請問板友們又冇收睇南方衛視''今日最新聞''(ATV 13台)

原帖由 E21A 於 2010-3-20 12:52 發表
我覺得幾好睇下
主持人有自己既意見
但又唔係好悶...
幾好睇下

如果香港既新聞都係敢就好了

各位板友有冇睇?感覺如何?

有啲「今日睇真D」的感覺.

雖然官方話「最新聞」係新聞節目，不過在新聞報道加評論此終係唔恰當. 「南方報道」都係一派正經ma...

無記錯如果要睇"正經既"南方新聞，仲有其他南方台播，
我都睇過次最新聞，但講真，唔係住係個度都唔了解發生咩事，

不過早排佢有講廣州個BRT就幾有興趣。

其實廣州(正確而言係廣東省ge粵語頻道)
好興用呢種方式報新聞
以前廣州台「新聞日日睇」就係咁
因為踩中政府條線
主持人陳揚最後被逼「旅行」
好似廣東台都有「今日關注」又係呢種形式

小弟反而有睇開"城市特搜"同"你有理講"

小弟非常喜歡呢個頻道, 無論係新聞定娛樂, 都有好多野睇,
除左"今日最新聞", 小弟仲有睇"城市特搜".

好似"城市特搜"咁, 佢會講最近廣州發生左咩事,
例如最新的打荷包方法, 睇完之後可以警惕下自己.

坦白講, 除左13台, 我仲有睇埋中央電視台的新聞,
香港的傳媒, 好多時都好忽略國內新聞,
再唔係就只係針對政治, 對於內地民生事項的報導非常不足,
好似旱災咁, 問題持續左好耐啦, 香港係近呢3,4日先開始賣.

我自己就覺得, 香港人真係有需要睇下內地新聞,
故勿論你是否認同內地的新聞取向, 但我覺得作為香港人,
起碼要知道下自己的國家而家發生緊咩事, 包括一些小事 (大事, 香港新聞都會賣).
睇完香港新聞, 再睇埋內地新聞, 咁咪可以互補, 咩都知道晒.

[ 本帖最後由 AVW56 於 2010-3-23 09:23 編輯 ]

原帖由 kenny_hou 於 2010-3-22 00:55 發表
小弟反而有睇開"城市特搜"同"你有理講"

係"講開又講"呀~

原帖由 AVW56 於 2010-3-23 09:20 發表
小弟非常喜歡呢個頻道, 無論係新聞定娛樂, 都有好多野睇,
除左"今日最新聞", 小弟仲有睇"城市特搜".

好似"城市特搜"咁, 佢會講最近廣州發生左咩事,
例如最新的打荷包方法, 睇完之後可以警惕下自己.

坦白講, 除左13 ...

要加多d中國新聞會比較困難, 一來新聞時間有限, 二來貼近性對新聞黎講係好重要.

我覺得"今日最新聞"係補充"南方報道"的不足, 亦係反映一般國內新聞報道的不足. 基本上要在"南方報道"甚至"新聞聯播"入面搵到"最新聞"咁民生的報道不多, 常以政府消息為主. 相反,香港新聞的民生報道相對較多. 反映出中港新聞取材的方向不同: 國內重權威性消息, 本港就以貼近性為主.

小弟的老媽同老爸最近成日睇南方同中天亞洲
都順道睇左一陣
覺得都係一個唔錯的節目
只係...主持的廣東話好多時要load一陣先明