其中一個師傅
佢話呢條線係就係好做...
少人 , 快一轉, 休息得ok耐
但係要一個人行足成日就真係有d...

個陣佢重要早段做完k53
之後有陣時比人拉去第二條線做一單先收得工
休息2個鐘之後又開過
真係唔難見佢地呢條線開2,3轉又開餐

最終好似調埋去第二條線

乜 鐵 記 唔 係 都 要 跳 飛 機 嫁 咩 . . . ？